Xabet: “Konpainiek eskatzen digute industrializatu ditzagula benetako arazoak konponduko dituzten soluzioak”
Euskal konpainiak enpresei laguntzen die beren eraldaketa digitaleko prozesuetan, xedetzat hartuz lor ditzatela beren negozio-helburuak eta koherenteki erabil dezatela errentagarritasunera bideratutako teknologia
Alberto Conde Xabet-en bazkide fundatzaileetako bat da. 2017an sortutako ETE donostiar horren helburua da teknologia berriak eta datuen analisiak baliatzea osasun arloan, “pertsonak hobeto bizi daitezen”, dio enpresako zuzendari nagusiak. Horixe zen hasierako asmoa, oraindik ere konpainiaren jarduna gidatzen duena, baina merkatuak -eta batik bat enpresek- bultzatuta, jarduera-sorta zabaldu behar izan dute, aurrera eginez ingurune industrialago baterantz eta, batez ere, 4.0 teknologietarantz. Emaitza ezin hobea izan da, zeren nahiz eta pare bat urteko ibilbidea baino ez duen, Xabet-ek dagoeneko milioi bat eurotik gora fakturatzen du, eta hamaika lagun enplegatzen ditu Zuatsuko (Donostia) bere kuartel nagusian.
Zuen asmoa da pertsonen bizimodua hobetzea, baina gero eta ingurune industrialagoetara bideratu duzue zuen jarduera… Hori al da Xabet-ek egin duen bidea?
Bai, esan genezake hasieran osasunaren munduan zentratu ginela, arrazoi pertsonalak tarteko. Datuen eta teknologiaren erabilera zen gure ardatza, eta medikuntza pertsonalizatuagoa lortzeko baliatu nahi genituen, batez ere gaixotasun kronikoak dituzten pazienteentzat. Eta horrela hasi ginen bidea egiten, ausardiaz, esperientzia propioan oinarrituz eta baita ere ezjakintasunez, osasun pertsonalizatuaren gaia oso konplexua baita.
Beraz, ikasi egin behar izan zenuten laguntzen hasi baino lehen…
Egin nahi genuena zorrotzago kontrastatzen hasi ginenean gure inguru hurbilarekin, lankidetzarako proposamenak hasi zitzaizkigun iristen, baina ingurune industrialago batetik, hau da, gure ingurune tradizionalenetik, eremu horretan egin dugulako gure ibilbide profesionala. Hala, erabaki genuen ildo industrialago horretarantz jauzi egitea, batik bat 4.0 prozesuetarantz, eta osasun arloko ildoa ere mantendu genuen, hori baita gure alderdi erromantikoena eta gure sustraiei eusten laguntzen diguna.
Badirudi obsesionatuta zaudetela egoerak eskatzen duen mailan egotearekin. Zergatik aurre egin nahi diezue ezinbestean iritsiko diren arazoei?
Osasun sektoreak eboluzionatu egin behar duelako, eta negozio-eredu berritzaileak sortu beharko direlako, zeintzuetan teknologia berriek paper garrantzitsua izango baitute.
Enpresa bat lehen aldiz zuekin harremanetan jartzen denean eraldaketa digitaleko prozesu bat hasteko –eta prozesu horri buruzko xehetasun askorik izan gabe-, zein izaten da abiapuntua?
Ez da erraza, enpresa bakoitza mundu bat delako, baina gure ustez ongi eta asko entzutea da lehen urratsa. Errazena da bezeroari eskatzen duena ematea edo modan dagoen tresna teknologiko bat eskaintzea, batez ere 4.0 Industriaren arloan. Baina gu saiatzen gara benetan behar duen hori ematen, nahiz eta batzuetan ez izan berak eskatzen duena, eta halakoetan, ez da erraza bezeroa konbentzitzea.
Nola egiten diezue aurre horrelako egoerei?
Hasteko, gure bezeroen negozioak ezagutu eta ulertu behar ditugu: beren erronkak, helburuak, eta emaitzen kontuan eragina duten alderdi guztiak. Hortik abiatuta, aztertzen dugu negozioaren zein puntutan sor ditzakegun itzulerak eta nola bihurtu ditzakegun enpresak lehiakorrago. Ez dago errezeta magiko bat enpresa guztientzat, ezta gutxiagorik ere. Konpainia bakoitzak bere denborak eta giltzarriak dauzka. Kartara eginiko medikamentu bat eskaintzea bezalakoa da.
Eraldaketa digitaleko prozesuei dagokienez, Xabet-en esan ohi duzue jende askok ezagutzen dituela tresna teknologikoak, baina beste kontu bat dela tresna horiek negozioan aplikatzea…
Hala da, bai. Plan estrategiko on bat sekulako arrakasta izan daiteke ongi exekutatzen bada, baina baita ere sekulako porrota, gaizki egiten bada. Zentzu horretan, guk ondo ezagutzen dugu mundu hori, eta hobeto enpatizatzen dugu horrelako alderdietan.
Zein da enpresetan aurkitzen duzuen eszenatoki ohikoena?
Askotan aurkitzen ditugu lehen urratsak emanda dauzkaten konpainiak edo barruko berrikuntza- eta garapen-proiektuak lantzen ari diren teknologi zentroak. Baita ere prototipoak egiteko prozesuetan murgilduta dauden startup-ak, eta oraindik bideragarritasuna definitu gabe daukatenak… Hortxe datza gure balioa, zeren ez batzuek ez besteek ezin dituzte eraman euren negozioetara errentagarritasuna sortzen duten 4.0 ekimenak. Gure indargune handiena da mekanismoak ematen ditugula benetako prozesua hasi aurreko prozedura horiek egiten hasteko, eta lortzen dugula laborategietan edo enpresetan probatutako tresnek benetako eragina izatea negozioan. Enpresek eskatzen digute industrializatu ditzagula benetako arazoak konponduko dituzten soluzioak.
Kontuan izanik zenbat teknologia erabiltzen dituen enpresa batek eta zenbat sektore desberdin dauden, nola erantzun diezaiekezue konpainia bakar batek izan ditzakeen premia guztiei?
Guk ezin ditugu konpondu enpresa batek dauzkan arazo guztiak. Gauza batzuk oso ongi egiten ditugu, adibidez, badakigu biki digitalen estiloko geruza bat sortzen, zeinetara biltzen ditugun enpresa batek izan ditzakeen datu guztiak (arlo komertzialekoak, finantzei buruzkoak, makinak, sentsorika…); datu horietan oinarritzen gara etorkizuneko balizko eszenatokiak sortzeko eta, horien bidez, erabakiak hartzean sor litekeen ziurgabetasuna gutxitzeko. Enpresek premia bat edo larrialdi bat dutenean, behar dutena da konfiantza, segurtasuna eta eremu zehatz bati buruzko ezaguerak emango dizkion norbaiten ikuspegia. Halakorik eman ezin diegunean, laguntza eskatzen diogu urte askotako lanarekin sortu duzuen eta guri ere eremu honetako erreferente izaten laguntzen digun hornitzaileen sareari.
Lotutako albisteak
Rebel Tickets, sarreren birsalmentan iruzurrari eta gehiegizko prezioei aurre egiteko sortutako enpresa bizkaitarra
Gaur egun, beren publikoari baimendutako birsalmenta eskaini nahi dioten jaialdi, kontzertu eta bestelako ekitaldien sustatzaileekin lan egiten du.
Mercanza: “Bezeroa bere datuen ustiapenean espezializatua bihurtzen dugu”
Enpresak eraldaketa digital tradizionala gaindituz soluzioak eta zerbitzuak eskaintzen ditu, enpresen eraginkortasuna eta produktibitatea bultzatzeko.
EatAmigo, ostalaritzako eskaerak automatizatzeko AA erabiltzen duen tresna
Gipuzkoako enpresak jatetxeekin, ostalaritza kateekin eta elikagai banaketa enpresekin egiten du lan estatu mailan, eta duela gutxi Mexikon lortu du lehen bezeroa.
Zabalgarbik denbora errealeko analisi-tresnekin modernizatu du bere azpiegitura
Besteak beste, biki digitala eta adimen artifizialean oinarritutako teknologiak ezartzeaz gain, lurrun-gainberogailu bat instalatzea du helburu enpresak, energia-eraginkortasuna eta jasangarritasun operatiboa hobetzeko ekimen estrategiko bat.
GAIAk IKT sektorearen prestakuntza-beharren diagnostikoa egin du eta merkatuaren eskaerei erantzuteko prestakuntza-ibilbideak garatu ditu
GAIAk azpimarratu duenez, sektoreko eta gobernuko erakundeen, sozietate publikoen eta hezkuntza-sistemaren parte-hartzea funtsezkoa izan da azterlanari balio erantsia emateko
Senvia Systems-ek beste enpresa batzuk gidatzen ditu haien sustapenean eta eraldaketa digitalean
Iaz sortutako enpresa gipuzkoarrak sistemetan, komunikazioetan eta zibersegurtasunean oinarritutako IT zerbitzuak eta aholkularitza eskaintzen ditu.
Akting, gizarteari balioa emateko teknologia
Gipuzkoako enpresak euskarri desberdinetarako aplikazioak garatzen ditu eta digitalizazioaren, datuen analisiaren eta prozesuen optimizazioaren aldeko apustua egiten du.
Biotz: “Roca Salvatellarekin egindako akordioak berrikuntza teknologikoaren balio-kate osoa batzen du”
Gipuzkoako enpresak Kataluniakoarekin aliantza bat itxi du bere talentu digitala indartzeko eta nazioarteko merkatu berrietan bere presentzia zabaltzeko.
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.
Lorra, lau hamarkada inguru Bizkaiko nekazaritzako elikagaien kooperatibismoaren funtsezko zutabe gisa
Gaur egun, erakundearen lehentasuna zahartutako sektore honetako erretiroak ordezkatzea da, belaunaldi-erreleboaren bidez.