SPRIk zibersegurtasunari buruzko lantalde bat koordinatuko du Madrilen
Euskadiko Zibersegurtasun Zentroko zuzendari Javier Diéguezek hizlari berezi bezala parte hartuko du ekimen hori martxan jartzeko ekitaldian.
Cristina Oyónek, SPRI Taldeko ekimen estrategikoen arduradunak, koordinatuko du Cotec Fundazioak abiarazitako ingurune ziberseguruetako datu irekiei buruzko lantalde berria. Euskadiko Zibersegurtasun Zentroko (Basque Cybersecurity Centre) zuzendari Javier Diéguez izango da topaketa horretako gonbidatu berezia. Cotec Fundazioa irabazi asmorik gabeko antolakunde pribatu bat da, zeinaren helburua baita berrikuntza sustatzea garapen ekonomikorako eta sozialerako motor gisa. Cotec Fundazioak 90 kide inguru ditu, batzuk enpresa pribatuak eta beste batzuk eskualde mailako nahiz tokiko administrazioak.
Zibersegurtasunari buruzko lantalde berriak irailaren 25ean egingo du bere lehen bilera Madrilen. Guztira hogeita bost erakunde eta enpresa bilduko dira, besteak beste, hauek: BBVA, Indra, PricewaterhouseCoopers, Tecnalia, SPRI Taldea, Andaluziako Enplegu Saila eta Enpresa Lehiakortasunerako Institutu Valentziarra.
Ekimen horren helburua da testuinguruko azterketa bat egitea ikusteko nolako garrantzia duten datu irekiek, zer lotura duten zibersegurtasunarekin eta zeinen garrantzitsua den sektore pribatua datuen irekieran inplikaraztea. Topaketaren asmoa da baita ere hizkuntza komun bat sortzea taldeko kide guztientzat, lan-perimetro bat zedarritzea eta aurrea hartzea sortu litezkeen zailtasunei (araudiak, legeak, kultura arloko hesiak, koordinazio arazoak, e.a.). Taldekideek diote oraingoz galderak gehiago direla erantzunak baino, eta horregatik, talde berri honen bokazioa dela esploratzaile izatea batez ere.
Cristina Oyónek, SPRI Taldeko Ekimen Estrategikoen arduradunak, hitzaldi bat emango du bileran, lantaldearen helburuak aurkezteko. Horrez gain, Euskadiko Zibersegurtasun Zentroko zuzendari Javier Diéguez izango da bi hizlari gonbidatuetako bat, zeinak hizpide hartuko baititu gai honen egungo egoera eta zenbait alderdi kritiko.
Saioa bukatzeko, bertaratuek mahai-inguru bat egingo dute, ondorioak irakurriko dira eta eman beharreko hurrengo urratsak zehaztuko dira.
Lotutako albisteak
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
Adimen artifiziala, blockchaina eta zibersegurtasuna izango dira Elkargiko 35. Enpresa Topaketaren erdigunean
Ekitaldia apirilaren 10ean izango da Donostiako Kursaal Jauregian
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.