Plasnorrek bere ekoizpena berrantolatu du, manparetara bideratuta dauden metakrilatozko xafla gardenak egiteko

Legazpin egoitza duen Plasnor enpresa gipuzkoarrak merkatu berri bat aurkitu du. Orain arte, koloreztatutako plastikozko xaflak egiten zituen hainbat sektoretarako: karrozeriak, logistika, altzariak, industria… Bere ezaugarrien nagusietako  bat, hain zuzen ere, gainazalak koloreztatu eta bezeroen eskaeren neurrira egiteko gaitasuna izan da. 60 langile ditu, eta produkzioaren % 65 bost kontinenteetako herrialdetara esportatzen du.  

Covid-19aren pandemiak barne-hausnarketa bat egitera eta alternatibak bilatzera behartu du, beste hainbat euskal enpresetan gertatu den bezala. Material plastikoen termokonformazioan espezialista da Plasnor, eta ezagutza horri esker merkatu-nitxo berri batera abiatzeko erabakia hartu du. 

“Estrusioan oinarritzen da gure lana. Lehengaia erosten dugu, plastikoa koloreztatzen dugu eta neurrira egindako formatuetan moldatzen dugu”, azaldu du Juan Antonio Agirre Legazpiko enpresako zuzendari nagusiak. Martxoan, osasun-krisia heldu zenean, babes-holtzak urritzen hasi zirela ikusi zuten. “Koronabirusari aurre egiteko beharrak aztertu genituen, baita enpresak irtenbideren bat eskaintzeko zituen aukerak ere. Horrela, xafla gardenak egitea erabaki genuen, eta horien azken aplikazioa manparak izango ziren, besteak beste“. 

Bitxia da Plasnorren jardueraren aldaketa. Neurrira egindako eta koloreztatutako materiala ekoiztetik, metakrilatozko xafla estandarizatuagoak    –batez ere dimentsioei dagokienez– eta guztiz gardenak egitera pasatu da. 

Enpresak garai berrietara egokitzeko denbora tarte bat behar izan du. Eta horren emaitza produktu desberdin bat da, merkatu erabat desberdin batera zuzendutakoa. “Bezeroek zoriontzen gaituzte, oso denbora gutxian lortu dugulako”, esan du Agirrek. Gainera, “3 eta 5 hilabete bitartean behar dira materiala entregatzeko. Gure kasuan, orain hasi gara fabrikatzen, eta bezeroak handitzen ari dira pixkanaka. Baina hilabete batean bakarrik hornitzeko gai  gara“.  

Euskal enpresen artean berrikuntza bultzatzeko, enpresa txiki eta ertainetatik konpainia  handietaraino,SPRI Taldeak Hazinnova eta Innobideak bezalako programak eta laguntzak ditu. Hemen  kontsulta daitezke. 

Lotutako albisteak

18 uztaila, 2024 Berrikuntza

Mikel Jauregi industria klusterrekin elkartu da eta Euskadiren espiritu aitzindaria aldarrikatu du etorkizuneko erronkei eta aukerei aurre egiteko

Irakurri gehiago

12 uztaila, 2024 Berrikuntza

Biotz sendotu egin da Orklirekin aliantza estrategikoa itxi ondoren

Irakurri gehiago

9 uztaila, 2024 Berrikuntza

Erhardt Serikaten teknologia kuantikoak konponbide berritzaileak ematen dizkie logistikaren sektoreko arazoei

Irakurri gehiago

2 uztaila, 2024 Berrikuntza

‘Belk+’, mugikortasunerako laguntza pertsonaleko lehen exoeskeleto adimenduna

Irakurri gehiago

27 ekaina, 2024 Berrikuntza

Gaztaren Institutuak gazta eta esne gordinaren aldeko apustua egin du, berrikuntzarako ibilgailu gisa

Irakurri gehiago

Joan blog-era