SPRI Taldeak dioenez, teknologia irekiak “negozioak sortzen ari dira” Euskadin
Teknologia eta Berrikuntzako zuzendari Aitor Cobanerak Librecon biltzarraren aurkezpenean esan zuen Euskal Herriak “erreferentziako gune” izan behar duela sektore horretan.
SPRI enpresa-garapenerako euskal agentziako Teknologia eta Berrikuntza zuzendari Aitor Cobanerak ostegunean adierazi zuenez, teknologia irekiak “negozioak ari dira sortzen, hemen eta atzerrian”. Zortzigarren Libreconen aurkezpenean izan zen Cobanera. Kode irekian oinarritzen diren teknologiei buruzko Europako topaketa garrantzitsuenetako bat da Librecon, eta hilaren 21ean eta 22an egingo da, Bilboko Euskalduna Jauregian.
Teknologia irekiak enpresen eraldaketa digitalaren prozesuan garrantzitsuak direla azpimarratu zuen SPRI taldeko zuzendariak, eta Eusko Jaurlaritzak “erreferentziako gune bat” sortzeko asmoa duela. “Euskadin, geroz eta garrantzi handiagoa du sektore horrek”, esan zuen.
Eraldaketa digitalaren hedapen azkarra dela-eta, “enpresa txikien eta handien artean aldea sor” daitekeela adierazi zuen, eta euskal administrazioa hasia dela horretaz arduratzen. Teknologia irekiek alde hori gutxitzen lagundu dezaketela esan zuen Cobanerak.
Lotutako albisteak
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.
Industria Digitaleko laguntzek zure negozioaren eraldaketa digitala lortzeko bidea irekiko dizute
Industria Digitala 2025 laguntza-programaren aurtengo edizioa martxoaren 18tik irekita, 7.5 milioi €-ko aurrekontuarekin. Euren negozioa digitalki eraldatu nahi duten enpresek urriaren 31era arte aurkez ditzakete euren eskaerak.