Xabetek sektore eolikoari haize-sorgailuetatik jasotako datuetarako sarbide garden bat errazteko tresna berria sortu du
Xabet enpresa eolikoen lana errazteko helburu duen lantalde baten buru da. Lantalde horretan sektoreko hornidura-katearen lehiakortasuna hobetzeko, haize-sorgailuetatik jasotako datuetarako sarbidea erraztea bilatzen da. “Haize-sorgailuen datuak partekatzea” izeneko taldea irailaren 25ean hasi zen lanean, Euskadiko Energia Klusterraren bultzadarekin.
Donostiako konpainia 2018. urtearen hasieran sortu zen, eta industriaren, energiaren eta, duela gutxi, osasunaren arloko tresna digitaletan aditua da. “Sektore eolikoko hainbat eragileren arteko lankidetza-ingurune bat sustatu nahi dugu, aktibo eolikoen datuak eta lotutako hornidura-kate osoa modu eskuragarriago eta gardenagoan erabili ahal izateko”, azaldu du Alberto Conde Mellado, euskal enpresaren buruak.
Bildutako datuen trazabilitatea eta konfidentzialtasuna bermatzeko, lantaldeak teknologiak aztertzen ditu, International Data Spaces Association (IDSA) delakoaren estandarretan oinarrituta, informazioaren jabeak datuei emango zaien erabileraren gaineko segurtasuna izan dezan. “Jabeak zehatz-mehatz jakin ahal izango du zer gertatzen den ekipoetan; noiz, nork eta nola eskuratzen diren datuak, eta, adibidez, negozio ereduak ere planteatzen ari dira partekatzea sustatzeko”, gaineratu du Melladok.
Xabetetik azpimarratu dutenez, “IDSA estandarra erabakigarria da proiektu honetarako”, datuaren segurtasuna eta trazabilitatea bermatzen baititu. Tecnaliak sortutako teknologia hori, Xabeten plataforma digitalean txertatuko da, eta horrek “lankidetza-lanerako espazio bat ahalbidetuko du”. Horrela, sektoreko informazioa aztertzeko tresna “berri eta espezifiko bat” sortuko da, izan ere, gaur egun, “osagaien fabrikatzaileek ez dute plataforma edo teknologia espezifikorik, eta ez dute datuen analitikaren arloan aditua den talderik, ez baitira beren ekoizpenaren eta egungo negozioaren elementu zentralak”.
Xabetek, lantalde horretan ez ezik, Energia Klusterrak gidatutako DOC-OFF proiektuan ere parte hartzen du, itsas aerosorgailuen datuak biltegiratzean eta aztertzean oinarrituta dagoena. Konpainia digitalak plataforma batekin lan egiten du proiektu honetan, adimen artifiziala eta datuen analitika erabiliz, azpisistemetatik iristen diren datuak islatzen dituena, adierazle kritikoenak hobetu ditzaketen ekintza egokiak aurreikusteko.
SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Hori dena Elkartek, Emaitek edo Hazitek bezalako programen bidez lortzen da, eta horien informazioa hemen dago eskuragarri.
Lotutako albisteak
Zinemaldia Startup Challenge 2025
Izen-ematea: apirilaren 15etik ekainaren 2ra arte
Ceit zentro teknologikoak 300 enplegu baino gehiago sortzen dituzten 20 spin-off sustatu ditu eta 30 M € inguruko inbertsioa ekarri dute
Mikel Jauregi sailburuak Ceit bisitatu du, ikerketa aplikatuko eta teknologia enpresara transferitzeko erreferentziazko zentro teknologikoa
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
GAIAk IKT sektorearen prestakuntza-beharren diagnostikoa egin du eta merkatuaren eskaerei erantzuteko prestakuntza-ibilbideak garatu ditu
GAIAk azpimarratu duenez, sektoreko eta gobernuko erakundeen, sozietate publikoen eta hezkuntza-sistemaren parte-hartzea funtsezkoa izan da azterlanari balio erantsia emateko
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Industriarako soluzio teknologiko aurreratuen garapenean erreferentea den ULMA kooperatiba taldea bisitatu du Mikel Jauregi sailburuak
Oil&Gaseko negoziorako brida homologatuen fabrikazioan munduko liderra den ULMA Forged Solutionsen lantegi nagusian ibili da eta "ziurgabetasuna nagusi den une honetan, ULMA kooperatiba-taldea industriaren, inbertsioaren, berrikuntzaren eta kalitatezko enpleguaren aldeko apustua nabarmena egiten ari da" nabarmendu du
Senvia Systems-ek beste enpresa batzuk gidatzen ditu haien sustapenean eta eraldaketa digitalean
Iaz sortutako enpresa gipuzkoarrak sistemetan, komunikazioetan eta zibersegurtasunean oinarritutako IT zerbitzuak eta aholkularitza eskaintzen ditu.
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Akting, gizarteari balioa emateko teknologia
Gipuzkoako enpresak euskarri desberdinetarako aplikazioak garatzen ditu eta digitalizazioaren, datuen analisiaren eta prozesuen optimizazioaren aldeko apustua egiten du.
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.