SPRI parte hartzen ari da Nazio Batuen Globalizazioari eta Industrializazioari buruzko 2019ko Foroan
Nazio Batuen Industria Garatzeko Bulegoa, UNIDO, azaroaren 19an Globalizazioari eta Industrializazioari buruzko 2019ko Foroa egiten ari da Vienan. Helburua da ordezkari politikoak, nazioarteko erakundeak, akademikoak eta enpresaburuak elkartu eta aldaketa teknologikoek ekarritako erronkak eta aukerak aztertzen aritzea, balio kate globalek industriaren garapen inklusibo eta jasangarria bultza dezaten lortzeko.
Cristina Oyón, SPRIko Ekimen Estrategikoen arduraduna, lansaio batean parte hartzen ari da, eta bertan industria-politiken eboluzioa dute aztergai, aldaketa teknologiko azkarrak kontuan harturik, bai eta 4.0 industria eta berak balio kate globaletan duen eragina ere. World Economic Forum-eko eta Alemaniako Gobernuaren industria politikako thin-tank-eko ordezkariak ere ari dira lansaio horretan. Duela urtebetetik SPRI lankidetza-proiektu bat garatzen ari da UNIDOrekin batera, erakunde horrek EAEko kasua jaso dezan 2020ko Industria Garapenari buruzko Txostenean. Izan ere, txostenaren kapitulu batean azaltzen da zer ikuspegi hartu duten herrialde edota eskualde jakin batzuek 4.0 industriaren teknologien sarrera eta erabilera bultzatzeko. UNIDOk iritzi dio Euskadin 4.0 industriaren alorrean taxutu den estrategia eta berari lotuta garatu diren politikak eredugarriak direla, eta haiek aztertuz aterako den informazioa baliagarria izan daitekeela mundu osoan txostena irakurtzen duen jende mordoarentzat. UNIDOren Industrial Development Report IDR2020 txostena azaroaren 5ean aurkeztu zen, Abu Dhabin, UNIDOren 18. konferentzia orokorrean.
Lotutako albisteak
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.
Lorra, lau hamarkada inguru Bizkaiko nekazaritzako elikagaien kooperatibismoaren funtsezko zutabe gisa
Gaur egun, erakundearen lehentasuna zahartutako sektore honetako erretiroak ordezkatzea da, belaunaldi-erreleboaren bidez.
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.