Matricería Mausa enpresak 3D moldeen inprimaketa-teknologiaren aldeko apustua egin du, Europan erreferente izateko helburuarekin
50 urte betetzear dagoela, Matricería Mausaren jarduerak eboluzionatu egin du, plastikoa eta kautxo-metala injektatzeko moldeen kudeaketa integraletik hasita 3D Multi Jet Fusion teknologiak txertatzeraino. Teknologia hori “lehiakorragoak izateko erabiltzen dugu, prototipoak eta piezak injekzio-moldearen beharrik gabe egiterako garaian”, adierazi du Amalia García Díez, enpresako Kalitate arduradunak.
Matricería Mausaren I+Gren aldeko apustua “egunerokoa da”, aitortu du Garcia Diezek. Bezeroaren neurriko zerbitzu integrala eskaintzen du, diseinua eta fabrikazioa, mantentze-lanak, konponketak eta aldaketak, kopiatzea eta 3D mekanizazioa eta hari bidezko ebaketa barne. “Gure bezeroak askotarikoak dira eta, I+Gri esker, arazoak eta beharrak konpontzen ditugu. Ez dugu produktu propiorik, bezeroaren eskariz fabrikatzen dugu”, azpimarratu du Kalitate arduradunak.
Zentzu horretan, enpresak 3D inprimaketarako alternatiba berriak bilatzen jarraitzen du eta epe labur eta ertainean piezak lurruntzeko zerbitzua eskaintzea aurreikusi du. “3D inprimaketan erabilitako materialaren propietateak hobetzen dituen sistema berritzailea da”, aurreratu du Amalia García Díezek.
Mausak nazioarteko izen handiko konpainiekin lan egiten du, HP kasu, eta batez ere industria sektorean lan egiten duen arren, “medikuntza, altzarien eta argi sektoreetan sartzen ari da”, azpimarratu du. Horrela, adibidez, 3D inprimaketa duen sorbalda-ortesi bat diseinatu eta egin berri du, Matricería Mausako Kalitate arduradunaren arabera, “pazienteari egonkortasuna eta laguntza pertsonalizatua ematen diona, lesioaren eta behar duen neurriaren arabera”.
Nazioarteko hazkundea
Oiartzungo konpainiak 20 langile inguru ditu, Frantzian, Portugalen eta Belgikan du presentzia, eta merkatu berriak lortzeko plan estrategiko bat garatzen ari da. “Matricería Mausaren helburua Europan haztea da, merkatu horretan erreferente gisa kokatzea, 3D inprimaketa eta piezen post-prozesamendu beharrei aurre egiteko”, gaineratu du.
SPRI Taldea RIS 3 Euskadi estrategia abian jartzen duen eragileetako bat da, energiaren, fabrikazio aurreratuaren, bio-osasunaren eta nanozientziaren arloetan espezializazio adimenduna bultzatzeko. Informazio gehiago hemen.
Lotutako albisteak
Sintop proiektuak saldu osteko kudeaketa optimizatu du etxebizitzen eraikuntzan
Construcciones Olabarri buru dela, plataforma adimendun bat garatu da obrak denbora errealean amaitu direnean gorabeherak erregistratzeko. Ekimenak SPRI Taldearen Hazitek Laguntza Programaren babesa jaso du.
INNKIA startup jaio da, enpresen behar zehatzetarako Adimen Artifizala
LABORAL Kutxaren eta IKERLANen eskutik sortu da startup kooperatibo aitzindaria, MONDRAGONen eta Eusko Jaurlaritzaren laguntzarekin.
ELIKA Fundazioak “Recircular alimentación” aurkeztu du, elikagai-soberakinak errebalorizatzen lagunduko duen tresna digitala
Elika Fundazioaren eta Recircular startup-aren arteko lankidetzaren emaitza da, zeinak elikagai-soberakinak ekonomikoki balorizatzea duen xede.
Wake Up! Albiste ekintzaile batzuk sarean
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Female Founders Day: Emakumeen talentua eta ekintzailetza sustatzeko ekitaldia Bilbon
Inbertsioan, teknologian eta ekintzailetzan adituak elkartuko dira: hitzaldi nagusiak, eztabaida mahaiak eta pitch lehiaketa.