Motor-turbina zigilatzeak egiteko prozesuan fabrikazio gehigarria txertatzeko lanean ari dira WEC eta UPV/EHU
Sektore aeronautikoan kalitate handia eskatzen da, bertan erabiltzen diren piezen bizi-ziklo luzea dela-eta (30 eta 40 urte artekoa), eta epe luzeko inbertsioaren itzulkinen kostu handiak direla-eta. Honen ildo beretik, arlo honetako euskal industriak etengabe ikertu eta berritu behar ditu osagaiak fabrikatzeko prozesuak. Hori da Velatia taldeko WEC eta UPV/EHUko Fabrikazio Aeronautiko Aurreratuko Zentroaren (CFAA) kasua, elkarrekin bultzatu duten Rotoseal proiektuan. Ekimen hau aeronautikako fabrikazioan metodologia berriak txertatzeko sortu da, besteak beste, fabrikazio gehigarrian.
Motor aeronautikoen turbinen zigilatze dinamikorako piezen “belaunaldi berri” bat garatzeko helburuarekin, bi erakundeek osagaiak sortzen lan egiten dute oinarritutako azken garapen teknologikoekin, bi arloetan hain zuzen ere: bata soldadura aurreratuan – prozesu osorako, lokailu-sistemak eta elektrodoen diseinua barne – eta doitasunezko elektrohigaduran – sartze bidez eta hari bidez –.
Apustuaren helburua “segmentuen fabrikazio konbentzionalaren prozesuan hobekuntza handia izatea da, lehiakorra izaten jarrai dezan, baita azken urteotan garatzen ari diren ekarpen-teknologia berriekin alderatuta ere”, adierazi dute proiektuan.
Rotosealek osagai horien fabrikazioan ematen diren pausoak hobetu nahi ditu, “arrisku teknikorik, teknologikorik eta ekonomikorik gabeko ekoizpen prozesua lortzeko”, adierazi dute arduradunek. Hobekuntzen artean, “doitasunezko soldatze eta akabera-prozesuen arazketa” funtsezkotzat jotzen dute, akatsak minimizatzeko. Prozesuan lehiakortasuna hobetzeaz eta gaitasun teknologikoak zabaltzeaz gain, produktu berriak garatzearen aldeko apustua ere ematen da Rotosealen.
Hazitek 2019 programaren barruan dago proiektu hau, Eusko Jaurlaritzak eta Europar Batasunak batera finantzatzen dute, 2014-2020 artean Eskualde Garapenerako Europako Funtsaren (FEDER) bidez. Rotoseal bere azken hilabeteetan dago orain, 2019an arlo horretako azterketa teknologikoarekin hasi ondoren. Bigarren fasean aukerak identifikatu dira eta prototipoak teknologia horiekin garatu dira. Hirugarren fasearen prototipoa osatzea da helburua, integrazio eta industrializazio prozesuekin batera.
SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Hori dena Elkartek, Emaitek edo Hazitek bezalako programen bidez lortzen da, eta horien informazioa hemen dago eskuragarri.
Lotutako albisteak
Diker, osasungintzaren sektorerako injekzio bidezko plastikoetan Euskadi mailako erreferente bihurtu nahi duen ETEa
Oiartzungo enpresa, gaur egun, batez ere automobilgintzaren eta elektronikaren sektorearentzat ari da lanean
Einnek, bost urte etengabe eboluzionatzen sektore elektriko-elektronikoan
Pandemia betean jaio zen enpresak eraldaketa digitalaren aldeko apustua egin du hasieratik, sektorean bereizteko; bideojoko bat ere sortzen ari da, ingeniaritzako eta muntaiako barne-prestakuntza teknikoa iraultzeko.
Enpresa industrialen eta industria adimendunean espezialistak diren enpresa digitalen arteko elkarlana erraztuko du SPRI Taldeak
Enpresen Networkinga 2025 - Smart Industry kongresuaren 8. edizioa egingo dute martxoaren 26an, Bilbon, eraldaketa digitalari laguntzeko
Sintop proiektuak saldu osteko kudeaketa optimizatu du etxebizitzen eraikuntzan
Construcciones Olabarri buru dela, plataforma adimendun bat garatu da obrak denbora errealean amaitu direnean gorabeherak erregistratzeko. Ekimenak SPRI Taldearen Hazitek Laguntza Programaren babesa jaso du.
Logistikari buruz Euskadin egiten den kongresuaren hirugarren edizioa egingo dute BECen
Azoka da iparraldeko eremuan packagingaren, logistikaren eta garraioaren sektoreak biltzen dituen azoka bakarra