Trakek lidergoa indartu du fisioterapia digitalaren arloan, Adimen Artifizialari esker
Fisioterapiaren moduko arlo profesional bat eta Adimen Artifiziala uztartzeaz hitz egitean, Trak Health Solutions enpresan jarri behar da arreta Euskadin. Unibertsitatean elkar ezagutu zuten hiru bazkidek sustatu zuten pandemia betean eta aplikazio bat garatu zuten lesioen errehabilitazio-prozesuak etxetik atera beharrik gabe hobetzeko. Ordutik, plataforma hori etengabe hazi da. Enpresak 16 pertsona ditu une honetan eta bigarren inbertsio-txanda amaitu berri du, 1,3 milioi euroko balioarekin. Bultzada horri esker, nazioartekotzeko prozesuari ekitea espero dute, Carlos Rodriguez sortzaileetako batek adierazi duenez. Jon Vitak eta Daniel Solerrekin batera sortu zuen enpresa.
Nola doaz gauzak?
Oso ondo, oso pozik gaude. Egun osasun-arloan erreferente diren erakundeekin ari gara lanean, esaterako, Mapfrerekin, Sanitasekin edo Mutua Universalekin. Pilotuak egiteko fasetik gure soluzioa estatuan zabaltzera igaro gara, hainbat zentro medikotan eta errehabilitazio-zentrotan ezarri baitugu. Oso atsegina da sektore honetan lan egitea, astean fisioterapia digitaleko 2.000 saio egiten ari baikara eta hainbat pertsonari laguntzen ari gara errekuperazio-prozesuan, datu hori handitzen ari da astez aste gainera.
Nola definitu dezakegu Trak?
Tresna digital bat da eta osasuneko profesionalei aukera ematen die bezeroek egindako ariketen gainean errehabilitaziorako tratamendua berehala eskaintzeko, bai eta datu klinikoak jasotzeko ere, ondoren aztertu ahal izateko. Gainera, itxaron-zerrendetako denborak murrizten laguntzen du plataforma honek.
Bigarren inbertsio-txanda amaitu berri duzue 1,3 milioi euroko balioarekin. Zein da zuen helburua?
Kapitala handituta, negozioa mailaz igo nahi dugu fisioterapia digitalaren arloan liderrak izateko estatuan eta, ondoren, nazioartera egin nahi dugu jauzi. Asmoa da Herbehereetara zabaltzea merkatua, Europako proiektu baten laguntzarekin eta, ondoren, Kolonbiara, Txilera eta Mexikora, udatik aurrera.
Europako laguntza hori lotuta dago 2. motako osasun-produktua lortu izanarekin…
Produktu hori lortzeak aukera emango digu produktu are lehiakorrago bat komertzializatzeko, eta, alde horretatik, funtsak enpresaren eskalagarritasuna handitzera bideratuko ditugu, produktuaren, salmenten zein araudiaren arloan. Gainera, aipatu dudan moduan, EIT Healthek sustatzen duen dirulaguntza jaso duten Europako bi proiektuetatik bat izan da gurea, soluzioa Herbehereetako osasuneko diru-itzultze sisteman txertatzeko. Are, merkatu hori oso ohituta dago osasun digitaleko soluzioetara.
Zer ematen dio Adimen Artifizialak zuen plataformari?
AAk errehabilitazio-prozesuan laguntzen dio pazienteari, egin beharreko ariketen zuzenketak bidaltzen dizkiolako eta datuak biltzen dituelako, osasuneko profesionalak osatze-prozesuaren bilakaera monitorizatu ahal izateko.
Zuena bezalako ETE batek nola jorratzen du Osasuneko Araudia?
Osasun-sektorea geldoa da startup batentzat, soluzioaren ebidentzia klinikoa lortzeko eta arau guztiak betetzeko urrats sendoak egin behar baitira. Araudi guztiarekin lagundu diguten adituak ditugu inguruan eta aurtengo urtearen erdialdean 2. motako osasun-produktuaren CE marka lortuko dugu.
Enpresa teknologikoa izanik, enpresa nomada da zuena, eta telelana oso presente dago…
Enpresa pandemia betean sortu zen eta lehenengo egunetik lan egiteko eredu digitalera ohitu ginen. Enpresa gisa ditugun aktiboak software bat eta adimen artifizialeko algoritmoak dira, hots, aktibo digitalak. Horrek aukera ematen digu deszentralizatutako lantaldea izateko, eta, gaur egun, Espainia osoan zehar ditugu langileak. Hiru edo lau hilean behin ikusten dugu elkar aurrez aurre.
Lotutako albisteak
Veiss-ek 20 urte baino gehiago dihardu tokiko enpresa eta erakundeen eraldaketa digitalean laguntzen
Arabako enpresak webgune korporatiboak, mugikorretarako aplikazioak edo online dendak garatzen ditu sektore mota guztietarako.
Lancor, altxatzeko motor elektrikoen fabrikazioan Europako liderra
Abanto-Zierbenako enpresak SPRI Taldearen Gaitasun Digital Profesionalen programako laguntza jaso du eta esportaziorako produktu propioak garatzearen aldeko apustua egiten du.
Rebel Tickets, sarreren birsalmentan iruzurrari eta gehiegizko prezioei aurre egiteko sortutako enpresa bizkaitarra
Gaur egun, beren publikoari baimendutako birsalmenta eskaini nahi dioten jaialdi, kontzertu eta bestelako ekitaldien sustatzaileekin lan egiten du.
Mercanza: “Bezeroa bere datuen ustiapenean espezializatua bihurtzen dugu”
Enpresak eraldaketa digital tradizionala gaindituz soluzioak eta zerbitzuak eskaintzen ditu, enpresen eraginkortasuna eta produktibitatea bultzatzeko.
Zabalgarbik denbora errealeko analisi-tresnekin modernizatu du bere azpiegitura
Besteak beste, biki digitala eta adimen artifizialean oinarritutako teknologiak ezartzeaz gain, lurrun-gainberogailu bat instalatzea du helburu enpresak, energia-eraginkortasuna eta jasangarritasun operatiboa hobetzeko ekimen estrategiko bat.
GAIAk IKT sektorearen prestakuntza-beharren diagnostikoa egin du eta merkatuaren eskaerei erantzuteko prestakuntza-ibilbideak garatu ditu
GAIAk azpimarratu duenez, sektoreko eta gobernuko erakundeen, sozietate publikoen eta hezkuntza-sistemaren parte-hartzea funtsezkoa izan da azterlanari balio erantsia emateko
Senvia Systems-ek beste enpresa batzuk gidatzen ditu haien sustapenean eta eraldaketa digitalean
Iaz sortutako enpresa gipuzkoarrak sistemetan, komunikazioetan eta zibersegurtasunean oinarritutako IT zerbitzuak eta aholkularitza eskaintzen ditu.
Akting, gizarteari balioa emateko teknologia
Gipuzkoako enpresak euskarri desberdinetarako aplikazioak garatzen ditu eta digitalizazioaren, datuen analisiaren eta prozesuen optimizazioaren aldeko apustua egiten du.
Biotz: “Roca Salvatellarekin egindako akordioak berrikuntza teknologikoaren balio-kate osoa batzen du”
Gipuzkoako enpresak Kataluniakoarekin aliantza bat itxi du bere talentu digitala indartzeko eta nazioarteko merkatu berrietan bere presentzia zabaltzeko.
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.