Berrikuntza Eraldaketa digitala
Elkarrizketak 28 urria, 2019

Snap on: Gasteiztar bat esku-erremintaren sorlekuan

Jesús Arregui Snap-on talde iparramerikarraren hiru dibisioetako baten presidentziaz jabetu da

 

Jesús Arregui Snap-on talde iparramerikarraren hiru dibisioetako baten presidentziaz jabetu da

 

Martxoaren 1az geroztik, esku-erremintak fabrikatzen dituen Snap-on konpainia iparramerikarraren hiru dibisioetako bat Jesús Arregui exekutibo arabarraren ardurapean dago. Arregui etxekoa da eta, azken 20 urteotan, enpresaren Europako filiala (SNA Europe) sendotzeaz arduratu da, Gasteizko Arangiz herrian kokatutako kuartel nagusia eta 11 filial tarteko dituela.

Orain, 3.000 langile baino gehiago eta 1.100 milioi dolarretik gorako urteko fakturazioa dituen dibisio baten zuzendaritzan, Arregui berehalako egokitze-aldia bukatzen ari da egunotan Arabako hiriburuan, betiere Kenoshan (Wisconsin estatuan) dagoen munduko egoitzaren eta 15 egunez behin bisitatu ohi duen Gasteizen finkatutako Europako egoitzaren arteko etengabeko joan-etorrian.

Hain zuzen ere, dibisio honek eta talde iparrakerikarra osatzen duten gainerako dibisioek nazioarteko administrazio kontseilua egingo dute datozen egunotan Euskadin, eta ezohiko gertakari honek eragin zuzena izango du Gasteizko lantegiaren etorkizunean, izan ere, datorren urtean lau milioi euro jasoko ditu instalazioak hobetzeko.

 

Zer fabrikatzen du zehazki Snap-on konpainiak?

Enpresa 1920an eratu zen, bertako ingeniari batek patentatu zuen garapen batetik abiatuta eta garai hartan zabaltzen hasia zen automobilgintza sektorera zuzenduta, nagusiki. Geroztik, taldeak esku-erreminten fabrikazioan zein ibilgailuen konponketarako eta industriarako diagnosi eta tailer-ekipamenduen fabrikazioan jardun du.

 

Zein da Euskadirekin duen harreman historikoa?

Harremana Euskadin ekoizten ziren esku-erreminten lehen marka haietatik dator: Acesa, Palmera, Irazola… Enpresa haiek Fabricantes Vascos de Herramientas zeritzon taldean bilduta zeuden, eta zailtasun handiko urteetan, Eusko Jaurlaritzaren laguntzari esker, haien arteko integrazioa osatu eta gure korporazioari saltzeko prozesua gauzatu zen, guk kapitala, ezagutza eta teknologia txertatu genielarik. Hori guztia 1995. urtearen inguruan gertatu zen, fabrikatzaileen talde hura porrot egiteko zorian zegoelarik, baina zenbait mugimenduren ondorioz, hementxe jarraitzen dugu.

 

Zergatik erabaki du Snap-onek nazioarteko administrazio kontseilua Euskadin egitea?

Duela urte batzuk, Kontseiluak taldea osatzen duten nazioarteko unitateak hobeto ezagutzea erabaki zuen, bi urtez behin administrazio kontseilua Estatu Batuetatik kanpo antolatuz. Normalean, bilerak lantegi industrialak dauden lekuetan egiten dira, taldearen bokazio industrial handiari jarraiki, eta horretarako, garapen teknologikoagatik, eraginkortasunaren hobekuntzagatik zein emaitza ekonomikoengatik nabarmendu diren lantegiak aukeratzen dira. Hortaz, hona etorrita, bertatik bertara ezagutu nahi dute nolakoak diren lantegia, ekoizpen-prozesuak eta bertako langileak, emaitzak ondo baino hobeto ezagutzen dituzte eta.

 

Kasu honetan, Gasteizera etorriko dira?

Hori da, Arangizera, Europarako erabaki-gune ia osoa bilduta daukagun gure bulego nagusietara. Hemen daukagu, halaber, Europa hegoalderako eta Afrika iparralderako biltegia. Guztira, 300 pertsona, SNA Europeko lanpostu guztien % 25.

