Agua Embrujadak infusioen sektorea gama handiko alternatiba jasangarriekin irauli du
Egoitza Agurainen duen Agua Embrujada artisau-teak eta -infusioak egiten dituen enpresa da. 2023an sortu zenetik, sektoreko erreferente bihurtu da nazio mailan. Haren hazkundea berrikuntzaren eta iraunkortasunaren arteko konbinazioak markatu du, funtsezko elementuak baitira enpresaren filosofian. “Gure teak eta infusioak ez dira zaporeagatik bakarrik nabarmentzen, baita haien elaborazioa zaintzeagatik eta osagai naturalak aukeratzeagatik ere”, nabarmendu du Juanjo Barquilla konpainiako administratzaileak.
Kualifikazio handiko profesionalen talde batekin, Agua Embrujada tokiko merkaturako infusio naturalen ekoizpenean espezializatzen hasi zen. Hala ere, hobetzeko eta ikertzeko etengabeko apustuari esker, bezeroak gero eta gehiago izan dira. Gauzak horrela, gaur egun enpresak nazioko eta nazioarteko merkatuekin lan egiten du, produktu bereiziak eta kalitate handikoak eskainiz. Barquillak aitortu duenez, “gure bezeroen %95, gutxi gorabehera, gure infusioen kalitatea eta izaera bakarra baloratzen duten espezialitateko kafetegiek, luxuzko hotelek eta denda espezializatuek osatzen dute”.
Horrela, bezeroek iraunkortasunarekin duten konpromisoagatik eta ekoizpen-prozesu berritzaileagatik jotzen dute Agua Embrujada empresarengana. Hala, administratzaileak adierazi du konpainiaren misioa ez dela infusioak saltzea soilik, “baizik eta produktu ekologikoekin eta ‘Rainforest Alliance’ bezalako ziurtagiri-zigiluekin %100 naturalak diren esperientzia gastronomikoak eskaintzea”. Horregatik, enpresa etapa bakoitzean ingurumen-inpaktua txikitzen ahalegintzen da, osagaiak hautatzen direnetik produktuak merkaturatzen diren arte. “Ematen dugun urrats bakoitza jasangarritasunean eta ingurumena eta gure bezeroen osasuna errespetatuko dituen produktuak eskaintzean oinarritzen da”, azaldu du Barquillak.
Hedapenarekin jarraitzeko eta lehiakortasuna hobetzeko, Agua Embrujadaren helburua Katalunia, Gipuzkoa eta Bizkaiko eremuetan banatzaileak bilatzea da. Era berean, konpainiak kontsumitzaile modernoaren joerei erantzungo dieten infusio funtzionalen barietate berriak garatzen jarraitzen du, jasangarritasunarekiko eta bezeroen ongizatearekiko konpromisoari eutsiz. “Gama altuko alternatibak eskaini nahi ditugu, ingurunearekiko errespetuari uko egin gabe”, dio Barquillak.
SPRI Taldea RIS 3 Euskadi estrategia abian jartzen duen eragileetako bat da, energiaren, fabrikazio aurreratuaren, bio-osasunaren eta nanozientziaren arloetan espezializazio adimenduna bultzatzeko.
Gainera, SPRI Taldeak aukera ematen die euskal enpresei haien jardueraren berri emateko bere informazio-kanaletan. Zure proiektua gure gaiekin lotuta badago (I+G+b, digitalizazioa, internazionalizazioa, ekintzailetza, berrikuntza…), Zutaz mintzo gara ekimenean parte har dezakezu.
Lotutako albisteak
Euskadik bere automobilgintza sektoreko industria indartuko du errepideko garraioaren deskarbonizazio adimendunerako laguntza-programa berri batekin
Eusko Jaurlaritzak "Emisio Txikiagoko Ibilgailuak" laguntza-programa aurkeztu du Industriaren Defentsarako Taldearen baitan, euskal automobilgintzaren sektoreak egungo muga-zergen gerraren testuinguru globalean dituen erronkei erantzuteko
Pozikek osasun mentaleko estrategietan inbertitzeko itzulkina maximizatzen laguntzen die enpresei
Bere plataformak aukera ematen du langileei buruzko informazioa biltzeko eta enpresen zuzendaritzari produktibitatea hobetzeko tresnak emateko, langileen ongizatearen bitartez.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Iametzak euskarazko komunikazioaren eta digitalizazioaren aldeko apustua lantzen du
Gipuzkoako enpresak NextCloud plataforma txertatu du azken urteetan bere eskaintzan, eta horrekin enpresa industrialetara iristea du helburu.
Riza Taldeak bere presentzia handitu du Alemanian, produkzio-kostuak ia % 40 murrizten dituen lanarekin
KTR Systems GmbH multinazional alemaniarraren filial baterako baliabideak optimizatu ditu enpresa gipuzkoarrak. Orain arte, Europako eta Ipar Amerikako zortzi herrialdetan aritu da, eta urtero 60 milioi euroko fakturazioa du.