SPRI Taldeak teknologia berriak bultzatzen ditu Resboard uretako erreskate-taularekin
SPRI Taldeak urtero plazaratzen duen I+G-ko Hazitek laguntza-programari esker, Bizintek eta Aquila Boards enpresek enpresa-proiektu bat garatuko dute datozen bi urteetan, zeinaren bidez teknologia berriak aplikatuko dituzten uretako erreskate-tauletan. Resboard izeneko proiektu hori uretako erreskate-taula (watercraft) bat da, itsaso, urmael eta ibaietako salbamendurako erabiliko dena eta denbora errealeko kudeaketa integraleko sistemekin hornitua egongo dena.
Proiektu honen jatorria Bizintek enpresaren beste ekimen bat da, alegia, Onean taula auto-propultsatuak, zeintzuei esker posible baita olatuak zeharkatzea modu jasangarri eta berritzailean. Orain, SPRI Taldearen laguntzari esker, enpresa honek aukera izango du sektore dinamiko hori esploratzen jarraitzeko Resboard proiektuaren bitartez. Resboard uretako erreskaterako taula bat da, prestazio handiz eta egokitzapen kontroleko sistemez hornituko dena.
Hazitek programak funtsezko lankidetza eskaintzen du Euskadiko ekosistema teknologikoaren etorkizunerako. Pandemiaren ondorio ekonomikoetatik suspertzen ari garen honetan, Hazitek programak 91 milioi eurotik gora bideratzen ditu ikerketa eta garapenerako (I+G), bai ETEentzat eta bai enpresa handientzat. Programa hau dirulaguntza ez itzulgarrietan oinarritzen da, hots, fondo galdura emandako dirulaguntzetan, eta inbertsio hori ikerketa industrialeko edo garapen esperimentaleko jardueretara bideratu behar da.
Bizintek eta Aquila Boards enpresen proiektua programa horren ildo gidari garrantzitsuenetako baten barruan kokatzen da eta, ildo horren arabera, proiektuak I+G+B-ko jardueren multzo koherente bat aurkeztu behar du. Jarduera horiek produktu orijinalak edo lehendik daudenak baino hobeak garatzera bideratuta egon behar dira, merkatuaren nahiz gizartearen egungo beharretara egokitzeko.
Lehen urratsa Onean taularekin
Olatuak motor elektriko batekin zeharkatzeko aukera ematen duten Onean surf-taula auto-propultsatuak Bizintek enpresako barne-proiektu gisa sortu ziren 2013an. Baina hainbesteko arrakasta izan zuten, mundu mailako lider bihurtu zirela taula elektriko auto-propultsatuen segmentuan, eta horrek berekin ekarri zuen soilik horrelako taulak ezkoiztera bideratutako enpresa berri bat sortzea, harrezkero etengabe hazi dena: Aquila Boards.
Denborak aurrera egin ahala, uretako jardueren eskaera sozialaren hazkundeak berekin dakar teknologia berriak garatzea ere, helburua baita eraginkortasunez murriztea kirol horiek dakarten istripu arriskua. Halere, uretako erreskateak erraztera bideratutako gailu adimendunen garapenak ez du eboluzio handirik izan azken urteotan. Testuinguru horretan sortu da Resboard, erreskate-sistema iraultzaile bat ikertu eta garatzeko, zeinak erantzun azkar eta segurua bermatuko baitu uretan gerta daitekeen edozein larrialditarako.
Resboard: XXI. menderako erreskate-taula adimenduna
Bizintek eta Aquila proiektu anbiziotsu honetan murgilduta daude, zeinaren bidez uretako erreskate-taula (watercraft) bat sortuko baitute. Erreskate-taula hori itsaso, urmael eta ibaietarako salbamendurako erabiliko da eta denbora errealeko kudeaketa integraleko sistemekin hornitua egongo da. Erronka da erreskateetarako produktu adimendun bat eskaintzea, mugimenduaren dinamikan ahalik eta eraginkorrena izango dena, larrialdietako taldeek salbamendu-sistema azkar eta fidagarri bat izan dezaten une kritikoetan, zeren momentu horietan erreskate-denborak eta taularen erabilerraztasun eta egonkortasunak hil ala biziko garrantzia baitute. Uretako kirolak eta ur gaineko aisialdia eboluzionatzen ari dira, gero eta teknologia eta sistema berri gehiago barneratzen ari direlarik. Horregatik, salbamendurako bitartekoek ere egokitu egin behar dute errealitate berri horretara.
