SPRIk enpresa industrialak eta hornitzaile digitalak bilduko ditu 4.0 industrian kolaboratzeko
- “Networking-a - 4.0 Industria” kongresua espresuki zuzenduta dago euren negozioetan 4.0 industria bultzatzera bideratutako teknologiak ezagutu nahi dituzten automozio, aeronautika, energia eta makina-erreminta sektoreetako enpresei
- Ekitaldian zehar aldebiko topaketak egingo dira sektore industrial horien eta EIKTen hornitzaileen artean (aurretik izena eman behar da helbide honetan: https://enpresadigitala.spri.eus/es/networking-empresarial-2021/)
SPRIk “Networking-a – 4.0 Industria” kongresua antolatuko du Bilbon, datorren azaroaren 25ean, Enpresa Digitala ekimenaren bidez. Ekitaldi horren xedea da lankidetza sustatzea sektore industrialetako (automozioa, aeronautika, energia, makina-erreminta, e.a.) euskal enpresen artean, helburu honekin: EIKT berriak ezartzea (fabrikazio gehigarria, robotika kolaboratiboa, sistema ziberfisikoak, errealitate areagotua, errealitate birtuala, ikusmen artifiziala, cloud computing-a, big data, zibersegurtasuna) 4.0 Industriaren inguruan dituzten beharrei erantzuteko.
Kongresuak bi zati desberdin ditu. Lehenengoaren izena da Gogoeta espazioak: “gure enpresetan 4.0 Industria garatzearen aldeko apustua”, non benetako esperientziak planteatu eta partekatuko baitira. Jaime Fernandez-Castañeda (Head of Technology Developmentde ITP Aero), Borja Pérez Villa (General Manager ABD Montajes Electrónicos enpresan), Angel Viñas (General Manager IPF enpresan) eta Estibaliz Elizondok (4.0 industriarekin lotutako berrikuntza-proiektuetako ikertzailea Edertek-en, Fagor Ederlan taldearen teknologi zentroan) euren esperientzia azalduko dute, eta erakutsiko dute nolako emaitzak lortu dituzten eraldaketa digitalaren eta 4.0 Industriaren aldeko apustua egin ondoren.
Bigarren zatian Aldebiko topaketak egingo dira, zeintzuetan enpresa parte-hartzaileek (bai sektore industrialekoek eta bai EIKTen sektorekoek) aldebiko negozio-bilerak egingo baitituzte, aurretik finkatutako agenda baten arabera, 4.0 Industriaren inguruko lankidetzak adosteko.
SPRIk bultzatu du Enpresen Networking-a – Basque Industry 4.0 kongresua Eusko Jaurlaritzaren “Euskadi 2025 Eraldaketa Digitalerako Estrategiaren” barruan. Ekimen honen helburua da erakundeen arteko lankidetza sustatzea, EIKTak (Elektronika, Informazio eta Komunikazio Teknologiak) integra ditzaten euren produkzio-prozesuetan, enpresetan 4.0 Industria garatzeko apustu gisa eta, aldi berean, euskal industriaren eraldaketa digitala orekatzea, abiadura desberdinak saihestuz.
Eusko Jaurlaritzako Eraldaketa Digital eta Ekintzailetzako zuzendari Leyre Madariagak hizpide hartuko ditu Euskadik eraldaketa digitalaren arloan dituen helburuak eta politikak, eta baita ere aurkeztuko ditu administrazioak enpresei eskaintzen dizkien laguntzak eta Euskadin laguntza-programa publikoen bitartez eskuratu daitezkeen baliabideak (teknikoak eta giza baliabideak).
Kongresua Iberdrola Dorrean egingo da. Parte hartu nahi duten enpresek (industrialek zein zerbitzu hornitzaileek) izena eman behar dute helbide honetan: https://enpresadigitala.spri.eus/es/networking-empresarial-2021/
Lotutako albisteak
Industria Digitaleko laguntzek zure negozioaren eraldaketa digitala lortzeko bidea irekiko dizute
Industria Digitala 2025 laguntza-programaren aurtengo edizioa martxoaren 18tik irekita, 7.5 milioi €-ko aurrekontuarekin. Euren negozioa digitalki eraldatu nahi duten enpresek urriaren 31era arte aurkez ditzakete euren eskaerak.
“Innovation Land” lelopean, Euskadik Transfiere 2025 Europako zientzia, teknologia eta berrikuntzarako fororik handienean parte hartuko du
Euskadik presentzia nabarmena izango du programa ofizialean, Basque Research and Technology Alliance (BRTA) aliantzako, SPRI Taldeko, Tecnaliako eta ZITUko arduradunek parte hartuko baitute
Cybertixek Zerolynx integratu du eta ETE-entzako zibersegurtasuneko hornitzaile erreferente gisa finkatu da
Operazio horrek zibersegurtasuneko portfolioa indartu du zerbitzu espezializatuetako bertikal berriekin, hala nola Offensive Security edo Forensicsekin
TH Company, munduko liderra arrantza sektorerako makinetan Mungiatik
Mundu osoko 500 atunketari baino gehiagok dute enpresa horren teknologia eta % 75eko merkatu-kuota du.
Zaher Taldeak bere eraginkortasun operatiboa hobetzea du helburu eraldaketa digital nabarmen baten bidez
Enpresa gipuzkoarra bere zuzendaritzaren errelebo betean murgilduta dago, galdaragintzan eta mekanizazioan aritzen da, eta nazioartekotzearen aldeko apustua ere egin du.