Wegetit, digitalizazio komertzialean adituak, merkaturako zuzeneko konexioarekin
Wegetit enpresen digitalizazio komertzializazioan espezializatuta dagoen, baina merkatuarekiko zuzeneko konexioa duen Donostiako ETE bat da. Horri guztiari esker, negozioaren hazkundea bultzatzen du. Enpresak bere bezeroen estrategia komertzialen ildoak definitzen laguntzen du.
Informazio hau “Zutaz mintzo gara” ekimenaren bidez sortu da. SPRI Taldeak Euskadiko enpresei haien proiektuak beren plataforma bidez ezagutarazteko aukera eskaintzen die.
Enpresa 2006an sortu zen enpresentzako web-proiektuak garatzeko. “Orain 10 urte inguru, digitalizazio komertzialaren arloan hasi ginen lanean eta, azken urte honetan, soluzioari estrategiaren zatia gehitu diogu”, azaldu dute Pablo Aguilarrek, Estrategia arloaz arduratzen den bazkideak eta Iñaki Mujikak, digitalizazioaz arduratzen den bazkideak.
Wegetit estrategia eta digitalizazio komertzialean aditua da. “Enpresa batek estrategia komertziala izan beharko luke; hau da, nora zuzendu nahi duen, zer balio-proposamen duen eta bideragarria den estrategia”. Askotan, enpresak beren balio-proposamenaren, merkatuaren edo lehiakideen gogoeta estrategikoa egin gabe sortzen dira. Edo, bestela, ez dute oso ondo antolatuta izaten”.
Donostiako enpresaren lana lehia mailako gaitasuna mantendu ahal izateko ildo estrategiko komertzialak definitzea da. “Enpresarekin batera egiten dugu lan. Sarbidea izan dezakeen merkatuak identifikatzen dituzu eta onak direla kontzientziatzen laguntzen diezu, askotan ez baitute jakiten. Merkatuaren dimentsioa antolatzen eta lehia mailako abantailarik ba ote duten edo ez duten zehazten laguntzen digu. Hau da, merkatuek behar adinako ibiltarterik baduten eta beste merkatu edo produktu batzuetara ireki behar duten erabakitzen”.
Wegetitek, gainera, barne mailako prozesu komertzialak lantzen ditu. “Lehiakide nagusien eta merkatuetara sarbidea izateko tresna espezifikoen azterketa, adibidez”.
Haien esperientziari esker, enpresek digitalizatzeko beharra dutela, “baina estrategia komertzialarekin lerrokatu gabe, softwarea erosita egiten” dutela egiaztatu dute. “Hain zuzen ere, gure elementu bereizgarria da digitalizazio arloan aitortza jaso dugula eta estrategia komertzialarekiko oso lerrotuta gaudela. Enpresek datuen euskarri den CRM (tresna horri esker, salmenten, marketinaren eta bezeroaren arretaren kudeaketa integratua egin daiteke) bat erosten dute, baina horrek ez du negozioarekin loturarik”.
Digitalizazioa lehia
Digitalizazioa lehia mailako abantaila dela diote, baina “estrategia komertzialarekin lerrokatuta dagoenean. Etorkizunera begira, digitalizazio komertzialik ezean, merkatutik kanpo geratuko zara”. Horrekin lotuta, kasu zehatzak aipatu dituzte eta horien artean hauek: enpresa batek, bere ERParen bidez (barne-prozesuak kontrolatzeko tresna) “eskarien % 30 zuen, eta gure esku-hartzeari esker, % 100era igaro zen”.
Azpimarratu dutenez, ERPak barnerantz oso orientatuta daude, eta ez merkaturantz. Datuak merkaturantz itzultzen espezialistak gara; merkatuak erosi nahi duena lotzen dugu, ERParen gainetik geruza bat jartzen dugu eta horrek barneko eta kanpoko merkatuarekin kontaktua errazten du.
