Ana Villate (Hegan): “Tripulaziorik gabeko aireontzien garapena aukera bat da aeronautikaren sektorearentzat”
Azken bi urteotan, pandemiak eragindako krisiak gogor jo du sektore aeronautikoa. “Aireko trafikoa COVID aurreko egoerarekin konparatuta, % 68ra baino ez dago”, ohartarazi du Ana Villate Hegan euskal aeronautika klusterreko zuzendariak. Egoera horrek zuzenean eragiten die sektoreko euskal enpresei, airelineek eskaerak atzeratzen jarraitzen baitute.
Hala ere, susperraldi ekonomikoa geroz eta hurbilago dago, eta Villatek aitortu duenez, adituek aurreikusi dute 2024rako pandemia aurreko ekoizpen-kopuruak lortuko direla irismen ertaineko hegazkinetan; irismen luzeko programa aeronautiko zibilen susperraldia, berriz, 2026an emango da.
Ildo horretan, Villatek “Europako funtsak lehenbailehen kudeatzeko” eskatu die administrazio publikoei, enpresei krisiari zuzenean aurre egiten laguntzeko.
Alor positiboan, Ana Villatek hiri-aireko mugikortasun berria aipatzen du, klusterrak 2021-24 aldirako onartutako I+G+b Planak jasotzen duena. Heganeko zuzendariak azaldu duenez, “tripulaziorik gabeko aireontzien garapena aukera argia da; izan ere, gizarteak hainbat aplikazio eskatzen ditu, hala nola aerotaxiak, paketeria, zaintza, mantentzea, segurtasuna edo banakako garraiobideak”.
Bestalde, deskarbonizazioa erronka eta “enpresa-lehentasun garrantzitsua da”, industria aeroespazialak aurre egin beharrekoa, 2050erako zero isurien helburua lortu behar baitu. “Badago emisioen murrizketa esanguratsuak bultzatzeko potentzial argia duten soluzio-sorta bat. Horien artean hegazkingintzako erregai iraunkorrak (SAF) eta propultsio elektrikoa edo hidrogeno berdea. Horiek soluzioaren parte izan daitezke hegazkin elektriko eta hibridoekin batera”, Villatek adierazi duenez.
Lotutako albisteak
Lufe: “Bezeroaren esperientzia modu aktiboan entzutea da hobetzen laguntzen dizuna”
Enrique Arrillagak duela hamar urte sortu zuen % 100 Euskadiko lehengaiez diseinatu eta fabrikatutako altzarien enpresa, eta dagoeneko hainbat herrialdetara saltzen du, hala nola Frantzia, Italia eta Portugalera.
Saitec: “’Offshore’ energia eolikoa independentzia ekonomikorako aukera da Europarentzat”
Javier Urgoiti Bizkaiko ingeniaritza-enpresaren bazkide sortzaileak nabarmendu du Euskadiko industriak potentziala duela sektore estrategiko hori erakartzeko
ScrapAd: “Sektorea digitalizatu nahi dugu ekonomia zirkularra bizkortzeko eta metal birziklagarriak baztertzea saihesteko”
Enpresa gipuzkoarrak, Sara Montesek eta Samuel Ruiz de Lorenzok sortuak, end to end formula eskaintzen du 125 herrialde baino gehiagotan hondakin metalikoen salerosketarako: kontratuak, dokumentazioa eta logistika kudeatzeaz arduratzen da, saltzailearen instalazioetan materiala biltzea eta erosleari entregatzea ziurtatuz.
Fivemasa: “Isurien kontrola ingurumenerako onuragarria izateaz gain, lehiarako abantailak ere eskaintzen ditu”
Mende erdi baino gehiagoko historiarekin, enpresa bizkaitarra airearen kutsadura kontrolatzeko makinen diseinuan, ingeniaritzan, fabrikazioan eta muntaketan espezializatu da, eta hainbat kontinentetara iristen da, Europan gero eta garatuagoa den araudia ahaztu gabe.
CTA hidrogeno bidezko hegazkinaren fuselajearekin ari da lanean
Miñaoko Teknologia Aeronautikoen Zentroak Europako Faster H2 proiektuan hartzen du parte, 150 eta 250 bidaiari artean hartuko dituen egitura ultraefizientea diseinatzeko.