SPRI Taldeak BIND 4.0 Programaren laugarren edizioa aurkeztu dio Italiako ekintzailetza-ekosistemari
SPRI Taldeak Milaneko Talent Garden espazioan aurkeztu du startupak azeleratzeko BIND 4.0 nazioarteko programaren laugarren edizioa. Basque Trade & Investment – Nazioartekotzeko Euskal Agentziak Milanen duen bulegoak antolatutako ekitaldi horretan parte hartu dute Milaneko bulegoko zuzendari Ainara Islasek eta Italiako ekintzailetza-ekosistemako hainbat eragilek, hala nola, StartupItalia!-ko (Italiako ekintzailetzako eta berrikuntzako komunitate garrantzitsuenetako bat) fundatzaile David Casalini-k, StartDown liburuaren egileetako bat den Fabriele Colasanto-k, Mondadori Taldeko Berrikuntzako arduradun Andrea Santagata-k eta Italiako Prana Ventures inbertsio-funtseko zuzendari Alessio Semoli-k.
Ekintzailetzak Italian bizi duen egoerari buruzko mahai-inguruaren ostean, SPRI Taldeko Cristina Oyónek bertaratu guztiei aurkeztu die BIND 4.0 Programaren laugarren edizioa eta programak Italiako startup teknologikoei eskaintzen dizkien aukerak.
Ondoren, SPRI Taldeko Amaia Martínezek mahai-inguru bat dinamizatu du, non programaren azken edizioko parte-hartzaileek beren esperientziak partekatu dituzten. Solasaldi horretan parte hartu dute, batetik, Bridgestone-k enpresa trakziogile bezala, Amaia Arbaiza ordezkariaren eskutik, bestetik, IMMERSIA-k startup bezala, Seda Tosun ordezkariaren eskutik, eta, azkenik, Mar Eroles-ek, programako tutore bezala, zeinak bere gomendioak partekatu baititu ekitaldian izan diren startup italiarrekin.
Honako hau izan da uztaila eta iraila bitartean egingo diren nazioarteko saioetatik lehenengoa. Hilabete horietan, interesatuta dauden enpresek beren hautagaitzak aurkeztu ahal izango dituzte datorren urtarrilean hasiko den programaren laugarren edizioan parte hartzeko. Gainera, laugarren edizio honek hainbat nobedade izango ditu: ardatz bertikal berri bat (Food Tech) eta inbertitzaileen klub bat.
BIND 4.0 programak hilaren 5ean egin zuen bere urteroko DemoDay jardunaldia; bertan aurkeztu ziren programaren hirugarren edizioaren balantzea eta laugarren deialdia, agerian utziz dagoeneko fisikoki zabalduta dagoela munduko hainbat herrialdetara.
2016an abiarazi zen BIND 4.0, topagune izateko startup berritzaileentzat -ez bakarrik Euskadikoentzat, deialdia nazioartekoa baita- eta Euskadin kokatuta eta errotuta dauden enpresa handientzat. Aukera paregabea da euskal industriaren eraldaketa digitala bultzatzeko eta, aldi berean, ekimen berritzaileen finkapena azeleratzeko, benetako proiektuak garatuz erreferentziazko bezeroekin.
Hilaren 5ean, ostiralean, eman zen ezagutzera BIND 4.0 ekitaldiaren laugarren edizioaren nazioarteko deialdia, zeinak nobedade handiak baitakartza. Batetik, ez dira 40 enpresa trakziogile egongo, baizik eta 52. Hala, Euskadin kokatutako erreferentziazko konpainiak (Ferrovial, EDP, AVIA, SNA Europe edo Saralle) gehituko zaizkie beste izen garrantzitsu batzuei, hala nola, hauei: Mercedes-Benz, Arcelor, ABB, Iberdrola, Michelin, ITP Aero, CAF, BTI, Quirón edo Siemens Gamesa.
Bestetik, elikadura sektorea ere sartuko da deialdi berrian. Hala, Foodtech sektore gorakorrak bat egingo du BIND 4.0 programaren aurreko edizioetan landu diren beste hiru eremuekin: Fabrikazio Aurreratua, Energia eta Osasuna. Zentzu horretan, Euskadin kokatutako hainbat konpainiak aurten parte hartuko dute lehenengoz konpainia trakziogile bezala eta beren eraldaketa digitala bultzatuko dute startupekin batera lan eginaz. Hauek dira: Coca Cola, Unilever, Eroski, Grupo Uvesco, Angulas Aguinaga, Natra eta Okin.
Azkenik, jakinarazi da Bind 4.0 Venture Club sortuko dela, azeleragailuaren espezializazioarekin lerrokatutako inbertitzaileen klub bat, zeinak helburutzat izango baitu azeleragiluaren laguntza-zerbitzuak indartzea eta harremanak sustatzea programan parte hartzen duten startupen eta inbertsio-erakunde espezializatuen artean, finantzaketa-aukera berriak bultzatuz enpresa berrien garapena azeleratzeko.
Lotutako albisteak
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
EatAmigo, ostalaritzako eskaerak automatizatzeko AA erabiltzen duen tresna
Gipuzkoako enpresak jatetxeekin, ostalaritza kateekin eta elikagai banaketa enpresekin egiten du lan estatu mailan, eta duela gutxi Mexikon lortu du lehen bezeroa.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zabalgarbik denbora errealeko analisi-tresnekin modernizatu du bere azpiegitura
Besteak beste, biki digitala eta adimen artifizialean oinarritutako teknologiak ezartzeaz gain, lurrun-gainberogailu bat instalatzea du helburu enpresak, energia-eraginkortasuna eta jasangarritasun operatiboa hobetzeko ekimen estrategiko bat.
Zinemaldia Startup Challenge 2025
Izen-ematea: apirilaren 15etik ekainaren 2ra arte
GAIAk IKT sektorearen prestakuntza-beharren diagnostikoa egin du eta merkatuaren eskaerei erantzuteko prestakuntza-ibilbideak garatu ditu
GAIAk azpimarratu duenez, sektoreko eta gobernuko erakundeen, sozietate publikoen eta hezkuntza-sistemaren parte-hartzea funtsezkoa izan da azterlanari balio erantsia emateko
Senvia Systems-ek beste enpresa batzuk gidatzen ditu haien sustapenean eta eraldaketa digitalean
Iaz sortutako enpresa gipuzkoarrak sistemetan, komunikazioetan eta zibersegurtasunean oinarritutako IT zerbitzuak eta aholkularitza eskaintzen ditu.
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Akting, gizarteari balioa emateko teknologia
Gipuzkoako enpresak euskarri desberdinetarako aplikazioak garatzen ditu eta digitalizazioaren, datuen analisiaren eta prozesuen optimizazioaren aldeko apustua egiten du.