Nola igaro industria analogikotik digitalera, enpresek gainditzeke dituzten erronkak
Nahiz eta teknologia digitalak gero eta txertatuago dauden enpresetan, industriak bide luzea dauka aurretik eraldaketa digitala erabatekoa izan dadin. Kaytek enpresako zuzendari nagusi Manu Fadiñok Produkzio Digitala, aldaketaren aroa jardunaldian azaldu bezala, eten hori fabrikazio prozesuetan zentratzen da nagusiki. SPRI Taldeak Bizkaia Enpresa Digitalaren bidez antolatutako topaketa hori online egin zen urriaren 22an, eta topaketaren helburua izan zen azaltzea zer den ingurune industrialen eraldaketa digitala.
Startup bizkaitarreko arduradunaren arabera, enpresa gehienak hirugarren iraultza industrialean murgilduta daude oraindik. Hirugarren iraultza industriala XX. mendeko fenomeno bat da, eta produkzio automatizatuari eta EIKTen erabilerari lotuta dago. “Badauzkagu teknologiak eta tresnak, baina gogoeta sakonagoa egin behar da laugarren iraultzara iristeko” adierazi zuen Manu Fadiñok jardunaldian. Kontua ez da bakarrik adimen artifizialeko teknologiak, Big Data eta IoT erabiltzen hastea, “ezinbestekoa da aldaketa kultural sakon bat, non eraldaketa digitala balio-kateko maila guztietara zabalduko baita”.
Kaytek enpresako zuzendari nagusiak turismoa jarri zuen adibide bezala. Sektore hori goitik behera aldatu da, izan ere, fisikoki bidaia-agentzietan zentralizatzen ziren zerbitzuetatik eredu guztiz desberdin batera igaro da, non erabiltzaileak berak kudeatzen baititu aukera guztiak Internet bidez, modu banatu eta berehalakoan. Orain aztertu behar da nola eraman aldaketa kultural hori industriara, zeinetan jokoan sartzen baitira zerbitizazioa bezalako kontzeptuak.
Fadiñok azaldu zuenez, aldaketa horretarako lehen giltzarria da informazioa guztiz digitalizatzea, papera erabat desagerraraziz. Lantegiak adimenduna izan behar du, eta horretarako ezinbestekoa da dena konektatuta egotea, hasi diseinutik eta fabrikazio prozesuetatik eta plantillako langileenganaino. Azkenik, eraldaketa horrek eskatzen du bezeroa erdigunean jartzea, prozesuetako eragile nagusia izan dadin: “gurekin konektatuta egon behar du, eta ematen diogun produktuari buruzko ezagutza izan behar du (trazagarritasuna, gaitasunak, e.a.)”.
Aldaketa horrekin lortzen diren abantaila garrantzitsuenak dira fabrikan egiten diren operazio guztien erabateko trazagarritasuna, prozesuen kontrol zorrotza eta askoz ere malgutasun handiagoa. “Eraldaketa digitalarekin prozesuak murriztu egingo dira, lana automatizatu egingo da eta prozesu guztia softwarera pasako da. Horrela, datuak bakarrik geldituko dira” esan zuen enpresako zuzendari nagusiak.
Kaytek BIC Bizkaia Ezkerraldea zentroan kokatutako startup teknologiko bat da. Konpainia 2018an sortu zen industria digitalizatzeko helburuarekin, eta Kaytek plataforma da bere proiektu nagusia, zeina IoT eta Blockchain teknologien arteko elkarreraginean oinarritzen baita prozesu industrialak erabat digitalizatzeko.
Lotutako albisteak
EatAmigo, ostalaritzako eskaerak automatizatzeko AA erabiltzen duen tresna
Gipuzkoako enpresak jatetxeekin, ostalaritza kateekin eta elikagai banaketa enpresekin egiten du lan estatu mailan, eta duela gutxi Mexikon lortu du lehen bezeroa.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zabalgarbik denbora errealeko analisi-tresnekin modernizatu du bere azpiegitura
Besteak beste, biki digitala eta adimen artifizialean oinarritutako teknologiak ezartzeaz gain, lurrun-gainberogailu bat instalatzea du helburu enpresak, energia-eraginkortasuna eta jasangarritasun operatiboa hobetzeko ekimen estrategiko bat.
Zinemaldia Startup Challenge 2025
Izen-ematea: apirilaren 15etik ekainaren 2ra arte
GAIAk IKT sektorearen prestakuntza-beharren diagnostikoa egin du eta merkatuaren eskaerei erantzuteko prestakuntza-ibilbideak garatu ditu
GAIAk azpimarratu duenez, sektoreko eta gobernuko erakundeen, sozietate publikoen eta hezkuntza-sistemaren parte-hartzea funtsezkoa izan da azterlanari balio erantsia emateko
Senvia Systems-ek beste enpresa batzuk gidatzen ditu haien sustapenean eta eraldaketa digitalean
Iaz sortutako enpresa gipuzkoarrak sistemetan, komunikazioetan eta zibersegurtasunean oinarritutako IT zerbitzuak eta aholkularitza eskaintzen ditu.
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Akting, gizarteari balioa emateko teknologia
Gipuzkoako enpresak euskarri desberdinetarako aplikazioak garatzen ditu eta digitalizazioaren, datuen analisiaren eta prozesuen optimizazioaren aldeko apustua egiten du.
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.