Sei estrategia Bizkaiaren trantsizio zirkularrerako
Circle City Scan partzuergoak Bizkaiarentzat funtsezkoak diren hiru sektoretako aukerak identifikatu ditu
Hirietan kontsumitzen da mundu osoan erabiltzen den energiaren bi heren, eta orobat hirietan sortzen dira negutegi efektua eragiten duten gas guztien %70. Hiriak baliabide erabiltzaile, hondakin sortzaile eta kutsadura-iturri nagusi bihurtu dira, munduko biztanleria gero eta gehiago kontzentratzen delako hirietan. Eta, hain zuzen, horregatik hiriek gida lezakete produkzio-eredu sostengarriago bateranzko eredu aldaketa.
Circle Economy aholkularitza holandarrak sortu du Circle City Scan partzuergoa Bilbao Ekintza, BEAZ eta Innobasque erakundeekin batera, eta Aclima, Ihobe eta Inèdit klusterren laguntzarekin. Partzuergo horren helburua da Bilboko eta Bizkaiko produkzio-eredua ekonomia zirkularrerantz eraldatzeko prozesua sustatzea. Ikerketa bat egin du, non potentzial handiena duten sektoreak eta martxan jarri beharreko estrategiak identifikatu baititu.
Lurraldea aztertu ostean, Circle City Scan partzuergoak nabarmendu du hiru direla ekonomian eta baliabideen erabilpenean inpaktu handiena eragin dezaketen arloak: metalaren sektorea, jatetxeak eta handizkako banaketa. 121.000 lagun enplegatzen dituzte hiruren artean (guztizkoaren %68), 6.800 milioi euroko ekarpena egiten diote tokiko ekonomiari eta baliabideen %17 kontsumitzen dute.
Txostenak sei estrategia identifikatu ditu, proiektu pilotu bezala martxan jartzeko. Jatetxeen sektorean proposatzen du eskaintza egokitzea, produkzio-katean baztertutako elikagaiak barne hartzen dituzten menu sostengarriagoak eskaintzeko. Baliabide jangarri horiek berraprobetxatuta hondakin bolumena murriztuko litzateke eta, aldi berean, produktu eta negozio-eredu berriak sortuko lirateke. Katearen beste muturrean, plataforma digital bat sor liteke elkarrekin konektatzeko kontsumitzaileak eta jaki soberakinak, eta jakiak merkeago saltzeko egunaren amaieran.
Handizkako banaketaren logistika sektorean, Circle City Scan partzuergoak hainbat aukera detektatu ditu, adibidez, hondakinak bereizteko sistema eraginkorragoak sortzea, berrerabil daitezkeen baliabideak berreskuratzeko, pizgarriak eskainiz erabiltzaileek parte hartu dezaten. Sektore honetarako ere plataforma digital bat proposatu du, eragile desberdinekin konektatu eta banaketa- eta garraio-eredu sostengarriagoak bilatzeko. Azkenik, metalurgiaren sektorean estrategia bezala proposatu du fabrikazio gehigarria erabiltzea eta eragile arteko lankidetzak bultzatzea, baliabideen erabilpen intentsiboan hainbeste zentratzen ez diren produkzio jarduerak sustatzeko.
Circle City Scan partzuergoa 9 hilabetez aritu da ikerketa horretan lanean, bertako agenteekin batera. Ekimenaren helburua da ibilbide-orri bat sortzea Bizkaiak aurrera egin dezan ekonomia zirkularrerantz, betiere potentzial handiena duten sektoreetan zentratuta.
Lotutako albisteak
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Industriarako soluzio teknologiko aurreratuen garapenean erreferentea den ULMA kooperatiba taldea bisitatu du Mikel Jauregi sailburuak
Oil&Gaseko negoziorako brida homologatuen fabrikazioan munduko liderra den ULMA Forged Solutionsen lantegi nagusian ibili da eta "ziurgabetasuna nagusi den une honetan, ULMA kooperatiba-taldea industriaren, inbertsioaren, berrikuntzaren eta kalitatezko enpleguaren aldeko apustua nabarmena egiten ari da" nabarmendu du
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua