Worköholics: “Agenatzia gisa bereizten gaituena esperientzia digitalak sortzea da”
Laura Carazok, Worköholics agentziako CEOak, beste bi kiderekin batera, aspalditik sortzen ari zen proiektu bati bizia ematea erabaki zuen. “Madrilen lan egitetik nentorren garai batean sortu zen. Esperientzia nuen, baina lanerako aukerak agentzia klasikoetara, publizitatera, mugatuta zeuden; ez zegoen hain ezarrita agentzia digitalaren kontzeptua”, azaldu du Carazok. Web munduarekiko, Internetekiko eta une hartan ematen zituen aukerekiko jakin-minak eta grinak bultzatuta, Bilboko erdiguneko bulego batean 15 urte daramatzan abenturari ekin zion.
Worköholics proiektu digitalen garapenean espezializatutako agentzia bat da. Markak pertsonekin konektatzeko gaitasuna duten esperientziak sortzen ditu. Gainera, diseinuak, komunikazioak eta teknologiak tresna eraldatzaile gisa duten boterean sinesten du, eta balio erreala ematen diete pertsonei, erakundeei eta gizarteari. “Esan liteke bereizten gaituena esperientzia digitalen sortzaileak garela”, azaldu du Laura Carazo enpresaren sortzaileak.
Agentzia gaur egun 30 pertsonako diziplina anitzeko taldea da, eta zeharkako zerbitzuak eskaintzen ditu brandingaren, komunikazioaren, negozio digitalaren garapenaren eta produktuen sorkuntzaren eta prozesuen digitalizazioaren arloetan. “Gure bezeroei eskaintzen dizkiegun irtenbide zehatzei erreparatzen badiegu, marka-identitateak sortzea, webgune korporatiboak diseinatu eta garatzea, komunikazio-kanpainak asmatzea eta aktibatzea, sare sozialetan estrategiak aktibatzea, aplikazioak eta webapps-ak garatzea bezalako zerbitzuez ari gara”, dio Carazok.
Halaber, batzuetan, proiektu jakin batzuei ekiterakoan, laguntzaile espezializatuen sare batean babesten da, proposamenak osatzeko. Enpresa horiekin, lan bakoitzari ikuspegi holistiko batekin heltzeko aukera ematen dioten proiektuak garatzen ditu, bezeroari balioa eta bereizketa emanez. “Lankidetza hasieratik izan da enpresaren parte”, adierazi du CEOak.
Worköholics-eko bezeroei dagokienez, batez ere enpresa ertainak, marka handiak eta egoitza Bizkaian eta Euskadin duten erakundeak dira, baina nazio mailako proiektuak ere garatu ditu. “Estatu mailako proiektu horiek askotan Euskadiko enpresekin lankidetzan ailegatu dira”, azaldu du Carazok. Izan ere, agentziak ibilbide luzea du telekomunikazio-konpainiekin lanean, eta horietako batzuentzat sortu zituen bere lehen aplikazioak. “Oso ikasketa gogorrak izan ziren enpresarentzat. Buru-belarri aritu ginen eta arrakasta izan zuten”, adierazi du sortzaileak.
Industriaren eta mugikortasunaren sektorean irtenbideak eskaintzen dizkie ULMA, Irizar, LASAI, JMA edo Deguisa enpresei; kontsumo handiaren sektorean Eroski, Café Fortaleza edo Bellota markekin egiten du lan, eta esperientzia handia du kulturaren, kirolaren eta gizarte-kanpainen esparruan. Horrela, LastTourrekin lan egin du webgune publikoa sortuz, Getxo Kulturarekin web garapenean, edo, modu berriagoan eta ikusgarriagoan, Athletic Cluben webgune berria eta bazkideentzako gunea, “Txoko” izenekoa. “Klubaren garapen taldearekin elkarlanean egindako lana izan zen, eta arrakastara bideratuta dago”, dio CEOak. Aipatzekoa da, halaber, Work In Progress proiektuaren sorrera, Vansekin lankidetzan, sortzaile gazteentzat. Proiektu horretan Bilboko Arte Ederren Museoak ere parte hartzen du.
