Webguneak editatzeko sistema berria
SPRI taldeak antolatutako jardunaldi batean, erakutsi dute zer aldaketa egin dituzten WordPressen, munduko webguneen % 30ek erabiltzen duen sisteman
Widdiapps enpresako Imanol Teránek nabarmendu du merkatu-aukera ona dela garatzaileentzat; “izan ere, Gutenbergen inguruan plugin-ekosistema berri bat sortu da”
Munduan dauden webguneen % 30ek WordPress erabiltzen du editatzeko. Hori dela eta, internauta askok egon behar dute sistema horren editorearen (Gutenberg izena du) aldaketei adi. Astearterako SPRI taldeak (Enpresa Garapenerako Euskal Agentzia) Arabako Parke Teknologikoan antolatutako jardunaldiak balio izan du aldaketa handi horien berri jasotzeko; eztabaida handia sortu dute sarean aldaketa horiek. Widdiapps enpresako Imanol Teránek azaldu du webguneen editore berriaren eragina. “Wordpressen historiako aldaketarik garrantzitsuenetako bat da, eta horregatik sortu du eztabaida”. Teránek adierazi duenez, “Gutenberg editore bat baino zerbait gehiago da. Edukiaren kudeaketaren zatia, funtzio nagusia, aldatu egin da. Zerbait konplexuagoa egin nahi denean, oraingo editorearekin html-ra joan behar da”.
Hizlariak esan du editore berri honen aldaketa nagusia blokeak direla. “Guztia batera joan beharrean (testua, argazkiak, eta abar), zati bakoitza bloke bat da”. Besteak beste, funtzio berriak dira testurako kolore-paleta erabiltzeko aukera edo zabalera osoko irudiak jartzeko aukera. Teránek nabarmendu du Gutenberg instalatu arren edozein unetan alda daitekeela editore klasikora. “Aukera hori zenbait urtez egongo da. Baina noizbait lehenespenezko editorea izango da, eta hura ezagutzea eta aldaketara egokitzea beste aukerarik ez dugu izango”.
Beste abantailetako bat da eduki guztia beste plataforma batera esporta daitekeela arazorik gabe; alde handia da hori beste editore batzuekin alderatuta. Hizlariak nabarmendu du merkatu-aukera ona dela garatzaileentzat; “izan ere, Gutenbergen inguruan plugin-ekosistema berri bat sortu da”. Gainera, orriak sortzeko sinpleagoa da, eta editore klasikoa baino azkarragoa eta irakurterrazagoa da.
Eragozpen gisa, Imanol Teránek aipatu du hainbeste bloke egotea “traba” dela idatzi besterik egin nahi ez duenarentzat, “baina editatzeko zenbait modu egotea aztertzen ari dira etorkizuneko bertsioetarako”. Alderdi bisualak garrantzi handiagoa du edukiak baino.
Nabarmendu duenez, editore berri honekin “aurreko editoreko eduki guztia bere horretan geratzen da, eta ez dugu arduratu behar gure webgunearen segurtasunarengatik. Gutenbergek ez du hondatuko gure webgunea”.
Lotutako albisteak
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.
Industria Digitaleko laguntzek zure negozioaren eraldaketa digitala lortzeko bidea irekiko dizute
Industria Digitala 2025 laguntza-programaren aurtengo edizioa martxoaren 18tik irekita, 7.5 milioi €-ko aurrekontuarekin. Euren negozioa digitalki eraldatu nahi duten enpresek urriaren 31era arte aurkez ditzakete euren eskaerak.