Pick&Place manipulazioa – 4.0 konponbideak
Hemen gaude berriro, oraingoan Pick&Place manipulazioarekin harremana duten beharrak dituzten enpresei BDIH sareak eskaintzen dizkien 4.0 konponbide nagusiak aurkezteko.
Pick&Place manipulazioa – piezak edo tresna piezaren gainean
Tekniker BDIH sareko kideak Objektu eta tresnak malgutasunez manipulatzeko sistema robotikoa aurkezten du. Zelulak aukera ematen du piezak manipulatzeko edo tresna piezaren gainean manipulatzeko eragiketak automatizatzeko eragiketak planteatzeko. Mota honetako eragiketak egiteko konfigura daiteke sistema robotikoa: objektuen pick and place eta tresna objektuaren gainean posizionatzea, bai modu konbentzionalean, bai modu kolaboratiboan. 6/7 askatasun-graduko robot batek osatzen du sistema robotikoa, eta hiru ikusmen-sistema ditu hurrengo bi funtziotan erabiltzeko konfigura daitezkenak:
1) piezen posizioa gainazalean edo edukiontzian detektatzea eta identifikatzea,
2) eremuaren monitorizazioa, modu kolaboratiboan lan egiten denean talkak saihesteko.
Zelulak aukera ematen du jarraian azaltzen diren hauekin erlazionatutako eragiketen bideragarritasuna ebaluatzeko eta haien automatizazioa planteatzeko: bin-pickinga; tresnaren posizionamendua behar duten pieza gaineko eragiketak, hala nola torlojutzea/bizar kentzea; tresnak modu jarraituan kontrolatzea gainazala, leuntzeko eta ikuskatzeko eragiketetan. Ziklo-denborei, posizionamenduaren aldakortasunari, modu kolaboratiboko segurtasunari eta bestelako alderdi batzuei lotutako baldintzak azter daitezke zelularekin.
Pick&Place manipulazioa eta eskuzko operazioen robotizazioa
Kasu honetan, BDIH sareko kide Idekok metalezko eta konpositezko piezen fabrikazio eta ikuskapeneko ikerketarako zelula eskaintzen du, piezen fabrikazio, akabera eta ikuskapenerako sistema robotikoen ikerketarako zelula. Tamaina ertaineko hiru industri robot ditu, bai eta fabrikazio eragiketetarako erreminta bereziak ere, hala nola pieza metalikoen akaberak egitekoak (lixatzea, leuntzea, bizar kentzea, esmerilatzea), konpositezko piezak fabrikatzekoak eta ultrasoinuen eta korronte induzituen bitartez NDT ikuskapenak egitekoak. Segurtasuneko hesi batez inguratutako gunea da, eta 3 metro luze den aluminiozko mahai bat dauka osagaien muntaketarako eta erretilu bat likidoak jasotzeko. Hautsa eta txirbilak xurgatzeko sistema bat dauka, eta elikadura elektrikoa eta pneumatkoa erremintetarako. Zelula osoa programatu eta simulatzeko beharrezkoa den softwarea dauka. Prozesuko datuak monitorizatzeko eta analisirako sistema bat dauka lainoan, eta prozesua denbora errealean kontrolatzeko sistema bat ere bai, zeina Matlaben eta Simulinken programatu daitekeen.
Konponbide hauek zure enpresaren beharretara moldatzen direla uste duzu? Aktibo hauek gure 4.0 konbinazioren batekin osatzea gustatuko litzaizuke, zure prozesuak optimizatzeko? Jarri zaitez harremanetan gurekin eta aholku emango dizugu, baita zure kasuari moldatutako neurriak eskaini ere.
Lotutako albisteak
Logistikari buruz Euskadin egiten den kongresuaren hirugarren edizioa egingo dute BECen
Azoka da iparraldeko eremuan packagingaren, logistikaren eta garraioaren sektoreak biltzen dituen azoka bakarra
Danobatek fabrikazioa irauli du doitasunezko robot berritzaile batekin
Euskal fabrikatzailea robotikaren sektorean sartu da diseinu disruptibo batekin: doitasun eta dinamika handia eskatzen duten eragiketetarako berariaz diseinatutako robot eredu berritzaile batekin.
Prado Silos nazioartean indartzen, estrategia eta inbertsio berriekin hazkundea bultzatuz
38 herrialdetan presentzia handituz eta 2025erako 9 milioi euroko kontratuak aurreikusiz
Segundu bakoitzak kontatzen du. Ziurtatu zure erreskatea ResQaRrekin
Erreskate-orria formatu digitalean: larrialdi ekipoak, erreskatea modu seguruan egin ahal izateko, behar diren ibilgailuko elementuei buruzko infomazio zehatza eta azkarra.
Landatu Solarrek, bere produktu berritzaileen bidez, eguzki-panelak instalatzea errazten du
Bilboko ingeniaritzak bi sistema sortu ditu: Landblock, teilatu eta zoruetan instalatzeko, eta Lamaru, eguzki-energia flotatzailerako soluzioa.