TheEgg: “Graduatu berriaren eta bere lanean egiten duen lanaren arteko aldea ahalik eta gehien murriztu nahi dugu”
Skootik Adimen Artifizialeko soluzioak garatzen ari da hainbat sektoretarako 2012tik. Hamar urte horiek proiektu handiei ekiteko, AlchemyML bezalako produktu berriak merkaturatzeko eta datuen munduan esperientzia handia irabazteko balio izan diote Donostiako enpresari. Eta esperientzia horrek bultzatu du, hain zuzen ere, enpresa TheEgg sortzera, Adimen Artifizialeko eskola digital bat, arlo horretako profesionalak prestatzeko, bai aurretik ezagutzak dituztenak, bai mundu hori ezagutu berri dutenak.
“Gure esperientzia-urteek erakutsi digutenez, gaur egun eskari handia eta profesional trebatu gutxi daude datuen eta Adimen Artifizialaren sektoreko enpresek gaur egun dituzten beharrei erantzuteko”, Unai Martínez Skootik enpresako CEOak dioenez. Beraiek ere sentitzen duten behar horren emaitza izan da TheEgg online eskola. “Adimen Artifizialean zentratutako elkarlaneko lehen eskola digitala da. Gure helburua da ezagutzak dituzten talentu berriak sortzea, datuen adituek egunero beren lanean aurre egin behar izaten dieten arazoak konpontzeko gai direnak. Laburbilduz, graduatu berriaren eta bere lanpostuan egin beharreko lanaren artean dagoen aldea ahalik eta gehien murriztu nahi dugu”.
TheEgg hainbat mailatako moduluetan antolatzen da, eta, horri esker, Adimen Artifizialari buruzko ezagutzak dituzten pertsona horiek interes gehien duten gaietan trebatzen dira. Baina, gainera, mundu hau esploratzeko aukera ematen die harengana inoiz hurbildu ez direnei. Izan ere, enpresak behar handia ikusi du profil ez-teknikoei IAk nola funtzionatzen duen, negozioarekin nola erlazionatzen den eta nola eralda dezakeen ulertzeko aukera emango dien prestakuntza emateko.
“Hasiera batean, Datu Zientzian profil teknikoak prestatzeko moduluak egongo dira eskuragarri. Beraz, logikoa denez, mundu honetara ingeniaritza-prestakuntzatik hurbiltzen denak edukiaren zenbait alderdi hobeto ezagutuko ditu. Baina, laster, datuen eta negozioaren arteko harremana ulertzeko edukia sortzea aurreikusi dugu. Gure asmoa da edozein profiletako jendea datuen mundura hurbiltzea, ziurra baita laster mota guztietako erakundeetan egongo den zientziarekin ari garela”, Martínezen esanetan.
Hori lortzeko, TheEgg-ek zereginak ebaztean oinarritutako metodologia bat aplikatzen du, ‘learning by doing’ bezala ere ezaguna. Horien artean zeregin errazak daude, hala nola gai jakin bat lantzeko prestatu den dokumentazioa irakurtzea; batzuek test txiki bat egitea eskatzen dute, kontzeptu garrantzitsuenak ulertu direla egiaztatzeko; eta beste batzuek erronka txikiak konpontzea planteatzen dute. “Proposatzen den zeregin bakoitza gure esperientziatik abiatzen da, gure enpresa-jardueran aurre egin behar izan diegun erronketatik, ikasi eta espezializatu behar izan ditugun funtsezko puntuetatik. Horrela, gure plataformatik, eta ikasle bakoitzaren interesen arabera, profil espezializatuak atera ahal izango dira; datuek ezkutatzen duten balioa (informazioa) ustiatzeko gauzatzen den prozesuan zehar esku hartzen duten rol nagusietan espezializatutako profilak, alegia”, gehitu du Skootikeko CEOak.
Aditu garrantzitsuak eta nazioarteko begirada
Zeregin horiek guztiak sortzeko, eskolak, Skootik eta AlchemyMLko lantaldeaz gain, Adimen Artifizialaren arloan nazioartean ezagunak diren adituen laguntza izan du: Nerea Luis Mingueza, Idoia Salazar, Juan Ignacio Bagnato, Jordi Ollé, Xavier Carrera, Miriam Barajas, Karen Troiano eta Ander Fernández, besteak beste. “Horiek guztiek beren aletxoa eman diote plataformari, espezialistak diren alderdiei buruzko zereginak sortuz, interes eta kalitate handiko edukiak”, azpimarratu du Martínezek.
Kaleratze ofiziala online izango da asteazken honetan, ekainak 15, arratsaldeko 18:00etan, aldez aurretik esteka honetan izena emanda. Eta jaurtiketa hori Estatuko merkatura bideratuta egon arren, Martinezek aurreratu du begi bat dutela putzuaren beste aldean jarrita. “Ez dezagun ahaztu eduki digital bati buruz ari garela, edozein lekutara iritsi ahal izatearen abantaila eskaintzen duena. Ez gara gu izango mugak jartzen ditugunak”, esan du.
SPRI Taldearen helburuetako bat euskal enpresen eraldaketa digitala da. Besteak beste, Basque Industry 4.0, BDIH Konexio, Zibersegurtasun Industriala, Enpresa Digitala edo Inplantalariak laguntza-programen bidez bultzatzen du.
Lotutako albisteak
Logistikari buruz Euskadin egiten den kongresuaren hirugarren edizioa egingo dute BECen
Azoka da iparraldeko eremuan packagingaren, logistikaren eta garraioaren sektoreak biltzen dituen azoka bakarra
Segundu bakoitzak kontatzen du. Ziurtatu zure erreskatea ResQaRrekin
Erreskate-orria formatu digitalean: larrialdi ekipoak, erreskatea modu seguruan egin ahal izateko, behar diren ibilgailuko elementuei buruzko infomazio zehatza eta azkarra.
Flexix, 75 urteko historia berrikuntza aldarrikatzen
Enpresa bizkaitarrak ez ditu alde batera uzten joera eta teknologia berriak, balioa handitzeko, egokitzeko, prozesuak hobetzeko eta energia berdea bezalako sektoreetara dibertsifikatzeko.
40 urte baino gehiago enpresa grafikoei babes digitala eskainiz
Bizkaiko Consultores Asociados enpresak ERP Gestión 21 softwarea eskaintzen du, nazioartean eta Euskadin oso zabalduta dago.
Euskadiko bost erakundek tuneletako eta industria-inguruneetako langileentzako segurtasun-plataforma digital bat garatu dute
Soluzio teknologiko berritzaile bat da, tuneletan eta industria-inguruneetan izaten diren gorabeherak garaiz identifikatzeko pentsatua, eta TECNALIAk garatu du Externalia Solutions, Hierros Abra, Lurpelan eta Abra Seguridad enpresekin batera.