SPRIk urriko lehen astera arte zabalik izango ditu zibersegurtasun industrialerako eta adimen artifizialerako laguntzak, eta azarora arte digitalizaziokoak
Eusko Jaurlaritzak, SPRI Taldea enpresa-garapeneko agentziaren bidez, oraindik zabalik ditu zibersegurtasunerako, adimen artifizialerako eta digitalizaziorako enpresentzako laguntzak. Industriako zibersegurtasunerako, adimen artifizial aplikatua eta industria digitalerako programetarako dirulaguntzen eskaerak urriaren 2, 5 eta azaroaren 6ra arte izapidetu daitezke, hurrenez hurren. 12,6 milioi euroko aurrekontua dago guztira.
Industria Digitala Programa Euskadin industria-enpresak eta zerbitzu-enpresak sustatzera dago bideratuta, eta lehiakortasuna handitzeko baliabideak eta aholkularitza pertsonalizatua eskaintzen ditu, merkatuan duten lekua hobetu ahal izateko abantaila lehiakorrak garatu ahal izateko teknologia digitalen eta jasangarrien bitartez.
6,1 milioi euroko aurrekontua dago guztira eta urtean 18.000 eurora arte eskaintzen ditu enpresa bakoitzarentzat, betiere, produktuetan, prozesuetan eta zerbitzuetan diagnostiko proiektuak egiteko eta/edo IKTak ezartzeko. Hau da, beren balio-katean. Programa zabaldu zenetik, 460 proiektu aurkeztu dituzte eta dagoeneko 384 onartu dira. Ia 3,9 milioi euroko dirulaguntza esleitu zaie. Batezbesteko dirulaguntza 10.000 eurokoa izan da.
Industriako zibersegurtasuneko programaren helburua industriako enpresak eta zerbitzuetakoak indartzea da, zibererasoen eta informazio garrantzitsuaren ebasketen aurka. Horretarako, hornitzaile espezializatuen laguntza jasotzen dute. Plan honen aurrekontua 3,5 milioi eurokoa da eta urteko 18.000 euro bitarteko itzuli beharrik gabeko diurlaguntzak eskaintzen ditu enpresa bakoitzarentzat.
Aurten, 264 proiektu aurkeztu dituzte eta dagoeneko 237 onartu dira. Ia bi milioi euroko dirulaguntza esleitu zaie. Batezbesteko dirulaguntza 8.300 euro baino gehiagokoa izan da proiektu bakoitzeko.
Adimen Artifizial Aplikatua programaren helburua da Euskadin teknologia hori oinarri duten eta Euskadin teknologia hori erakutsi, eta eskaintza eta eskaria aktibatu nahi duten enpresen proiektuei laguntza ematea, Euskadiko enpresei lehiakortasuna handitu ahal izateko tresnak emateko.
Aurrekontua hiru milioi eurokoa da eta urte honetan dagoeneko 58 proiektu aurkeztu dituzte 21.000 euro baino gehiagoko batezbesteko aurrekontuarekin.
Lotutako albisteak
Industria Digitaleko laguntzek zure negozioaren eraldaketa digitala lortzeko bidea irekiko dizute
Industria Digitala 2025 laguntza-programaren aurtengo edizioa martxoaren 18tik irekita, 7.5 milioi €-ko aurrekontuarekin. Euren negozioa digitalki eraldatu nahi duten enpresek urriaren 31era arte aurkez ditzakete euren eskaerak.
Etxetar, errekuntzako motorrentzako eta ibilgailu elektrikoentzako ekoizpen-sistema aurreratuak egiten dituen munduko ingeniaritza liderra
Elgoibarko enpresak SPRI Taldearen zibersegurtasuneko dirulaguntza-programa jaso du eta proiektu bat egin du freno-diskoen kutsadura mugatzeko.
Zaher Taldeak bere eraginkortasun operatiboa hobetzea du helburu eraldaketa digital nabarmen baten bidez
Enpresa gipuzkoarra bere zuzendaritzaren errelebo betean murgilduta dago, galdaragintzan eta mekanizazioan aritzen da, eta nazioartekotzearen aldeko apustua ere egin du.
Diker, osasungintzaren sektorerako injekzio bidezko plastikoetan Euskadi mailako erreferente bihurtu nahi duen ETEa
Oiartzungo enpresa, gaur egun, batez ere automobilgintzaren eta elektronikaren sektorearentzat ari da lanean
Einnek, bost urte etengabe eboluzionatzen sektore elektriko-elektronikoan
Pandemia betean jaio zen enpresak eraldaketa digitalaren aldeko apustua egin du hasieratik, sektorean bereizteko; bideojoko bat ere sortzen ari da, ingeniaritzako eta muntaiako barne-prestakuntza teknikoa iraultzeko.