UNIDOk, NBEko organismo industrialak, Basque Industry 4.0 estrategia hautatu du garapen industrialerako praktika gomendagarri gisa
Arantxa Tapia sailburuak interesa erakutsi du NBEk industriaren eremuan eta enpresa-nazioartekotzean Garapen Jasangarrirako Helburuak lortzeko enpresako jardunbide egokiak zabaltzeko dituen mekanismoen inguruan
UNIDO – Nazio Batuen Erakundearen industria-garapeneko erakunde espezializatua azterlan bat prestatzen ari da Basque Industry 4.0 estrategiaren inguruan, NBEeko herrialde kideei bidaltzen dien erreferentziazko bi urtean behingo txostenean sartzeko.
UNIDOko ordezkaritza bat zenbait aldiz bidaiatu da Euskadira, azterlan horri heltzeko eta, gaur, Arantxa Tapia Ekonomiaren Garapeneko eta Azpiegituretako sailburuak bisita egin du Vienan dagoen egoitzan.
Topaketa horretan, bi erakundeetako ordezkariek testuinguru globalarekin zerikusia duten industria-garapenaren beraren kontuak aztertu dituzte, bai eta enpresek 2030 Agendaren Garapen Jasangarrirako Helburuen sustapenean izan beharreko inplikazioa ere.
Basque Industry 4.0, praktika eredugarri gisa
UNIDOren 2020ko txostenak manufaktura-ekoizpenaren etorkizuna eta teknologia berriak herrialde garatuenen industrializazio-prozesuan izaten ari diren teknologia berrien inpaktua aztertuko ditu. Zehazki, 4.0 industriari lotutako teknologietan zentratuko da, besteak beste: robotika, inteligentzia artifiziala eta Big Data.
Txosteneko kapitulu bat Euskadin zentratuko da; izan ere, NBErako intereseko estrategia bat duela uste du, eta eredugarri izan daitekeela beste herrialde batzuetan ezartzeko. Lankidetza publiko-pribatuak, BI 4.0ren zehaztapenaren oinarriak, interes berezia eragin du Nazio Batuen ikertzaileen artean.
2030 Agenda industria-eremuko GJH
Egunotan Iñigo Urkullu Lehendakariak New Yorken izan duen topaketarekin bat etorriz, Tapia sailburua industriari eta enpresa-nazioartekotzeari buruzko 2030 Agendako helburuetan zentratu da.
Tapia sailburuak eta Alex Arriola SPRI taldeko zuzendari nagusiak interesa erakutsi dute NBEk GJHen betearazpena bizkortu dezaketen enpresa-neurriak zabaltzeko gomendatutako mekanismo eta protokoloen gainean, bai eta helburu horietara lotutako adierazleak neurtzeko mekanismoaren gainean ere.
Teknologiarekin, azpiegiturekin, ekoizpenarekin eta industria-enpleguarekin toki- eta nazioarte-merkatuan lotura duten alderdien betearazpena eta neurketa.
2019ko martxoan, Mundu Itunak eta Eusko Jaurlaritzak, CEBEK, SEA eta ADEGI hiru euskal enpresa-elkarteekin batera, lankidetza-akordioa sinatu zuten, 2030 Agenda sustatzeko, industria-egitura enpresa-emaitzak lortzeko prestatzeko, jasangarritasunaren ikuspegitik.
Erakunde-agenda amaitzeko, bisita egin da Kapsch TrafficCom enpresara, Advantage Austria enpresa-sozietatearen eskutik.
Kapsch TrafficComek garraiobiderako sistema adimendunen merkaturako zerbitzuak eskaintzen ditu, eta Euskadin duen inbertsioa I+Gko zentro bat da, Bilboko Iberdrola dorrean. Advantage Austria sozietateak harreman sendoa du Spri taldearekin, eta bere enpresei zerbitzuak ematen dizkie, inportatzaileak, banatzaileak eta merkataritza-ordezkariak bilatzeko.
Lotutako albisteak
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.
Industria Digitaleko laguntzek zure negozioaren eraldaketa digitala lortzeko bidea irekiko dizute
Industria Digitala 2025 laguntza-programaren aurtengo edizioa martxoaren 18tik irekita, 7.5 milioi €-ko aurrekontuarekin. Euren negozioa digitalki eraldatu nahi duten enpresek urriaren 31era arte aurkez ditzakete euren eskaerak.