Sisteplantek HyperloopTT kapsularen azken muntaiarako integrazio Fabrika diseinatu du
Etorkizuneko mugikortasunaren kontzeptua goitik behera aldatzen ari den Hyperloop Transportation Technologies HTT enpresak, Sisteplant enpresa espainiarrari, Hyperloop etorkizuneko treneko kapsulak zerbitzuan jartzeko sistema guztien integrazio eta mihiztadura egingo diren instalazioen diseinua egiteko ardura eman dio. Kapsulak, Espainiako beste enpresa batek, Airtificial Intelligence Structures-ek, alegia, osatutako materialez fabrikatuta daude.
Proiektua, Elon Musk-ek 2013an, seguruagoa, azkarragoa, ekonomikoagoa, klimak edota balizko mugimendu sismikoek eraginik egingo ez zion, bestelako garraio bideentzat oztopo izango ez zen eta jasangarria izango litzatekeen mugikortasunerako soluzio bat diseinatzeko ikuspegi partekatutik sortu zen.
Handik gutxira, Hyperloop Transportation Technologies-ek enpresa entzutetsuetako, esaterako, Boeing, Airbus, Nasa, eta Harvard, UCLA eta bestelako unibertsitateetako 100 profesional baino gehiagoz osatutako partzuergo bat ahalbidetu zuen, beti ere, orain arte kontzeptu bat besterik ez zen horren garapenean lan egiteko asmoz.
Geroztik, Hyperloop TT-ek teknologikoak zein komertzialak diren akordioak ezarri ditu hainbat herrirekin, horien artean AEB, Txekiar Errepublika, Arabiar Emirerri Batuak, Frantzia, Alemania, India eta Brasilekin.
Industrializazio eta sektore aeronautikoko muntaia lerroetan Sisteplantek duen eskarmentu handia, funtsezkoa izan da, etorkizuneko Hyperloop HTT ekoizpen instalazioen diseinuaz arduratu dadin. Instalazio horietan, sistema guztiek integrazioa gauzatuko da eta kapsulen froga eta zerbitzu jartzeak egingo dira.
Sisteplantek Etorkizunerako Fabrika kontzeptua planteatu du, etorkizuneko mugikortasun soluzioa izango denerako, besteak beste, malgutasun eta emate epe murritzak bezalako irizpideei so eginda, muntaiaren modularitateari esker, pertsonalizazio maila handiak ahalbidetuz.
Bestalde, Airtificial Intelligence Structures, Espainiako merkatu jarraituan kotizatutakoa, garraiobide berriaren kapsulen fabrikazio eta mihiztadurarako hornitzaile esklusiboa da. Airtificialek fabrikatutako lehen kapsulak, urriaren 2an aurkeztu zenak, 32 metro luzera zituen. Bigarren kapsula 2019 urte bukaerarako ematea aurreikusita dago.
Sisteplantek definitutako proiektuak, fabrikazio eta muntaia fase guztien sinkronizazioa, lay out-a, automatizazioak, lan edukiak, edo eskariaren hazkundearen araberako inbertsio mailak bezalako atalak aintzat hartzen ditu.
HyperloopTT-ari buruz
Hyperloop Transportation Technologies (HyperloopT), bidaiarien garraiorako lehen Hyperloop-a eraikitzera bideratutako garraio teknologiaren enpresa da. Hyperloop, bidaiariak eta merkantziak distantzia handietan garraiatzeko aukera luzatzen duen sistema da. HyperloopTT-ek, teknologia berriak, negozio eredu aurreratu batekin konbinatzen ditu, soinuaren abiadura baino arinagoa den garraio sistema bat sortzeko asmoz.
Sisteplant-i buruz
Sisteplant, euren prozesuen transformazioaren bitartez, enpresa industrial zein zerbitzuak eskaintzen dituzten enpresen lehiakortasuna hobetzean espezializatuta dago.
Talde industrial hau 1984an sortu zen eta bere jarduera nagusia, ekoizpen, logistika eta antolakuntza prozesuen optimizazioa da, soluzio teknologikoak eta fabrikazio aurreratuko soluzioak eskainiaz.
Sisteplantek egoitza desberdinak ditu Espainian, hala nola Madrilen, Bilbon, Bartzelonan eta Sevillan, eta maila internazionalean, Mexikon eta Brasilen. 150 langile baino gehiago ditu eta Automobilgintza, Aeroespaziala eta Defentsa, Elikagaigintza, Kimiko Farmazeutikoa, Ekipoetako Ondasunak, Elektronikoa, Energia eta Ingurumena, Azpiegiturak eta Garraioak, Osasuna, Facilities eta Administrazio Publikoa bezalako sektore anitzetarako ekintzak betetzen ditu.
Lotutako albisteak
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zabalgarbik denbora errealeko analisi-tresnekin modernizatu du bere azpiegitura
Besteak beste, biki digitala eta adimen artifizialean oinarritutako teknologiak ezartzeaz gain, lurrun-gainberogailu bat instalatzea du helburu enpresak, energia-eraginkortasuna eta jasangarritasun operatiboa hobetzeko ekimen estrategiko bat.
HIMUGI proiektuak mugikortasunean eta garraioan aplikazioak dituen hidrogeno-propultsio sistema bat lortu nahi du
Euskal erakundeen arteko partaidetza eta lankidetza handia du, eta SPRIren Hazitek programaren laguntza ekonomikoa jaso du.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Ceit zentro teknologikoak 300 enplegu baino gehiago sortzen dituzten 20 spin-off sustatu ditu eta 30 M € inguruko inbertsioa ekarri dute
Mikel Jauregi sailburuak Ceit bisitatu du, ikerketa aplikatuko eta teknologia enpresara transferitzeko erreferentziazko zentro teknologikoa
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
MEPRO Medical Reproductive Solutions, gizarte-helburu teknologia: ugalkortasun maskulinoa berritzen
Gure helburua osasun-profesionalei eta bikoteei antzutasunaren erronkei aurre egiteko tresna berritzaile, seguru eta eraginkorrak eskaintzea da
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Aloka, profesionalen artean ikus-entzunezko materiala alokatzeko plataforma
Gipuzkoako startup-ak hainbat ekipo eskaintzen ditu, hala nola kamerak, grabagailuak, mikrofonoak, droneak. Mobile World Congress-eko 4YFN biltzarrean parte hartu zuen, SPRI Taldeak kudeatutako stand batekin, webgunea inbertsore eta bezero potentzialei aurkezteko.