Tecnaliak eta Ibermaticak sistema aitzindari bat garatu dute, pribatutasuna bermatuz Covid-19a duten pertsonen kontaktuak identifikatzeko
Covid-19aren pandemiaren ondorioz, deskonfinamenduak erronka berriak ireki ditu eta, kasu askotan, erronka horien aurrean teknologiak lagundu dezake. Gaixotasuna duten pertsonen arrastoa jarraitzeko hainbat irtenbide egon dira, baina tresna hauek erabiltzaileen pribatutasunarengan dauzkaten eraginaren inguruko zalantzak asko izan dira. Hori dela eta, Tecnaliak eta Ibermaticak sistema aitzindari bat garatu dute, pribatutasuna bermatzen duena eta Euskadiko enpresei lanera itzultzen laguntzeko erabili daitekeena.
Probak aste honetan hasi dira BRTA aliantzaren kide den zentro teknologiko honetan, telefono mugikorren bidez, baina beste euskarri batzuk erabiltzea pentsatzen ari dira, besokoak, esaterako. Sistema hori mugikorraren bluetootharen erabileran oinarritzen da eta berritzailea da pribatutasuna bermatzen duelako kriptografia erabiliz eta informazioa deszentralizatuz: datuak erabiltzaileen gailuetan gordeko dira eta ez da GPS kokapena gordeko. Horrek datuak beste helburu batzuetarako erabiltzea saihesten du.
Euskadiko enpresak martxan jartzen laguntzeko
Proiektua kontaktuen bilaketa automatizatua ahalbidetzen du, eta horrek osasun-profesionalek eskuz egiten duten prozesua arintzen laguntzen du. Erabiltzaileak monitorizazioa aktibatu edo desaktibatu dezake, eta Covid-19 gaixotasunaren diagnostikoa jasotzen badu, aplikazioaren bidez jakinarazteko aukera izango du. Aplikazioak berarekin harremanetan egon direnei ohartaraziko die, isolatzeko edota probak egiteko. Helburua positibo batekin kontaktuan egon diren pertsonak identifikatzen laguntzea da, eta Covid-19aren kasu gehiago saihestea, gaixotasunaren hasierako faseetan dauden pertsonak edo sintomarik ez duten pertsonak identifikatzen lagundu ahal duelako.
Oscar Lage Tecnaliako Zibersegurtasun arduradunak azaldu duenez, horrelako tresnak “memoria eta eskuz egindako prozesuak baino eraginkorragoak dira, zalantzarik gabe”; izan ere, koronabirusak kutsatutako pertsona batekin kontaktuan egon ote garen ikertzen laguntzen dute. Tecnaliaren eta Ibermaticaren sistema DP-3T protokoloan oinarritzen da, Apple-ren eta Google–ren telefono mugikorretan dagoeneko txertatuta dagoena, eta pribatutasuna bermatzen duen detekzio sistema batekin erabiltzen du.
Bi erakundeen proiektu honek Diagnostiko eta Geldiarazteko Sistemaren Optimizazioa (OptiDic) izeneko proiektu zabalago baten zati bat da, eta SPRI taldeak eta Eusko Jaurlaritzako Ekonomiaren Garapen eta Azpiegitura Sailak lagundutako ikerketen parte da. Sistema hau Eusko Jaurlaritzaren esku jarriko da, euskal enpresen jarduerari berriro ekiteko proiektuari (PRAP-Euskadi) laguntzeko.
Lotutako albisteak
Sintop proiektuak saldu osteko kudeaketa optimizatu du etxebizitzen eraikuntzan
Construcciones Olabarri buru dela, plataforma adimendun bat garatu da obrak denbora errealean amaitu direnean gorabeherak erregistratzeko. Ekimenak SPRI Taldearen Hazitek Laguntza Programaren babesa jaso du.
INNKIA startup jaio da, enpresen behar zehatzetarako Adimen Artifizala
LABORAL Kutxaren eta IKERLANen eskutik sortu da startup kooperatibo aitzindaria, MONDRAGONen eta Eusko Jaurlaritzaren laguntzarekin.
ELIKA Fundazioak “Recircular alimentación” aurkeztu du, elikagai-soberakinak errebalorizatzen lagunduko duen tresna digitala
Elika Fundazioaren eta Recircular startup-aren arteko lankidetzaren emaitza da, zeinak elikagai-soberakinak ekonomikoki balorizatzea duen xede.
Wake Up! Albiste ekintzaile batzuk sarean
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Female Founders Day: Emakumeen talentua eta ekintzailetza sustatzeko ekitaldia Bilbon
Inbertsioan, teknologian eta ekintzailetzan adituak elkartuko dira: hitzaldi nagusiak, eztabaida mahaiak eta pitch lehiaketa.