OpenMaker ekimenak hautatutako 5 proiektuak aurkeztu ditu
Otsailaren 22an topaketa ireki bat egingo da Zamudion
OpenMaker ekimen europarraren helburua da zubiak eraikitzea industriaren eta maker mugimenduaren artean, lankidetza-sareak sortzeko eta sare horien bidez negozio-eredu, produktu eta prozesu berriak lortzeko. Europan lau gune aktibatu dira horretarako, horietako bat Bizkaiko Teknologi Parkean, Tecnalia zentroak koordinatzen duena. LES –Local Enabling Space- bakoitzean bost proiektu pilotu garatuko dira, eta Euskadiko guneak dagoeneko jakinarazi du zeintzuk izango diren OpenMaker ekimenean parte hartuko duten proiektuak.
Otsailaren 22an aurkeztuko dira aukeratutako bost ideiak, maker munduko eta 4.0 industriako profesional eta zaleei zuzendutako jardunaldi batean. Topaketa horretan ezagutzera emango dira datozen hilabeteetan Tecnaliak koordinatutako LES gunean garatuko diren proiektuak eta, horrez gain, bertaratuek aukera izango dute elkarren arteko konexioak sortzeko eta OpenMaker plataforma digitala ezagutzeko.
Hona hemen proposamen batzuk: menpekotasuna duten pertsonen erorketak detektatzeko alarma bat, metalezko 3D inprimagailuak sortzeko proiektu bat, hiriko nekazaritza jasangarrirako sistemak eta zeramikan berritzeko ekimen bat. Horietako bakoitza garatzeko, maker arloko eta industriako profesionalak elkarlanean arituko dira 9 hilabeteko azelerazio-prozesu batean, eta OpenMaker ekimenak finantzatuko ditu.
Europako Batzordeak bultzatzen du ekimena, konexio berriak sortzeko manufakturaren munduaren eta maker komunitatearen artean 4.0 industriaren testuinguruan. Zamudioko Local Enabling Space zentroaz gain, badira beste hiru gune Italian, Eslovakian eta Erresuma Batuan. OpenMaker Meet the Champions jardunaldia Bizkaiko Teknologi Parkeko 204 eraikinean egingo da, SPRI Taldeak Bizkaia Enpresa Digitalaren bitartez koordinaturik eta Tecnaliak antolaturik.
Lotutako albisteak
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.
Industria Digitaleko laguntzek zure negozioaren eraldaketa digitala lortzeko bidea irekiko dizute
Industria Digitala 2025 laguntza-programaren aurtengo edizioa martxoaren 18tik irekita, 7.5 milioi €-ko aurrekontuarekin. Euren negozioa digitalki eraldatu nahi duten enpresek urriaren 31era arte aurkez ditzakete euren eskaerak.