Etorkizunari begira, erreferentziazko agentzia digitala izan nahi du, lan egiten duen erakundeen arrakasta sustatuko duten irtenbide estrategikoak eta teknologikoak sortzeko. Agentziaren etorkizuneko helburua talentu gaztea erakartzea eta atxikitzea da. “Erreferente izan nahi dugu, eta Euskadin dagoen talentu gaztea bultzatu. Belaunaldi bat oso prestatuta dator, eta espazio eta lan-aukera erakargarriak eman behar zaizkie. Oraina eta etorkizuna izan nahi dugu beraientzat”, amaitu du Carazok.
SPRI Taldearen helburuetako bat euskal enpresen eraldaketa digitala da. Besteak beste, Smart Industry, BDIH Konexio, Zibersegurtasun Industriala, Enpresa Digitala edo Inplantalariak laguntza-programen bidez bultzatzen du.
Lotutako albisteak
Biotz: “Roca Salvatellarekin egindako akordioak berrikuntza teknologikoaren balio-kate osoa batzen du”
Gipuzkoako enpresak Kataluniakoarekin aliantza bat itxi du bere talentu digitala indartzeko eta nazioarteko merkatu berrietan bere presentzia zabaltzeko.
Elena Urbizu: “Gure helburua Luzaroko funts propioak sendotzea da, Euskadiko enpresen garapena finantzatzen jarraitzeko”
Euskadin jarduten duen kredituko finantza-erakundeak akordio berri bat sinatu du Europako Banku Zentralarekin, eta Eusko Jaurlaritzarekin eta finantza-erakundeekin duen aliantza berritu du.
GuLink: Kulturak konektatzen eta negozioak sustatzen aro globalean
GuLinken modu estrategiko eta jasangarrian globalki hedatzea bilatzen duten enpresekin lan egiten dute.
Kimaiwi: “Gure proposamen teknologikoa balioztatzean eta nazioarteko turismo-industriaren aurrean proiektatzean zentratu gara”
Startup arabarrak online irtenbideak garatzen ditu turismo-sektorearentzat, eta hazkunde eta babes handia izan du bere bederatzi hilabeteko bizitzan.
Eduardo Lasa: “Mugikortasunaren eta logistikaren sektorea Euskadin sendo dago eta erronka berrietarako prest”
Euskadiko Mugikortasun eta Logistika Klusterrak pertsonen mugikortasunaren, merkantzia-logistikaren eta garraio adimenduneko teknologiekin (ITS) lotutako industrien sektoreko 122 enpresa eta eragile biltzen ditu, eta urtean 12.500 milioi euro fakturatzen ditu.
NAW: “Gure abantaila lehiakorra 10 urte bitarteko kirol-oinetako minimalista eskaintzea da”
Silvia Echeverríak, NAWren sortzaileak, oinetako minimalistak postura-osasunean eta garapen biomekanikoan haurtzarotik helduarora arte nola eragin dezakeen azaltzen du.
Asier San Millán (Siderex): “Deskarbonizazioa eta emisioen murrizketa ezinbesteko helburuak dira lehiakorrak izaten jarraitzeko”
Euskadiko Siderurgiaren Kluster Elkarteak siderurgiaren balio-kate osoko enpresak biltzen ditu, eta funtsezko arlo batzuetan egiten du lan, hala nola nazioartekotzean, garapen jasangarrian, berrikuntza teknologikoan eta talentuaren prestakuntzan.
Ezarri Mosaicos: “Enpresa baten egunerokoa lehiatzea, ikertzea eta bezeroei erantzunak ematea da”
Gipuzkoako enpresaren beirazko diseinuak 100 herrialdetan baino gehiagotan daude, eta nazioarteko transakzioak haren negozio-zifraren % 70 dira
Aratubo: “IA funtsezko zeregina betetzen ari da gure eraginkortasuna eta berritzeko gaitasuna hobetzeko”
Enpresaren historia hazkunde azkar eta iraunkor batek markatu du. BAICeko bazkide da 2022tik, eta SPRI Taldeak sustatutako hainbat programatan parte hartzen du. Aitor López de Letona gerentearen arabera, "smart factory kontzeptua epe ertainerako lehentasunetako bat da".
Fagor Automationek emakumezkoen enpleguaren ia % 40 lortu du
Konpainia SPRI Taldeak garatzen duen genero-berdintasuneko jardunbide egokien identifikaziorako proiektu bateko parte-hartzaileetako bat da