Postadditive’19, fabrikazio gehigarrirako prozesatu ondoko teknologiei buruzko hitzaldia, egingo da Donostian, azaroaren 6an eta 7an

Prozesatu ondoko fasea da fabrikazio gehigarriaren prozesuari behaztopa egiten diona

2019ko azaroaren 6an eta 7an, Cidetec Surface Engineering-ek Donostian egingo duen PostAdditive’19 konferentzian fabrikazio gehigarriaren bitartez ekoiztutako materialen prozesatu ondoko teknologien aditu nagusiak bilduko ditu. Bi egun horietan azken aurrerapenen ikuspegi globala eskainiko da eta baita teknologia horiek eskaintzen dituzten aukera industrialak ere.

Fabrikazio gehigarria indar handiz sartu da fabrikazio industrialerako teknologien alorrean eta fabrikazio mota berri hau sektore guztietara iristear dago ere.

Dena dela, fabrikazio gehigarriarekin lortutako osagaiek kalitate baxua dute azaletik. Horrez gain, ekoizpenean sortutako euskarriak ezabatu egin behar dira, eta, ondorioz, prozesatu ondoko fasea da fabrikazio gehigarriaren prozesuari behaztopa egiten diona.

Gaur egun industrian erabiltzen diren soluzioek eskuzko eragiketa gehiegi behar dituzte edo gastu handia dakarte, eta gehienetan, piezaren amaierako kostuaren erdia da hori.

Geometria konplexua duten piezak behar bezala eta modu ekonomikoan amaitzea erabateko erronka da. Horregatik oso garrantzitsua da teknologien abantailak eta mugak ezagutzea, pieza eta material bakoitzaren osaera, geometria eta eskakizun funtzionalen arabera gehien egokitzen dena aukeratzeko.

Konferentzian, sektoreko erakunde garrantzitsuek parte hartuko dute, Siemens, Fraunhoffer eta Extrude Hone Spain-ek kasu, eta, horrez gain, berrikuntza teknologikoko zentroetako ordezkariekin, prozesatu ondoko teknologiak aplikatzen dituzten enpresekin eta beren jarduera-eremuetan erreferentziazko erabiltzaileekin 13 hitzaldi gehiago aurreikusten dira.

Lotutako albisteak

22 uztaila, 2024 Berrikuntza

Jabones El Abra: “Produktu litro bakoitzeko plastiko gutxiago erabiltzen duen ontzi ekologiko bat garatu dugu Hazinnovari esker”

Irakurri gehiago

18 uztaila, 2024 Berrikuntza

Mikel Jauregi industria klusterrekin elkartu da eta Euskadiren espiritu aitzindaria aldarrikatu du etorkizuneko erronkei eta aukerei aurre egiteko

Irakurri gehiago

12 uztaila, 2024 Berrikuntza

Biotz sendotu egin da Orklirekin aliantza estrategikoa itxi ondoren

Irakurri gehiago

9 uztaila, 2024 Berrikuntza

Erhardt Serikaten teknologia kuantikoak konponbide berritzaileak ematen dizkie logistikaren sektoreko arazoei

Irakurri gehiago

2 uztaila, 2024 Berrikuntza

‘Belk+’, mugikortasunerako laguntza pertsonaleko lehen exoeskeleto adimenduna

Irakurri gehiago

Joan blog-era