SPRI Taldeak euskal enpresetako eten digitala murrizteko eskatu du
Teknologia eta Berrikuntzako zuzendari Aitor Cobanerak eraldaketa soziodigitalari buruzko jardunaldi batean adierazi du aurrera egin behar dela “sentsibilizazioan eta lankidetzan”
Aitor Cobanerak, SPRI Taldeko Teknologia eta Berrikuntzako zuzendariak, asteazken honetan eskatu du Bilbon murriztu dadila euskal enpresetako eten digitala. Enpresen garapenerako euskal agentziako arduradunak asteazken honetan parte hartu du Urbegi eta BBK fundazioek eraldaketa soziodigitalari buruz antolatu duten jardunaldi batean.
Cobanerak beste aditu batzuekin batera eginiko mahai-inguru batean aipatu du SPRI Taldeak 2014an abiarazi zuela Basque Industry estrategia. “Gure kezka nagusia dira eraldaketa digitalean murgildu behar duten sektore tradizionaletako enpresak”. Horrez gain, “orobat kezkagarriak iruditzen zaizkigu hizkuntza arloko trabak, pertsonen prestakuntza enpresetan eta profil profesionalak”.
Azpimarratu du oso garrantzitsua dela enpresek plan estrategiko bat izatea, plan horren bidez teknologia berrietan murgiltzeko. “Uste dugu eten handiak daudela arlo industrialean, eta aurrera egin behar dugu sentsibilizazioan eta kolaborazioan”.
SPRI Taldeko arduradunak zehaztu du konektagarritasuna eta zibersegurtasuna funtsezkoak izango direla eten digitalak gainditzeko: “denok aukera berberak izan behar ditugu teknologia berrien munduan sartzeko, bai enpresek eta baita ere partikularrek. Aurrera egin behar dugu, baina denok batera”.
Mark Anderson-ek, Glasgow Caledonian Unibertsitateko Berrikuntza zuzendariak, esan du arazoetako bat dela irakasleak ez daudela ongi prestatuta ikasleei gaitasun teknologikoak transmititzeko.
BBK Fundazioko Oihane Aldeiturriagak aipatu du eraldaketa digitalak hertsiki lotuta egon behar duela berekin dakartzan aldaketa sozialekin. “Eten digitala murrizten lagundu nahi dugu, lehen hezkuntzako laugarren mailan abiarazitako programa batekin. Asmoa da ikasle, irakasle eta familiak trebatzea”.
Olga Martinek, ingurumen enpresak biltzen dituen Aclima klusterreko zuzendariak, hainbat adibide jarri ditu erakusteko nola erabiltzen den teknologia bere sektorean. Adibidez, Big Data erabiltzen dute kanalizazioetako balizko isuriak detektatzeko, biki digitalak araztegietako uraren fluxua kontrolatzeko, eta adimen artifiziala hondakinak identifikatzeko.
Ekitaldian halaber parte hartu du Unai Extremok, errealitate birtualeko teknologietan espezializatutako Virtualware enpresako zuzendari nagusiak. Extremoren arabera, herrialde aberatsek “ez dute kontsumo ondasun gehiago ekoitziko, baizik eta informazioaren bidez sortuko dute aberastasuna. Teknologia elementu zentral bihurtuko da, ez da izango garapenerako palanka bat”.
Extremok aipatu du 4.0 industriak baduela elementu komun bat: teknologia. “Gaur egun, ibilgailu baten balioaren % 45 bere osagai digitaletan dago. Eta teknologia funtsezkoa da negozio-eredu berrietan, zeintzuk ez baitira oinarritzen produktuan, baizik eta bezeroari aurrezteko modu bat eskaintzean”.
Lotutako albisteak
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zabalgarbik denbora errealeko analisi-tresnekin modernizatu du bere azpiegitura
Besteak beste, biki digitala eta adimen artifizialean oinarritutako teknologiak ezartzeaz gain, lurrun-gainberogailu bat instalatzea du helburu enpresak, energia-eraginkortasuna eta jasangarritasun operatiboa hobetzeko ekimen estrategiko bat.
Zinemaldia Startup Challenge 2025
Izen-ematea: apirilaren 15etik ekainaren 2ra arte
GAIAk IKT sektorearen prestakuntza-beharren diagnostikoa egin du eta merkatuaren eskaerei erantzuteko prestakuntza-ibilbideak garatu ditu
GAIAk azpimarratu duenez, sektoreko eta gobernuko erakundeen, sozietate publikoen eta hezkuntza-sistemaren parte-hartzea funtsezkoa izan da azterlanari balio erantsia emateko
Senvia Systems-ek beste enpresa batzuk gidatzen ditu haien sustapenean eta eraldaketa digitalean
Iaz sortutako enpresa gipuzkoarrak sistemetan, komunikazioetan eta zibersegurtasunean oinarritutako IT zerbitzuak eta aholkularitza eskaintzen ditu.
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Akting, gizarteari balioa emateko teknologia
Gipuzkoako enpresak euskarri desberdinetarako aplikazioak garatzen ditu eta digitalizazioaren, datuen analisiaren eta prozesuen optimizazioaren aldeko apustua egiten du.
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.