Scott & Irwin, murgiltze esperientziak eta teknologiak publiko eta enpresa guztientzat eskuragarri
Duela bost hilabete, hainbat proiektutan elkarrekin lan egin zuten profesionalek XR teknologiak hurbiltzeko beharra ikusi zuten; hau da, Errealitate Birtuala (VR), Errealitate Areagotua (AR) eta Errealitate Mistoa (MR) barne hartzen dituzten teknologia murgiltzaileak, baita esperientzia murgiltzaileak ere, aurrez ezagutza informatiko handirik ez duen publiko batengana hurbiltzeko beharra ikusi zuten. “Ulertzen genuen gaur egun enpresa asko ez direla ohartzen eraldaketa digitalak haientzat dituen gaitasunez eta zein eskuragarria bihurtu den”, azaldu du Iban Lozanok, Scott & Irwinen CEOak. Hausnarketa-prozesu batetik abiatuta, merkatua aztertzea erabaki zuten, Plug & Play produktuak eskaintzeko ideiak tokirik izan zezakeen ikusteko. Erantzuna positiboa izan zen eta horri ekitea erabaki zuten.
Horrela sortu zen Scott & Irwin, 14 langile dituen berrikuntza digitaleko estudio bat, enpresei balioa sortzen laguntzen diena, instalatzeko eta erabiltzeko errazak eta intuitiboak diren soluzio digital interaktiboen bidez. Horretarako, ezinbestekoa da produktuak, espazioak edo prozesuak digitalizatzea, eskaneatze baten bidez edo 3D bat sortuz, eta hortik edozein plataformatara esportatzen ditu landutako baliabide berri horiek, besteak beste, mural interaktiboak, errealitate birtuala edo areagotua edo gailu mugikorrak. “Plataforma horietan egiten dugu ondoren esperientzia bakoitza, eta ‘wow efektua’ sortzen dugu, bai bezeroentzat, bai azken erabiltzaileentzat”, adierazi du Lozanok. Era berean, produktu guztiak hainbat hizkuntzatan daude eskuragarri, eta, ostean, bezeroak edukia (testuak, irudiak eta bideoak) %100 alda dezake CRM baten bidez.
Bost hilabete hauetan, Scott & Irwinek sektore ezberdinetako enpresa txikiekin lan egin du (Petritegi sagardotegia edo MYL tailerrak), baita nazioarteko enpresa handiekin ere (F1 Exhibition Kanadan, Etisalat Arabiar Emirerrietan, Corona Tools Estatu Batuetan eta Mercedes Benz Gasteizen). “Edozein enpresa motarentzat lan egin dezakegu, gure esperientziak haien beharretara eta gaitasunetara egokitzen baitira”, dio CEOak.
Aurtengo urtarriletik hona merkatuan egon arren, bere proiekturik aipagarrienen artean honako hauek daude: Bartzelonako World Movil Congress-en, Arabiar Emirerri Batuetako e& sinadurarako auto elektriko baten konfiguratzaile eta simulagailu bat aurkeztea errealitate birtualean; Corona Toolsentzat wall interaktibo bat garatzea San Diegon (AEB); edo one-shot esperientzia bat sortzea ACC Comunicación eta San Miguelentzat Madrilen. Nabarmendu behar da, halaber, duela gutxi, F1 Exhibition-erako soluzio interaktibo digitalen hornitzaile nagusia bihurtu dela, Toronton hiru esperientzia aurkeztuz.
Etorkizunari begira, startupak bere produktuak hedatzen jarraitu nahi du, bai tokian-tokian, bai nazioartean. “Dagoeneko onartuta ditugu hainbat proiektu kanpoan, Arabiar Emirerrietan eta Erresuma Batuan, besteak beste; eta proposamen irekiak ditugu Euskadin eta Espainiako iparraldean”, adierazi du Lozanok. Gainera, I+Gko jarduerarekin jarraitu nahi du; izan ere, CEOak adierazten duen bezala, “oso konstanteak izan behar dugu horrekin, eta helburuak oso argi izan behar ditugu, gure sektorean ezinbestekoa baita merkatuan agertuko diren teknologiei aurrea hartzea, ia berehala, garapen-denbora nahiko laburrekin, konponbide sendoak eskaintzeko gai izateko”.
SPRI Taldearen helburuetako bat euskal enpresen eraldaketa digitala da. Besteak beste, Smart Industry, BDIH Konexio, Zibersegurtasun Industriala, Enpresa Digitala edo Inplantalariak laguntza-programen bidez bultzatzen du.
Lotutako albisteak
GAIAk IKT sektorearen prestakuntza-beharren diagnostikoa egin du eta merkatuaren eskaerei erantzuteko prestakuntza-ibilbideak garatu ditu
GAIAk azpimarratu duenez, sektoreko eta gobernuko erakundeen, sozietate publikoen eta hezkuntza-sistemaren parte-hartzea funtsezkoa izan da azterlanari balio erantsia emateko
Senvia Systems-ek beste enpresa batzuk gidatzen ditu haien sustapenean eta eraldaketa digitalean
Iaz sortutako enpresa gipuzkoarrak sistemetan, komunikazioetan eta zibersegurtasunean oinarritutako IT zerbitzuak eta aholkularitza eskaintzen ditu.
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Akting, gizarteari balioa emateko teknologia
Gipuzkoako enpresak euskarri desberdinetarako aplikazioak garatzen ditu eta digitalizazioaren, datuen analisiaren eta prozesuen optimizazioaren aldeko apustua egiten du.
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Zabalik dago MAKE IN! Ekintzailetza Industriala programaren 4. ediziorako izen-emate epea
Apirilaren 25a izango da programan izena emateko azken eguna
Wake Up! Albiste ekintzaile batzuk sarean
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.