Mobilsafek bere bezeroen floten kontsumoa murrizten eta optimizatzen laguntzen du
Mobilsafe Donostian kokatutako ingeniaritza bat da, floten esparruan analisiak eta hobekuntzak egiten dituena. Zehazkiago, konpainia flotak kudeatzeko zerbitzuak eskaintzen dituen aholkularitza-enpresa bat da, horiek optimizatzeko eta kontsumoa murrizteko helburuarekin. Ideia hori duela 20 urte sortu zen, eta datuen analisian oinarritzen da. “Telematikak informazio kopuru handiak sortzeko aukera ematen du. Ibilgailuek egin dituzten kilometroak, zenbat geldialdi egin dituzten, deposituaren egoera, bezero bakoitzean aparkatuta egon diren denboraren ehunekoa edo bestelako informazioa jakin ahal izango da, azaldu du Pablo Mir Mobilsafeko negozio-garapeneko arduradunak. Horrela, ibilgailuen eraginkortasuna handitu nahi da, eta floten arduradunek kostu aldakorrak murrizteko tresnak kontrola ditzakete, hala nola, erregai-kontsumoa edo ibilgailuen mantentze-lanak.
Mobilsafek ibilgailu flota behar duten mota guztietako sektoreentzat egiten du lan, enpresa handiak edo txikiak izanda: elikagai eta edarien enpresak, autobusak, ibilgailuen alokairuko konpainiak, mezularitza enpresak, zerbitzu teknikoko enpresak, mantentze enpresak… Oraingoz, konpainia gipuzkoarrak merkatu nazionalean jarduten du, baina esan daiteke bere eredua atzerrian presente dagoela, bere bezeroek nazioartean ere erabiltzen baitituzte bere tresnak.
Mobilsafek jorratu duen proiektuetako nabarmen batek autobusaren sektoreko enpresa handi bat izan du bezero bezala. 2020an, Donostiako konpainiaren lanari esker, taldearen CO2 isuriak % 34ra murriztu ziren 2006arekin alderatuta. “Enpresaren helburua klima-neutraltasuna 2040an lortzea da. Energia elektriko ekologiko batera aldatzeak eragin handia du horretan, baita beste energia eta erregai alternatibo batzuen hedapenak eta erabilerak ere. Puntu honetan, beharrezkoa da tresna egokiak izatea, adibidez, ibilgailu elektrikoen operazioak bultzatu eta optimizatzeko”, nabarmendu du Pablo Mirrek.
Gaur egun, enpresak beste proiektu batena lanean ari da, oraingoan errepideak mantentzen dituen enpresa handi batentzat, auto konektatuen kontrolean lan eginez. Etorkizunari begira, hau da Mobilsafeko negozio-garapenaren arduradunak sektoreari buruz duen ikuspegia: “Etorkizuneko flotak modu digitalean kudeatuko dira neurri handi batean, eta haien prozesu asko automatikoak izango dira. Software agenteen plataforma adimendunek flotak kudeatzeko taldeei lagunduko diete enpresaren eta bezeroen beharretara hobekien egokitzen diren datuetan oinarritutako erabakiak hartzen, ez bakarrik iraunkortasunaren ikuspegitik, baita kostuekin eta efizientziarekin lotutakoetan ere”. Enpresaren helburua salmentak handitzea da, bai estatuan, bai nazioartean, “orain arte egindako arrakasta-kasuak erreferentzia izan baitaitezke beste merkatu batzuetara hedatzeko”.
SPRI Taldearen helburuetako bat euskal enpresen eraldaketa digitala da. Besteak beste, Basque Industry 4.0, BDIH Konexio, Zibersegurtasun Industriala, Enpresa Digitala edo Inplantalariak laguntza-programen bidez bultzatzen du.
Lotutako albisteak
Agua Embrujadak infusioen sektorea gama handiko alternatiba jasangarriekin irauli du
Arabako enpresak osagai naturalen eta prozesu iraunkorren aldeko apustua egin du, kalitate handiko teak eta infusioak eskaintzeko.
Logistikari buruz Euskadin egiten den kongresuaren hirugarren edizioa egingo dute BECen
Azoka da iparraldeko eremuan packagingaren, logistikaren eta garraioaren sektoreak biltzen dituen azoka bakarra
Araniak hazkundea bizkortu du berrikuntzaren, iraunkortasunaren eta eraldaketa digitalaren bidez
Konpainiak Ipar Amerikan duen presentzia sendotu eta merkatu estrategikoetan lidergoa berretsi du
Prado Silos nazioartean indartzen, estrategia eta inbertsio berriekin hazkundea bultzatuz
38 herrialdetan presentzia handituz eta 2025erako 9 milioi euroko kontratuak aurreikusiz
Segundu bakoitzak kontatzen du. Ziurtatu zure erreskatea ResQaRrekin
Erreskate-orria formatu digitalean: larrialdi ekipoak, erreskatea modu seguruan egin ahal izateko, behar diren ibilgailuko elementuei buruzko infomazio zehatza eta azkarra.