SPRIk Mondragon Unibertsitateak antolatutako data analytics eta kudeaketa arloetako lanaren etorkizunari buruzko jardunaldi batean parte hartu du

SPRI Taldeko zuzendari nagusi Aitor Urzelaik Mondragon Unibertsitatearen Enpresagintza Fakultateak Bilbon antolatutako jardunaldi batean parte hartu du, etorkizun hurbilak data analytics eta kudeaketa arloetan dakartzan erronka berriak partekatzeko.  Hogeita hamar enpresa baino gehiagok parte hartu dute ekitaldian, zeinetan zaintza aktibo bat abiarazi baita, ingurune soziolaboral berri honetan talentuaren plangintza estrategikoan eragina duten faktoreak identifikatzeko.

Jardunaldia Bilbao as Fabrik espazioan egin da, eta bertan izan dira orobat Lander Beloki, Mondragon Unibertsitateko Enpresagintza Fakultateko dekanoa, zeinak ekosistema kolaboratiboei buruzko hitzaldi bat eman baitu; Mikel Mesonero, Fakultateko  Talentuaren Garapen eta Kudeaketako koordinatzailea, junior eta senior talentuak bultzatzearen garrantziaz hitz egin duena; Eduardo Castellano, Enpresagintza Fakultateko Ikerketa eta Transferentziako koordinatzailea, zeinak hizpide hartu baitu ikerketa eta berrikuntzaren garrantzia eraldaketa bultzatzeko enpresetan; Aitor Lizartza, Fakultateko Ekintzailetzako koordinatzailea, unibertsitateko ekintzailetzako ekosistemez mintzatu dena; eta Joan Clotet, etorkizuneko talentuari buruz mintzatu dena.

Jardunaldi honen bidez, Mondragon Unibertsitateko Enpresagintza Fakultateak ezagutzera eman du enpresei data analytics eta kudeaketa arloetako talentuaren plangintza estrategikoan laguntzeko eskaintzen duen zerbitzua. Fakultateak hiru arlo nagusitan garatzen du zerbitzu hori:

• Talentu gaztea atzematea
• Enpresa barruko senior talentuaren eraldaketarako laguntza
• Berrikuntza, ikerketa eta ekintzailetzako proiektuen garapena

Mondragon Unibertsitateko Enpresagintza Fakultateak 550 “learning companies” enpresa baino gehiagorekin kolaboratzen du junior talentua bultzatzeko. 700dik gora ikaslek enpresa horietan egiten dituzte urtero euren praktika dualak eta gradu zein master amaierako lanak.

Lotutako albisteak

24 ekaina, 2024 Digitalizazioa

Euromatismos, ate automatikoen arloko liderra

Irakurri gehiago

18 ekaina, 2024 Digitalizazioa

Buho Electronics, mantentze prediktibo industrialaren lider nazionala

Irakurri gehiago

14 ekaina, 2024 Digitalizazioa

Oreka Circular Economy aplikazio mugikor baten bidez elikagaien alferrik galtzea murrizten laguntzen du

Irakurri gehiago

12 ekaina, 2024 Digitalizazioa

Electricidad Telgak ikusmen artifiziala erabiltzen du prozesu elektriko industrialen automatizazioan

Irakurri gehiago

6 ekaina, 2024 Basque Trade & Investment

Eusko Jaurlaritzak euskal enpresei lagundu die BIEMHn, SPRI taldearen bitartez

Irakurri gehiago

Joan blog-era