Suministros Mugarra, industria astunari lanerako babesa eskaintzen dion Bizkaiko ETEa
Suministros Mugarra Bizkaiko enpresa bat da eta pertsonalizatutako laneko babes-ekipamenduak eskaintzen ditu, batez ere industria astunarentzat. Enpresa digitalizatzea da egun bere erronka. SPRI Taldearenadimen artifizialeko programaren laguntza jaso du enpresak. Hain zuzen ere, programaren helburua da Euskadiko enpresen artean AAn oinarritutako proiektuak babestea.
Enpresa 1989an sortu zen Durangon, egungoa ez den beste kokapen batean. Hasieran, laneko babes-sistemak eta industriako hornikuntza eskaintzen zituen. 1997an hiru langile ziren soilik eta egungo kudeatzailea sartu zen. Handik urte batzuetara, laneko babesaren arloan hasi zen arreta jartzen enpresa.
2002an, Sekurlan sortu zen, “bi lehiakide, gu eta Ostolaza Zumaia elkartu ginen eta gauza gehiago egiten hasi ginen. Enpresa merkatuan indartzeko balio izan digu, baina jarduera mantendu dugu” azaldu dute Eñaut Balier kudeatzaileak eta Cristina Martínez administrazioko arduradunak.
Suministros Mugarrak laneko babesarekin lotutako zerbitzuak eskaintzen dizkio industriari. “Jantziak, oinetakoak, hautemate-sistemak, garbiketa-zerbitzuak (babes-ekipamenduak garbitzen eta tratatzen espezializatua), eta NBEn makinak hornitzen ditugu. Zerbitzu integrala eskaintzen dugu, salmentatik hasi eta arlo guztien rentigera arte, bezeroak langileen babesarekin lotutako ezer erosi behar ez izateko”. Halaber, segurtasun-sokak eta seinaleztapen-proiektuak muntatzen dizkiete bezeroei.
Produktu oso pertsonalizatua da. “Enpresek haien serigrafiarekin eta izenarekin egitea nahi dute. Arropa hainbat koloretan eskaintzen diegu, suaren aurkakoa zein ez”. Laneko babeserako merkatua bilakaeran dago etengabe eta “orain produktua ekologikoa izatea bilatzen dute, horrek irauliko baitu merkatua datozen urteetan”.
Laneko babesaren sektorea oso heldua da dagoeneko, adierazi dutenez. “Intrusismo handia dago, edonork saltzen du bota bat. Pandemian, zabalik jarraitu genuen gutxienetakoak izan ginen. Tarte oso txikiak dituen merkatua da eta prezio-gerra izugarria dago. Baina oinetakoentzako gero eta material hobeak bilatzen dituzte, goraldian dago”.
Industria astuna
Bezeroak industria astunekoak dira nagusiki: altzairu-fabrikak, fundizioak, metalurgiako enpresak, elikagaienak, hotzeko banaketakoak. Eta udalentzat ere egiten dute lan. Negozioaren % 70 inguru Euskadin dago. “Atzerrian saltzen duguna da hemengo enpresek atzerrian instalazioren bat dutelako, batez ere, Italian, Frantzian, Portugalen eta Belgikan”.
Orain 23 langile dituzte eta aurten 7,5 milioi euroko fakturaziora iristea aurreikusten dute.
SPRI Taldearen Adimen Artifizial Aplikatuko programatik jasotako dirulaguntza barne-prozesuak digitalizatzeko erabili dute: bezeroen eskaria sartzen direnetik hasi eta hornitzaileen fakturetara arte. “Adimen artifizialak eskariak irakurtzea, eskariaren zirriborro bat jaulkitzea eta eskaria biltegira pasatzea da helburua. Lana erraztu eta denbora aurrezten du, eta, hala, zeregin horretaz arduratzen den langileak beste gauza batzuk egin ditzake. Langileari balio erantsi handiagoa ematea. Faktura eta albaran guztiak digitalizatu nahi ditugu”.
Enpresaren erronkak dira barne-prozesuak digitalizatzea eta merkatuko eskakizunei erantzutea. “Lehen eskari bat jaso eta bizpahiru egunetan ez zizuten ezer esaten. Orain tramiteen araberako entrega-epea eskatzen dizute”- Digitalizazio-plan hori proiektu anbiziotsua da, “hilean 1.000 faktura egiten ditugulako eta beste 500 hornitzaile kontabilizatzen ditugulako. Papereko fitxategiena eromena da. % 50 murrizten badugu, pozik egongo gara”.
SPRI Taldeak bere kanaletan euskal enpresei beren jardueraren berri emateko aukera eskaintzen die. Zure proiektua gure gaiekin (I+G+b arloa, digitalizazioa, nazioartekotzea, ekintzailetza, berrikuntza…) lotuta badago, Zutaz mintzo gara ekimenean parte har dezakezu.
Lotutako albisteak
GAIAk IKT sektorearen prestakuntza-beharren diagnostikoa egin du eta merkatuaren eskaerei erantzuteko prestakuntza-ibilbideak garatu ditu
GAIAk azpimarratu duenez, sektoreko eta gobernuko erakundeen, sozietate publikoen eta hezkuntza-sistemaren parte-hartzea funtsezkoa izan da azterlanari balio erantsia emateko
Senvia Systems-ek beste enpresa batzuk gidatzen ditu haien sustapenean eta eraldaketa digitalean
Iaz sortutako enpresa gipuzkoarrak sistemetan, komunikazioetan eta zibersegurtasunean oinarritutako IT zerbitzuak eta aholkularitza eskaintzen ditu.
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Akting, gizarteari balioa emateko teknologia
Gipuzkoako enpresak euskarri desberdinetarako aplikazioak garatzen ditu eta digitalizazioaren, datuen analisiaren eta prozesuen optimizazioaren aldeko apustua egiten du.
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
Euskarazko diktaketa-sistema berria, dibertsitate funtzionala duten haur eta gazteentzako lagungarri
Proiektuak SPRIren Adimen Artifizialeko programaren babesa jaso du
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.
Industria Digitaleko laguntzek zure negozioaren eraldaketa digitala lortzeko bidea irekiko dizute
Industria Digitala 2025 laguntza-programaren aurtengo edizioa martxoaren 18tik irekita, 7.5 milioi €-ko aurrekontuarekin. Euren negozioa digitalki eraldatu nahi duten enpresek urriaren 31era arte aurkez ditzakete euren eskaerak.