Spyro Software enpresa gipuzkoarrak banaketa-akordio bat sinatu du Katalunian duen negozioa indartzeko
Industriarako enpresen kudeaketako softwarean espezializatutako Spyro enpresa gipuzkoarrak eta Kenos Technology aholkularitza teknologiko eta software garapeneko enpresak banaketa-akordio bat lortu dute, zeinaren bidez Kenos izango baita Spyro ERP konponbide-multzoaren Kataluniako banatzaile bakarra.
Aliantza horri esker, Spyro enpresa donostiarrak partner bat izango du Kataluniako merkatuan bere produktua errotzen laguntzeko. Akordioa Kenosek Bartzelonan duen egoitzan sinatu dute Kenosen bazkide fundatzaile Carlos Fernández eta José Antonio Jovek eta Spyroko zuzendari kudeatzaile Ricardo Gonzálezek.
Sektoreko hainbat profesionalek 2018an sortua, Kenos Technology-k aholkularitza eskaintzen du, eta baita ere enpresen kudeaketako softwarea garatzeko zerbitzuak. Gaur egun 80 langile ditu eta hiru milioi eurotik gora fakturatzen du. Bera arduratuko da Spyro ERP konponbideen merkaturatze, aholkularitza eta ezarpenaz. José Antonio Jovek azaldu duenez, “akordio honi esker gure bezeroek hornitzaile bakarra izango dute konponbidea eta zerbitzuak hasi eta buka eskaintzeko, hurbileko zerbitzu pertsonalizatu batekin”.
Spyro Software enpresak 40 urteko ibilbidea dauka eta negozio industrialen prozesuetarako softwarea garatzen espezializatuta dago. Ricardo González zuzendari kudeatzailearen arabera, aliantza honen bitartez “aitorpen bat egiten diogu Spyrok bezeroen negozio-prozesuetako errendimendua eta eraginkortasuna hobetzen duten konponbideen garapenean eta euskarri-zerbitzuetan daukan esperientziari”.
Bere sistema modularrari esker, Spyro ERP softwareak erantzuna ematen die ETE industrialen eta balio-kate industrialaren premiei. Softwarea pertsonalizatu, aldatu eta egokitzeko aukera, gehi Kenos Technology enpresako garapen taldearen kalitatea izan dira banaketa-akordio hau egiteko arrazoi nagusiak.
Lotutako albisteak
Zaher Taldeak bere eraginkortasun operatiboa hobetzea du helburu eraldaketa digital nabarmen baten bidez
Enpresa gipuzkoarra bere zuzendaritzaren errelebo betean murgilduta dago, galdaragintzan eta mekanizazioan aritzen da, eta nazioartekotzearen aldeko apustua ere egin du.
Einnek, bost urte etengabe eboluzionatzen sektore elektriko-elektronikoan
Pandemia betean jaio zen enpresak eraldaketa digitalaren aldeko apustua egin du hasieratik, sektorean bereizteko; bideojoko bat ere sortzen ari da, ingeniaritzako eta muntaiako barne-prestakuntza teknikoa iraultzeko.
Enpresa industrialen eta industria adimendunean espezialistak diren enpresa digitalen arteko elkarlana erraztuko du SPRI Taldeak
Enpresen Networkinga 2025 - Smart Industry kongresuaren 8. edizioa egingo dute martxoaren 26an, Bilbon, eraldaketa digitalari laguntzeko
Logistikari buruz Euskadin egiten den kongresuaren hirugarren edizioa egingo dute BECen
Azoka da iparraldeko eremuan packagingaren, logistikaren eta garraioaren sektoreak biltzen dituen azoka bakarra
Segundu bakoitzak kontatzen du. Ziurtatu zure erreskatea ResQaRrekin
Erreskate-orria formatu digitalean: larrialdi ekipoak, erreskatea modu seguruan egin ahal izateko, behar diren ibilgailuko elementuei buruzko infomazio zehatza eta azkarra.