SPRI Taldeko zuzendariak nabarmendu du “Euskadiko makina-erremintaren sektorea indartsu” dagoela
SPRI Taldeko zuzendari nagusi Aitor Urzelaik azpimarratu du Barakaldoko BECen egiten ari den Biurtekoak argi erakusten duela “Euskadik makina-erremintaren sektorean duen indarra”. Asteazken honetan hamar bat enpresaren standak bisitatu ditu, Ekonomi Garapen, Jasangarritasun eta Ingurumen sailburu Arantxa Tapiarekin batera.
Urzelaik lehen eskutik ezagutu ditu makina-erremintaren sektoreko euskal enpresen aurrerapen teknologikoak, aurten ekainaren 13tik 17ra egiten ari den Biurtekoaren (BIEMH) 31. edizioan. Makina-erremintaren Biurtekoa da Bilbao Exhibition Centre-n egiten den azoka garrantzitsuena.
SPRIren ordezkaritza solasean aritu da makina-erremintaren sektoreko hainbat enpresatako ordezkariekin, esaterako, Ega Master, Fresmack edo Izadi enpresetakoekin. SPRIren ordezkariek Tecnalia-ren standean ikusi dute nola funtzionatzen duen dagoeneko hainbat lantegitan ikuskapenak egiteko baliatzen den robot autonomo batek.
Biurtekoak 28 herrialdetako ia 1.450 enpresa bildu ditu aurten. Makina-erremintaren sektorea bereziki indartsua da Euskadin, Europako hiru ekoizle handienetako bat baita (Alemania eta Italiaren atzetik), eta munduko bederatzigarrena. Gainera, makina-erremintak goi-mailako kualifikaziodun 16.000 langile baino gehiago enplegatzen ditu, eta sektoreak bere produkzioaren % 90etik gora esportatzen du.
Lotutako albisteak
Logistikari buruz Euskadin egiten den kongresuaren hirugarren edizioa egingo dute BECen
Azoka da iparraldeko eremuan packagingaren, logistikaren eta garraioaren sektoreak biltzen dituen azoka bakarra
Segundu bakoitzak kontatzen du. Ziurtatu zure erreskatea ResQaRrekin
Erreskate-orria formatu digitalean: larrialdi ekipoak, erreskatea modu seguruan egin ahal izateko, behar diren ibilgailuko elementuei buruzko infomazio zehatza eta azkarra.
Flexix, 75 urteko historia berrikuntza aldarrikatzen
Enpresa bizkaitarrak ez ditu alde batera uzten joera eta teknologia berriak, balioa handitzeko, egokitzeko, prozesuak hobetzeko eta energia berdea bezalako sektoreetara dibertsifikatzeko.
40 urte baino gehiago enpresa grafikoei babes digitala eskainiz
Bizkaiko Consultores Asociados enpresak ERP Gestión 21 softwarea eskaintzen du, nazioartean eta Euskadin oso zabalduta dago.
Euskadiko bost erakundek tuneletako eta industria-inguruneetako langileentzako segurtasun-plataforma digital bat garatu dute
Soluzio teknologiko berritzaile bat da, tuneletan eta industria-inguruneetan izaten diren gorabeherak garaiz identifikatzeko pentsatua, eta TECNALIAk garatu du Externalia Solutions, Hierros Abra, Lurpelan eta Abra Seguridad enpresekin batera.