Arrizabalek ibilgailu elektrikoaren aldeko apustua egin du garbiketa sektorean
Arrizabal Elkartea 1983an sortu zen Elgoibarren. Gaur egun 10 profesional ditu plantillan enpresak, eta hainbat sektoretarako makineriaren salmenta eta mantentze-lanen zerbitzua eskaintzen du, adibidez: eraikuntza sektorerako, lorezaintza, bide-garbiketarako, hondakinen tratamendurako, konpostajerako, errepideen mantentze-lanetarako, eta hondartzak eta udal-ekipamenduak mantentzeko. Arrizabalen bazkide fundatzaileak, Javier Arrizabalaga Ansolak, nabarmendu duenez, “gure bezeroei aholkularitza guztiz pertsonalizatua ematen diegu, proiektu bakoitzerako makineria egokia eskainiz”.
Bere jarduera-eremua Euskadin, Nafarroan, Kantabrian eta Errioxan oinarritzen da, eta bere bezeroen artean erakunde publikoak ditu, hala nola udalak, aldundiak, eskualdeko gobernuak, enpresa pribatuez gain. Gainera, bere partner eta hornitzaileen artean Hako, Goupil, CMAR edo DFSK bezalako lehen mailako enpresak daude.
Duela “20 urte baino gehiago” ibilgailu elektrikoaren (kamionetak, ekortzeko makinak, xurgagailuak…) aldeko apustua egin zuen Gipuzkoako enpresak. Izan ere, “aitzindariak izan gara arlo horretan Euskadin”, Javier Arrizabalagak nabarmendu duenez. Aukera horrekin, bere bezeroek % 40 inguru aurreztu dezakete gastu operatiboetan, zero emisio lortzeaz eta soinu-inpaktua erabat murrizteaz gain.
Ibilgailu elektrikoen eskaintzari dagokionez, nabarmentzekoak dira lorezaintzarako, bide-garbiketarako eta hiri-hondakinak biltzeko Goupil gama, hainbat edukierako litio edo berunezko bateriak dituena. Arrizabalen eskaintzaren beste adibide nabarmen bat Urbaclic edukiontzi mugikorrak dira, garbigune mugikor gisa erabil daitezkeenak eta erdi-atoien traktore elektriko baten bidez garraiatzen direnak. Etorkizunari begira, enpresaren helburua oso argia da: “Teknologia berrienak dituzten konponbideen ekoizle izaten jarraitu nahi dugu, berrikuntza eta kalitatea oinarri bezala hartuta”, adierazi du enpresaren bazkide sortzaileak.
SPRI Taldea RIS 3 Euskadi estrategia abian jartzen duen eragileetako bat da, energiaren, fabrikazio aurreratuaren, bio-osasunaren eta nanozientziaren arloetan espezializazio adimenduna bultzatzeko.
Lotutako albisteak
Pradales Lehendakaria: “Gure Plan Industriala europar jarraibideekin lerrokatzen ari gara”
"Euskadi eragile garrantzitsua izan daitekeelako eta izan behar duelako prozesu horretan”
Euskadik bere automobilgintza sektoreko industria indartuko du errepideko garraioaren deskarbonizazio adimendunerako laguntza-programa berri batekin
Eusko Jaurlaritzak "Emisio Txikiagoko Ibilgailuak" laguntza-programa aurkeztu du Industriaren Defentsarako Taldearen baitan, euskal automobilgintzaren sektoreak egungo muga-zergen gerraren testuinguru globalean dituen erronkei erantzuteko
Euskadik bere aurrerapena sendotu du ingurumenaren babesean, airearen kalitatean eta isurketen murrizketan hobekuntza nabarmenak eginez, Ingurumen-koiunturari buruzko 2024ko txostenaren arabera
Euskadiko airearen kalitatea nabarmen hobetu da, zeren 2023ko egunen ia % 91k kalitate "ona" edo "oso ona" izan baitute
TECH friendly-k plangintza estrategikoa eta hiri-inguruneen eraldaketa digitala eta fisikoa uztartzen ditu
Bizkaiko enpresa hiriaren garapenean eta tokiko administrazio publikorako aholkularitza teknologikoan aritzen da.
Lansolar Ingenieros, bi hamarkada inguru abangoardiako irtenbideak eskaintzen trantsizio jasangarriagoa bultzatzeko
Bizkaiko enpresak hidrogenoarekin lan egiten hastea du helburu datozen hilabeteetan, energia fotovoltaikoa biltegiratzeko sistema gisa.