Spyro enpresak bere negozio-ildoak zabaldu ditu 4.0 Industriarekin
Enpresak BIEMH azokan aurkeztu zuen bere Vixion startupa
ERP softwarearen garapenean 30 urtetik gorako ibilbidea egina duen Spyro euskal enpresak berrikuntza prozesu bat egin du negozio-aukera berriak detektatzeko. Hala, enpresak bere konponbide-eskaintza dibertsifikatu du eta hiru negozio-ildo berri sortu ditu: mugikortasuna – enpresa-aplikazioak tablet eta smartphone-etarako-, Market Intelligence eta 4.0 Industria.
Fabrika Adimendunaren arloan, mugarri nagusia izan da Vixion startupa sortzea Tecnalia zentroarekin lankidetzan. Iazko udazkenean abiarazitako enpresa berri horrek 4.0 Industriarako konponbide aurreratuak garatzen eta merkaturatzen ditu. Sei hilabete hauetan sei laguneko plantilla osatu du eta dagoeneko ezarri du bere softwarea hainbat makina fabrikatzailetan.
BECen aurkeztu zen Vixion, maiatzaren 28tik ekainaren 1era egin zen Makina Erremintaren azken Biurtekoan. “Azokan ikusi dugu Vixion lehen mailako konponbidea dela, eta fabrikatzaile askoren interesa piztu zuen” azaldu du Ricardo González Lafuentek, Spyro enpresako zuzendariak. Software berri horrekin posible da makina bakoitzaren datuak eskuratzea, datu horiek prozesatzea eta informazio baliotsua ematea, besteak beste, piezen 3D berreraikuntzak, mantenimendu prediktiboko ekintzak eta langileentzako gida-liburuak. “Konponbide aurreratua, horizontala eta malgua da, merkatuko osagarrietara egokitzen dena” dio Ricardo Gonzálezek. Enpresak bi erronka nagusi ditu: batetik, bidea egitea fabrika konektatua izateko, Vixion konponbideak mota guztietako makinekin hitz egin dezan eta, bestetik, datorren urterako aurreikusita dagoen nazioarteko zabalkuntzari ekitea.
Negozio-aukera berriak identifikatzeko prozesu hori garatzeko, Spyro-k SPRI Taldearen Innobideak – Lehiabide programaren laguntza izan du, zeinaren helburua baita enpresen lehiakortasuna hobetzen duten ekintzak garatzea. Laguntza horri esker, konpainiak hainbat laguntza-saio egin zituen aholkularitza espezializatua jasotzeko, eta horrela espezializazio-ildo berriak detektatzeko. “Oso lan aberasgarria izan zen, eta oso baliotsua guretzat” dio Ricardo González Lafuentek, Spyro enpresako zuzendariak, “oso profil desberdinetako langilez osatutako taldeekin egin zen prozesua, eta horri esker, parte-hartze eta inplikazio maila handia lortu zen”.
Vixion
Lotutako albisteak
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.
Lorra, lau hamarkada inguru Bizkaiko nekazaritzako elikagaien kooperatibismoaren funtsezko zutabe gisa
Gaur egun, erakundearen lehentasuna zahartutako sektore honetako erretiroak ordezkatzea da, belaunaldi-erreleboaren bidez.
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.