Eskainitako produktuak era askotakoak dira: business web-a eta produktuaren konfigurazioak, edo eskaintzak eta bezeroen arloak edo B2Bak. Sektore askorentzat egiten dute lan: ekipo-ondasunen fabrikatzaileak, igogailuen enpresak, eskutokiak, bizikletak, kosmetika edo labeak fabrikatzen dituztenak, besteak beste. Bezeroen urteko zorro bizia 20 eta 30 artekoa da.
Gaur egungo langile kopurua 30ekoa da eta horren fakturazioa urtean 1,5 milioi euro ingurukoa da. I+G arloa bere negozioaren ia % 100ekoa da. “Gure helburua da bezeroarentzako soluzio digitalak bilatzea eta, horretarako, derrigorrezkoa da berrikuntza buruan izatea etengabe, merkatuan zer dagoen ikustea, soluzioak bilatzea eta, askotan, merkatuan ez dauden gauzak sortzea”.
Erronka nagusia prozesu komertzialen digitalizazioan erreferente bihurtzea da “gutxienez Euskadi mailan. Horixe bera da gure helburu nagusia. Ez dugu Euskadi eta Espainia mailan beste lehiakiderik ezagutzen”.
Lotutako albisteak
Diseinua, estrategia eta helburua: horrela egiten du lan Dot.-ek, erakundeei aldaketarantz laguntzen dien kooperatibak
Hainbat bulego ditu gaur egun, eta krisi testuinguru batean jaio zen, sortzaileak hainbat eszenatokitara egokitzera behartu dituena.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
MEPRO Medical Reproductive Solutions, gizarte-helburu teknologia: ugalkortasun maskulinoa berritzen
Gure helburua osasun-profesionalei eta bikoteei antzutasunaren erronkei aurre egiteko tresna berritzaile, seguru eta eraginkorrak eskaintzea da
Tecoplasek plastiko teknikoen eraldaketan erreferentzia gisa sendotzea du helburu
Bizkaiko enpresak industria-sektorerako eta uren tratamenduko sektorerako lantzen du material hori, eta akuikultura- edo elikagaigintza-sektoreetan duen posizioa handitzea esploratzen ari da.
Aloka, profesionalen artean ikus-entzunezko materiala alokatzeko plataforma
Gipuzkoako startup-ak hainbat ekipo eskaintzen ditu, hala nola kamerak, grabagailuak, mikrofonoak, droneak. Mobile World Congress-eko 4YFN biltzarrean parte hartu zuen, SPRI Taldeak kudeatutako stand batekin, webgunea inbertsore eta bezero potentzialei aurkezteko.
Haizelur, nazioartekotzearen aldeko apustua egiten duen doitasun-mekanizazioaren arloko Debako ETEa
Enpresaren esportazioek SPRI Taldearen zibersegurtasuneko programaren dirulaguntza jaso dute eta negozioaren % 35era iritsi dira dagoeneko
GAIAk IKT sektorearen prestakuntza-beharren diagnostikoa egin du eta merkatuaren eskaerei erantzuteko prestakuntza-ibilbideak garatu ditu
GAIAk azpimarratu duenez, sektoreko eta gobernuko erakundeen, sozietate publikoen eta hezkuntza-sistemaren parte-hartzea funtsezkoa izan da azterlanari balio erantsia emateko
Metagra, mende erdiko berrikuntza automobilgintzarako hotzeko estanpazioan
Bergarako enpresa pieza konplexuen fabrikazioan sendotu da, jasangarritasunaren eta berrikuntzaren alde eginez.
Senvia Systems-ek beste enpresa batzuk gidatzen ditu haien sustapenean eta eraldaketa digitalean
Iaz sortutako enpresa gipuzkoarrak sistemetan, komunikazioetan eta zibersegurtasunean oinarritutako IT zerbitzuak eta aholkularitza eskaintzen ditu.