SPRIk merkataritza elektronikoaren funtsezko alderdiei buruzko Prestakuntza Ibilbide bat eskaintzen die enpresei
Apirilaren 20tik aurrera, ETE, mikroETE eta langile autonomoek eskura izango dute merkataritza elektronikoari (eCommerce) buruzko Prestakuntza Ibilbide bat, SPRI Taldeak diseinatu eta antolatua Enpresa Digitala zerbitzuaren bitartez. Ibilbide horren helburua da merkatu digitalean duten presentzia optimizatzen laguntzea, erabaki onenak hartuta.
Jarduerak online egingo dira eta aztergai hartuko dira onlineko salmentaren oinarrizko alderdiak, esaterako, nola definitu negozio-eredu bakoitza, nola aplikatu marketineko estrategia eta onlineko salmenta optimizatzeko lagungarri izan daitezkeen alderdi guztiak. Batez ere konpainia txikienei lagunduko dieten esperientzia praktikoak aurkeztuko dira, horien bidez jakiteko euren negozioa prest dagoen merkatu digitalaren eszenatoki berriari aurre egiteko.
Prestakuntza-topaketen bidez parte-hartzaileek ikasiko dute nola aplikatu merkatu digitala sektore bakoitzean, nola aztertu lehia eta zeintzuk diren mundu digitalarekin zein onlineko salmentarekin lotutako beste faktore batzuk, esaterako, ordainketa-bideak, lege-alderdiak, web analitika, etab. Ikastaro eta tailerren edukiak osagarriak dira eta elkarren jarraian emango dira ekintza global bat osatzeko.
Ekintzen egutegia apirilaren 20an hasiko da, eduki hauekin:
- Nola definitu zure merkataritza elektronikoaren negozio-estrategia
- Negozio-estrategiatik praktikara: nola diseinatu zure merkataritza elektronikoaren emaitzen kontua
- Ikusarazi zure burua eta saldu AMAZONen
- Merkataritza elektronikorako marketina: nola definitu eta ebaluatu gure SEO estrategia
- Nola diseinatu zure merkataritza elektronikoaren erabiltzaile-esperientzia eta nola hobetu konbertsioa (CRO) (2023ko maiatzerako aurreikusia)
- Merkataritza elektronikorako marketina: nola landu gure ADS estrategia
- Merkataritza elektronikorako sare sozialak
- Logistika eta nazioartekotzea merkataritza elektronikoan
- Merkataritza elektronikorako web analitika (2023ko ekainerako aurreikusia)
- Merkataritza elektronikoaren alderdi juridiko garrantzitsuenak
- Merkataritza elektronikoaren leialtze-estrategia (2023ko uztailerako aurreikusia)
- Prestakuntza Ibilbidearen amaiera jardunaldia (2023ko uztailerako aurreikusia)
Jardunaldi bakoitzean landuko diren gaiak bereziki diseinatu dira egokiak izan daitezen euskal enpresen murgiltze digitaleko maila desberdinentzat. Konpainia horiek dagoeneko lehian dabiltza Espainian 26,2 milioi onlineko erosle (internauten % 79,4) dituen plaza batean. Baina esanguratsuena da merkataritza digitalaren negozio-zifra eta bilakaera, urtean % 7,7 hazten dena (ONTSI, 2021).
“Merkataritza elektronikoari buruzko Prestakuntza Ibilbidea” bereziki pentsatuta dago honako hauek informatu eta trebatzeko: merkataritza elektronikoan oinarritutako ideia bat duten edo hobetzeko moduko merkataritza elektroniko bat duten negozio kudeatzaileak; Interneterako jauzia egiten ari diren edo epe ertainean egin nahi duten negozio fisiko baten jabe zein langileak; merkataritza elektronikoaren ingurunean lan egiten duten edo espezializatzen ari diren profesionalak (marketers, teknikariak, web kudeatzailea…), etab.
Lotutako albisteak
Logistikari buruz Euskadin egiten den kongresuaren hirugarren edizioa egingo dute BECen
Azoka da iparraldeko eremuan packagingaren, logistikaren eta garraioaren sektoreak biltzen dituen azoka bakarra
Segundu bakoitzak kontatzen du. Ziurtatu zure erreskatea ResQaRrekin
Erreskate-orria formatu digitalean: larrialdi ekipoak, erreskatea modu seguruan egin ahal izateko, behar diren ibilgailuko elementuei buruzko infomazio zehatza eta azkarra.
Flexix, 75 urteko historia berrikuntza aldarrikatzen
Enpresa bizkaitarrak ez ditu alde batera uzten joera eta teknologia berriak, balioa handitzeko, egokitzeko, prozesuak hobetzeko eta energia berdea bezalako sektoreetara dibertsifikatzeko.
40 urte baino gehiago enpresa grafikoei babes digitala eskainiz
Bizkaiko Consultores Asociados enpresak ERP Gestión 21 softwarea eskaintzen du, nazioartean eta Euskadin oso zabalduta dago.
Euskadiko bost erakundek tuneletako eta industria-inguruneetako langileentzako segurtasun-plataforma digital bat garatu dute
Soluzio teknologiko berritzaile bat da, tuneletan eta industria-inguruneetan izaten diren gorabeherak garaiz identifikatzeko pentsatua, eta TECNALIAk garatu du Externalia Solutions, Hierros Abra, Lurpelan eta Abra Seguridad enpresekin batera.