SPRI Taldeak Kudeaketa Aurreratuaren Europako Astean parte hartuko du
SPRI Taldeak, enpresen garapenerako euskal agentziak, Kudeaketa Aurreratuaren Europako Astean parte hartuko du. Kongresu hori telematikoki egingo da urriaren 20an eta 21ean. Ekitaldian aztergai hartuko da kudeaketa aurreratuaren bilakaera, krisi bati aurre egiteko modua edota erantzukizun soziala.
Kongresua beste jarduera batzuekin osatuko da. Jarduera horiek urriaren 19tik 30era egingo dira, eta, besteak beste, kudeaketa aurreratuari buruzko gaiak landuko dira, bai industria arlokoak, eta bai osasunarekin edo hezkuntzarekin zerikusia dutenak. Hala, formatu desberdinetako hogeita hamar bat saio egingo dira (presentzialak, streaming bidezkoak edo onlinekoak), 45etik gora erakunde antolatzaileren eskutik.
Kongresuak iraungo duen bi egunetan –esteka honetan daude egitaraua eta izen-emate inprimakia- lau bloke tematiko handi landuko dira: Krisien kudeaketa, Kudeaketa markoak, Kudeaketa aurreratua eta pertsonak, eta Erantzukizun soziala eta GJHak. Helburua da kudeaketaren munduan gaur egun nagusi diren joerak islatzea. SPRI Taldeak lau aurkezpen egingo ditu.
Hilaren 20an aztergai hartuko da krisien kudeaketa, eta aukera gisa eta arlo desberdinetako jardunbide egokien bitartez landuko da. SPRI Taldeak Covid-19aren garaian eginiko barne-komunikazioko lana aurkeztuko du. Euskadiko Teknologi Parkeen Sareak hizpide hartuko du nolako aldaketak jasan dituen bezeroekiko harremanak pandemiaren ondorioz.
Egun horretan, SPRI Taldean integratutako Zibersegurtasunerako Euskal Zentroak azalpen bat emango du zibersegurtasunari, bezeroei, 4.0 Industriari eta gazteleraz 3R deritzanari -Eutsi (Resistir), Berreraiki (Reconstruir) eta Berritu (Renovar)- buruz duen ikuspegiaz.
Urriaren 21ean, berriz, kudeaketa aurreratua eta pertsonak hartuko dira aztergai, eta askotariko gaiak landuko dira jardunbide egokien eta azterketen bitartez, hala nola, profesionaltasuna, kontziliazioa eta telelana. Azkenik, SPRIk azterlan baten ondorioak aurkeztuko ditu, zeinetan ikertu den zein den emakumearen lidergoa industrian krisi-testuinguruetan eta nazioarte mailan.
Lotutako albisteak
Diker, osasungintzaren sektorerako injekzio bidezko plastikoetan Euskadi mailako erreferente bihurtu nahi duen ETEa
Oiartzungo enpresa, gaur egun, batez ere automobilgintzaren eta elektronikaren sektorearentzat ari da lanean
Einnek, bost urte etengabe eboluzionatzen sektore elektriko-elektronikoan
Pandemia betean jaio zen enpresak eraldaketa digitalaren aldeko apustua egin du hasieratik, sektorean bereizteko; bideojoko bat ere sortzen ari da, ingeniaritzako eta muntaiako barne-prestakuntza teknikoa iraultzeko.
Enpresa industrialen eta industria adimendunean espezialistak diren enpresa digitalen arteko elkarlana erraztuko du SPRI Taldeak
Enpresen Networkinga 2025 - Smart Industry kongresuaren 8. edizioa egingo dute martxoaren 26an, Bilbon, eraldaketa digitalari laguntzeko
Logistikari buruz Euskadin egiten den kongresuaren hirugarren edizioa egingo dute BECen
Azoka da iparraldeko eremuan packagingaren, logistikaren eta garraioaren sektoreak biltzen dituen azoka bakarra
Prado Silos nazioartean indartzen, estrategia eta inbertsio berriekin hazkundea bultzatuz
38 herrialdetan presentzia handituz eta 2025erako 9 milioi euroko kontratuak aurreikusiz