Onean taulatik Resboard taularako bilakaera
Helburu desberdin bat, potentzia eta arintasun handiagoak (berrikuntzari esker) eta salbamendura bideratutako kontzepzio bat: kontua ez da soilik Onean taula bat aukeratu eta aldatzea; Resboard proiektu berri bat da, orain arte ekoitzitako guztiaren optimizazioan oinarritua dagoena. Produktu hobetu baten diseinua, material aurreratuak, mikro-kontrolagailu elektroniko berriak eta motorraren potentzia maximoa; horra Resboard 4.0 uretako kiroletara egokitutako salbamendu-tresna teknologiko bikain bihurtuko duten elementuak.
Hautatutako osagai berriei esker (ingurumenaren kutsadura murrizten duten material jasangarriz eginak), taulek pisu gutxiago izango dute, erabilerrazago izango dira eta mantenimendu gutxiago beharko dute. Gainera, taula honek salbamendu-tauletan inoiz ikusi gabeko erreskate-abiadurak hartu ahal izango ditu, bere hiru elementuak bikain uztartzen direlako: diseinua, garapena eta egokitzapen-softwarea, zeinak garapen berrien kudeaketa ahalbidetuko baitu taulan txertatutako mikro-kontrolagailu elektroniko berritzaileei esker.
Aquila Boards-ek eta Bizintek Innova-k merkatuko aukera paregabe bat detektatu dute Resboard taularekin. Proiektu honi esker, bi enpresak estrategikoak izan daitezkeen merkatu berrietan sartuko dira, euren produktu-katalogoa zabalduz eta dibertsifikatzeko nahiz hazteko aukerak ugarituz. Hazitek programaren bultzada funtsezkoa izango da proiektu ilusionagarri honen aukerak ahalik eta gehien aprobetxatzeko.
Zentzu horretan, aipatzekoa da Eusko Jaurlaritzak 131 milioi eurotik gora esleitu dituela, Hazitek eta Elkartek programen bidez (40 milioi euroko laguntzak ZTBESeko agenteen ikerketa kolaboratiboa bultzatzeko arlo estrategikoetan -4.0 industria, energia eta osasuna-), Euskadiko I+G jarduera bultzatzeko arlo estrategikoetan, bai enpresen artean, eta bai agente zientifiko eta teknologikoen artean, iaz baino % 5 inguru gehiago alegia.
Lotutako albisteak
Mecanizados Patro enpresak “fidagarritasuna, segurtasuna eta eraginkortasuna” eskaintzen ditu trenbide-sektorean
Serie laburretarako eta luzeetarako pieza espezifikoak fabrikatzen ditu enpresa arabarrak, doitasun handiko lan-tresna eta makinekin.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.
Lorra, lau hamarkada inguru Bizkaiko nekazaritzako elikagaien kooperatibismoaren funtsezko zutabe gisa
Gaur egun, erakundearen lehentasuna zahartutako sektore honetako erretiroak ordezkatzea da, belaunaldi-erreleboaren bidez.
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
Utilmaik tresna industrial aurreratuak diseinatzen ditu ekoizpen industriala optimizatzeko
Bizkaiko enpresak berrikuntza eta ezagutza teknikoa uztartzen ditu funtsezko sektoreetan mekanizazio-prozesuak hobetzeko, hala nola garraioan, makineria astunean eta aeronautikan.
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Imanol Rego, Innobasque Berrikuntzaren Euskal Agentziako presidente berria
Manuel Salaverriaren lekukoa hartu du. Salaverriak euskal ekosistema publiko pribatuaren balioa sustatzen jakin du, Euskadi garatzeko bide estrategiko gisa