SPRI Taldea 45 euskal enpresarekin batera joango da EMO Hannover azokara, makina-erremintaren sektoreko Europako foro garrantzitsuenera
Enpresen garapenerako euskal agentziako zuzendari nagusi Alex Arriolak azpimarratu du ekitaldi hau “guztiz lerrokatua dagoela Basque Industry estrategiarekin”
45 euskal enpresak 5.504 metro koadroko erakusketa-gune bat okupatuko dute Alemaniako azokan
SPRI Taldea (Eusko Jaurlaritzaren menpeko enpresa agentzia) 45 euskal enpresarekin batera joango da aurten EMO azokara. Ekitaldi hori, irailaren 16tik 21era egingo dena, makina-erremintaren sektoreko Europako foro garrantzitsuena da Barakaldoko BECen egiten den Bienalarekin batera. Maiatzaren hasierarako dagoeneko izena emanda zeuden 47 herrialdetako 2.030 erakusle.
SPRI Taldeko zuzendari nagusi Alex Arriolak ekitaldiaren aurkezpenean parte hartu du asteazken honetan Barakaldoko BECen, kongresuaren Alemaniako arduradunekin batera. Arriolak azpimarratu du azoka hau oso garrantzitsua dela euskal enpresentzat, “guztiz lerrokatua dagoelako Basque Industry estrategiarekin eta haren baitako hainbat alderdirekin, esaterako, balio erantsiarekin eta digitalizazioarekin”. Jakinarazi du irailaren 18an Euskadiren Eguna egingo dela EMO Hannover azokan eta bertan izango dela Ekonomi Garapen eta Azpiegitura sailburu Arantxa Tapia, horrela ikusgarri egiteko Eusko Jaurlaritzak makina-erremintaren sektoreko enpresei ematen dien laguntza.
EMO azokako proiektu-zuzendari Martin Göbel-ek adierazi du Espainiako 70 erakuslek eman dutela izena dagoeneko. “Orain, erakusleen %67 atzerritarrak dira”. Orobat esan du azoka hau berrikuntzako plataforma bat dela metalaren eta makina-erremintaren sektoreentzat. “EMOk harremanetan jartzen ditu pertsonak eta negozio-prozesuak”.
Hurrengo ediziorako nobedadeen artean aipatzekoak dira: erakusketa-gune berri bat 4.0 Industriari eskainitako gune batekin; Txina, Taiwan eta Suitzak elkarrekin jarriko dituzten stand-ak; eta umiti teknologia, 4.0 Industriarako hizkuntza komuna eskaintzen duena. “Produkzioko erronka guztien arku osoa handituko dugu eta azokak erakutsiko du zein produktibo, malgu eta eraginkorrak diren hurrengo belaunaldiko makinak”.
Göbel-ek azpimarratu du EMO Hannover azokak argi utziko duela industrian lan egiten duten pertsonek trebatu egin behar dutela funtzio eta zerbitzu berriei begira. “EMOk badauka zer eskainia gai horiei guztiei buruz. Ekitaldi paralelo eta erakusketa berezi asko egingo dira erakusleen eskaintza osatzeko. Nazioarteko fabrikazio teknikaren Meka izango da beste behin ere eta datozen urteetan jarraitu beharreko bidea markatuko du”.
Makina-erreminta sektoreko enpresa elkarteko (AFM) nazioartekotze zuzendari Mikel Artolak adierazi du EMO sektoreko merkatu garrantzitsuenean (alegia, Alemanian) egiten dela, eta, horrez gain, “nazioarteko izaera nabarmena” duela. Estatuko 68 enpresa joango dira ekitaldira, horien artean Euskadiko 45, zeintzuek 5.504 metro koadroko erakusketa-gunea okupatuko baitute.
Lotutako albisteak
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.
Lorra, lau hamarkada inguru Bizkaiko nekazaritzako elikagaien kooperatibismoaren funtsezko zutabe gisa
Gaur egun, erakundearen lehentasuna zahartutako sektore honetako erretiroak ordezkatzea da, belaunaldi-erreleboaren bidez.
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.