Sixthsense, denbora errealeko monitorizazioa larrialdietako langileen nekea neurtzeko
Sixthsense proiektuaren helburua da sistema wearable bat garatzea, gai izango dena larrialdi zerbitzuetako langileen arrisku faktoreak detektatzeko, euren osasuna babesteko eta segurtasuna handitzeko. Proiektu hori diziplina anitzeko Europako partzuergo batek osatzen du, Tecnalia-k koordinatzen du eta Horizontea 2020 programaren barruan finantzatzen da.
Sixthsense sistemak denbora errealean monitorizatzen du osasuna ukimenezko feedback-a erabiliz, hau da, gorputzean kokatzen diren sentsore elektrofisiologiko eta elektrokimikoen bidez. Gailuak estresarekin eta nekearekin lotutako bio-markagailuak detektatzen ditu, hala nola, bihotzaren frekuentzia, tenperatura, eta glukosa-, laktato- eta kortisol-mailak. “Sistemak aukera ematen du osasunaren edo gaitasun operatiboen narriadura eragin dezaketen arrisku-faktoreak sasoiz detektatzeko” azaldu du proiektuko koordinatzaile Goran Bijelic-ek; “era berean, bio-sentsoreen datuetan oinarritutako eredu prediktiboak aprobetxatzen ditu”.
Sixthsense ekimenak dakarren berrikuntza nagusia da denbora errealean jasotzen dituela datuak, eta gero lanean ari diren profesionalei alertak bidaltzeko gai den sistema batean integratzen dituela. “Gaur egungo teknologiarekin ez da posible bio-markagailu zehatz batzuk denbora errealean neurtzea, batik bat kontuan hartuta nolako baldintzetan lan egiten duten larrialdietako langileek” dio Goran Bijelic-ek, “gure erronka handiena da aurrera egitea horretarako behar ditugun teknologietan, profesionalek lanean ari diren bitartean erabil ditzaten, eta era berean, teknologia guztiak sistema prediktibo bakar batean integratzea”.
Sistema horri esker, muturreko egoeretan lan egiten duten laguntza zerbitzuek (su-hiltzaileek edo erreskateetako langileek, adibidez) alertak jaso ahal izango dituzte taldeko kideren batek gehiegizko estres edo neke zantzuak baditu. Hala, zerbait egin ahal izango da bere osasunerako arriskutsuak izan daitezkeen egoerak saihesteko edo segurtasuna arriskuan ez jartzeko. Tecnaliak zuzentzen du Sixthsense proiektua, non bederatzi herrialdetako 21 antolakundek parte hartzen duten, besteak beste, unibertsitate, ikerketa-zentro eta enpresa teknologikoek. Erreskateko erakundeek eta su-hiltzaile zerbitzuek ere kolaboratu dute ekimenean, aholkularitza eskainiz ikerketa taldeari. Proiektua 2020an abiatu da eta 3 urteko iraupena izango du, 7.242.442 euroko finantzaketarekin.
Lotutako albisteak
Zinemaldia Startup Challenge 2025
Izen-ematea: apirilaren 15etik ekainaren 2ra arte
Ceit zentro teknologikoak 300 enplegu baino gehiago sortzen dituzten 20 spin-off sustatu ditu eta 30 M € inguruko inbertsioa ekarri dute
Mikel Jauregi sailburuak Ceit bisitatu du, ikerketa aplikatuko eta teknologia enpresara transferitzeko erreferentziazko zentro teknologikoa
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
GAIAk IKT sektorearen prestakuntza-beharren diagnostikoa egin du eta merkatuaren eskaerei erantzuteko prestakuntza-ibilbideak garatu ditu
GAIAk azpimarratu duenez, sektoreko eta gobernuko erakundeen, sozietate publikoen eta hezkuntza-sistemaren parte-hartzea funtsezkoa izan da azterlanari balio erantsia emateko
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Industriarako soluzio teknologiko aurreratuen garapenean erreferentea den ULMA kooperatiba taldea bisitatu du Mikel Jauregi sailburuak
Oil&Gaseko negoziorako brida homologatuen fabrikazioan munduko liderra den ULMA Forged Solutionsen lantegi nagusian ibili da eta "ziurgabetasuna nagusi den une honetan, ULMA kooperatiba-taldea industriaren, inbertsioaren, berrikuntzaren eta kalitatezko enpleguaren aldeko apustua nabarmena egiten ari da" nabarmendu du
Senvia Systems-ek beste enpresa batzuk gidatzen ditu haien sustapenean eta eraldaketa digitalean
Iaz sortutako enpresa gipuzkoarrak sistemetan, komunikazioetan eta zibersegurtasunean oinarritutako IT zerbitzuak eta aholkularitza eskaintzen ditu.
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Akting, gizarteari balioa emateko teknologia
Gipuzkoako enpresak euskarri desberdinetarako aplikazioak garatzen ditu eta digitalizazioaren, datuen analisiaren eta prozesuen optimizazioaren aldeko apustua egiten du.
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.