 

Keinu honek inbertsioren bat ekarriko du aldean?

Bisitak berak egungo egoitza egokitzen lagunduko digu, baina inbertsioaren zatirik handiena, lau milioi eyuro ingurukoa, lantegia hobetzera bideratuko da, datozen 20 urteotarako ekipamendu, makina eta moldaketa-prozesu berrien bitartez. Harrera-gune berri batean ere inbertitu behar dugu, izan ere, urtero Europako 200dik gora erabiltzaile eta banatzaile izaten ditugu bisitari.

 

Lantegi gehiago al duzue Euskadin?

Bai, beste bi; bata Soraluzen eta bestea Irunen.

 

Nolako iritzia du kontseiluak Euskadiko eta Arabako enpresei buruz?

Guk hemendik igorritako irudia besterik ez dute; gutaz ezagutzen dutenaren isla. Horregatik, Euskadin lan egiten dugun guztion izenenean, herrialde bezala Snap-on korporazioari eskaini ahal diogun guztia ezagutzera ematea da talde bezala zehaztu ditugun helburuetako bat. Izan ere, han ez dute asko ezagutzen, ezta pittin bat ere askotan, zer den euskal enpresa, eta are gutxiago zer den arabar enpresa. Zoritxarrez, hala gertatzen da. Gauza bera gertatuko litzateke hemen Wisconsingo enpresari buruz galdetuko bagenu, ezta? Seguru aski inork ez luke ezertxo ere jakingo hari buruz, baina Euskadiko biztanleriaren bikoitza duela, Estatu horren BPG hemengoa baino lau aldiz handiagoa da, eta hango marka ikonikoen artean daukagu egoitza Milwaukee hirian duen Harley-Davidson ezaguna. Beraz, Euskadi ezagutzera ematea da gure helburuetako bat; autonomia-erkidegoaren potentzialtasunak eta gure taldeen talentua eta prestakuntza.

 

Zure ustez, ikuspuntu profesionaletik, zein da Estatu Batuetako eta Europako jokabideen arteko alderik handiena?

Oroz gain, iparramerikarra praktikoa da, ez du bizitza konplikatzen eta funtsezkoa den horretara jotzen du une oro, praktikotasun sinestezinaz jo ere.

Lan egiteko modu hori Euskadin aplika liteke?

Hori guztia pertsonen araberakoa da, baina hemen egiturari eta ereduari erreparatzen zaie, nagusiki. Europako joera da eredu bat sortu eta benetan funtzionatzen duela egiaztatzea, baina Estatu Batuetan helburua emaitza lortzea da, lortzeko moduaren gainetik. Gure artean, helmugara iristeko modua emaitza bera bezain garrantzitsua da, baina han emaitzak dira benetan garrantzia dutenak.

Nola ulertzen du zure taldeak I+G jarduera?

Guretzat, I+Ga eta babes intelektuala osagai estrategikoak dira, izan ere, une honetan 200 patente erregistratuak ditugu.

Lotutako albisteak

Icónica,  errotulua  artelan  bihurtzen  denean
03/04/2025 Berrikuntza

Icónica, errotulua artelan bihurtzen denean

Arabako enpresa da kartelak fabrikatzen dituen Euskadiko azken enpresetako bat. Hain zuzen ere, bost hamarkada daramatza lanean eta teknika eta artisautza uztartzen ditu bere produkzioak

Biotz:  “Roca  Salvatellarekin  egindako  akordioak  berrikuntza  teknologikoaren  balio-kate  osoa  batzen  du”

Biotz: “Roca Salvatellarekin egindako akordioak berrikuntza teknologikoaren balio-kate osoa batzen du”

Gipuzkoako enpresak Kataluniakoarekin aliantza bat itxi du bere talentu digitala indartzeko eta nazioarteko merkatu berrietan bere presentzia zabaltzeko.

IDDTEK:  “Industriaren  eta  talentuaren  arteko  lotura  gara”
14/03/2025 Berrikuntza

IDDTEK: “Industriaren eta talentuaren arteko lotura gara”

Orain 20 urte Irene Rodríguez donostiarrak sortu zuen ETEa ingeniaritza arloko outsourcingean erreferentea da eta sektore estrategikoetan lan egiten duen talde sendoa eta proiektuak ditu abian.

