Telekomunikazioen, zibersegurtasunaren eta cloudaren arloko berritasunak erakutsiko dituzte maiatzean 130 enpresak baino gehiagok
130 enpresak eta adituk baino gehiagok, telekomunikazioen arloko abangoardia eta sareen eta zerbitzuen (adibidez, zibersegurtasuna eta cloud) merkatu-joerak erakutsiko dituzte maiatzean. Maiatzaren 9an eta 10ean egingo dute 2024ko Aotec Teknologia Azoka, Barakaldoko Bilbao Exhibition Centren (BEC). Azokaren 17. edizioa izango da, eta SPRIren laguntza jasoko du.
IoT, adimen artifiziala, sare irekiak eta jasangarritasuna izango dira hizketagaiak. “Bultzada berritzailea” lelopean, konektagarritasunaren arloko aurrerapen eta joera nagusiak bilduko ditu, baita herri txiki eta ertainen, horietako enpresen eta biztanleen eraldaketa digitalera bideratutako zerbitzuak ere. Aotec 2024 azoka Bilbao Exhibition Centreko (BEC) 2. pabiloian egingo dute. 8.000 metro karratu hartuko ditu, eta standen beste eremu bat gehituko diote, dagoen eskariari erantzuteko.
Telekomunikazioen sektoreko Estatuko eta nazioarteko hornitzaile eta fabrikatzaile nagusiak biltzen ditu Teknologia Azokak eta, urtero, operadore alternatiboak (tokikoak eta neutroak), teknologoak, ingeniaritzak eta administrazioak elkartzen dira bertan. Edizio honek Eusko Jaurlaritzaren, Bizkaiko Foru Aldundiaren eta Bilboko Udalaren babesa du.
Aotec 2024 azokak bost ardatz nagusi ditu: komunikazio digitalen eta cloud arloko azpiegiturak; telebistako edukiak; teknologia disruptiboak eta eraldatzaileak (IoT, AA eta 5G), telefonia; eta zerbitzu osagarriak (zibersegurtasuna, alarmak, energia…). Gainera, lehen aldiz, startupentzako eremu bat izango du. Aurreko edizioa Alacanten egin zuten, eta 4.000 bisitari erregistratu zituzten.
Azoka honetan presentzia garrantzitsua izango dute honako enpresek: Huawei teknologia-enpresa; Aire Networks, Asteo Red Neutra, Onivia eta Bluevía operadore neutroak; Adamo, Avatel eta Finetwork operadoreak; AMC Networks Sourthern Europe telebistako edukien nazioarteko ekoiztetxea; Alea Soluciones integratzailea; konektagarritasun mugikorrean espezialistak diren Cablemóvil eta Silbo Telecom; eta American Towers, Totem eta Vantage Towers towercoak.
Enpresa teknologiko horiek funtsezkoak dira operadore alternatiboentzat (tokikoak eta neutroak). Operadore horiek arduratzen dira konektagarritasuna Espainiako landa eremuetako toki gehienetara eramateaz. Hala, arrakala digitala deuseztatzen, ekonomia bultzatzen eta despopulazioa eteten laguntzen da.
Tradizioari jarraituz, azokako lehen egunaren amaieran Aotec Sariak banatzen dira. Aurten Guggenheimen egingo da sari-banaketa. Urteko Operadoreari eta telekomunikazioen arloan lan nabarmena egin duen erakunde bati egingo diete aitortza.
Lotutako albisteak
Einnek, bost urte etengabe eboluzionatzen sektore elektriko-elektronikoan
Pandemia betean jaio zen enpresak eraldaketa digitalaren aldeko apustua egin du hasieratik, sektorean bereizteko; bideojoko bat ere sortzen ari da, ingeniaritzako eta muntaiako barne-prestakuntza teknikoa iraultzeko.
Enpresa industrialen eta industria adimendunean espezialistak diren enpresa digitalen arteko elkarlana erraztuko du SPRI Taldeak
Enpresen Networkinga 2025 - Smart Industry kongresuaren 8. edizioa egingo dute martxoaren 26an, Bilbon, eraldaketa digitalari laguntzeko
Logistikari buruz Euskadin egiten den kongresuaren hirugarren edizioa egingo dute BECen
Azoka da iparraldeko eremuan packagingaren, logistikaren eta garraioaren sektoreak biltzen dituen azoka bakarra
Segundu bakoitzak kontatzen du. Ziurtatu zure erreskatea ResQaRrekin
Erreskate-orria formatu digitalean: larrialdi ekipoak, erreskatea modu seguruan egin ahal izateko, behar diren ibilgailuko elementuei buruzko infomazio zehatza eta azkarra.
Flexix, 75 urteko historia berrikuntza aldarrikatzen
Enpresa bizkaitarrak ez ditu alde batera uzten joera eta teknologia berriak, balioa handitzeko, egokitzeko, prozesuak hobetzeko eta energia berdea bezalako sektoreetara dibertsifikatzeko.