NAW:  “Gure  abantaila  lehiakorra  10  urte  bitarteko  kirol-oinetako  minimalista  eskaintzea  da”
04/03/2025 Berrikuntza

NAW: “Gure abantaila lehiakorra 10 urte bitarteko kirol-oinetako minimalista eskaintzea da”

Silvia Echeverríak, NAWren sortzaileak, oinetako minimalistak postura-osasunean eta garapen biomekanikoan haurtzarotik helduarora arte nola eragin dezakeen azaltzen du.

Ezarri  Mosaicos:  “Enpresa  baten  egunerokoa  lehiatzea,  ikertzea  eta  bezeroei  erantzunak  ematea  da”
20/02/2025 Berrikuntza

Ezarri Mosaicos: “Enpresa baten egunerokoa lehiatzea, ikertzea eta bezeroei erantzunak ematea da”

Gipuzkoako enpresaren beirazko diseinuak 100 herrialdetan baino gehiagotan daude, eta nazioarteko transakzioak haren negozio-zifraren % 70 dira

Begoña  San  Miguel:  “Oja-Remen  trokelen  diseinua  menderatzea  bilatzen  dugu  kalitatezko  piezak  prezio  lehiakorrean  eskaintzeko”
13/02/2025 Berrikuntza

Begoña San Miguel: “Oja-Remen trokelen diseinua menderatzea bilatzen dugu kalitatezko piezak prezio lehiakorrean eskaintzeko”

Ia 60 urteko ibilbidearekin, Gernikan sortu eta Zornotzan egoitza duen enpresak berrikuntza teknologikoaren eta dibertsifikazioaren alde egin du, estanpazio metalikoaren sektorean hazten jarraitzeko.

Naberan  Sareak:  “Hazinnovak  enpresan  pertsonen  arteko  harremanak  hobetzen  lagundu  digu”
30/01/2025 Berrikuntza

Naberan Sareak: “Hazinnovak enpresan pertsonen arteko harremanak hobetzen lagundu digu”

Gipuzkoako enpresak itsasorako arraste-sareak fabrikatzen ditu berrikuntza-elementu ugarirekin, artisau-lana eta teknologia aurreratua konbinatuz.

Arrosi:  “Surfeko  oholen  fabrikazioa  da  paper  kizkurtuaren  aplikazio  exotikoenetako  bat”
21/01/2025 Berrikuntza

Arrosi: “Surfeko oholen fabrikazioa da paper kizkurtuaren aplikazio exotikoenetako bat”

Elduainen dagoen enpresa honek lau hamarkada daramatza papergintzaren erreferentzia izaten

Zerbimek:  “Serie  laburren,  pieza  unitarioen  eta  prototipoen  mekanizazioan  espezializatzen  gara,  eta  hori  ez  da  ohikoa  sektorean”
20/01/2025 Berrikuntza

Zerbimek: “Serie laburren, pieza unitarioen eta prototipoen mekanizazioan espezializatzen gara, eta hori ez da ohikoa sektorean”

CNC mekanizazioan espezializatutako enpresak 'Prestakuntza Dualeko Gipuzkoako Enpresarik Onenaren' saria jaso du bere talentu gaztearen aldeko apustuagatik.

Marijo  Pagalday  (Mondragon  Korporazioa):  “Gure  helburua  balio  kate  osoa  hartzen  duen  360º  digitalizazioa  eskaintzea  da”

Marijo Pagalday (Mondragon Korporazioa): “Gure helburua balio kate osoa hartzen duen 360º digitalizazioa eskaintzea da”

Mondragon Korporazioko Ingeniaritza eta Zerbitzuen saila 9 kooperatiba autonomok osatzen dute, eta elkarrekin koordinatuta daude. Kooperatiba horiek 3.000 lanpostu inguru sortzen dituzte zuzenean, eta 300 milioi euroko fakturazioa dute.

Joan blogera

Jarrai gaitzazu

Kanal espezializatuak eta eguneroko gaurkotasuna gure sareetan.