BECeko planta fotovoltaikoak bat egin du Euskadiko instalazio berriztagarri handiekin
- Proiektua erakundeak Euskadiri zero kilometroko energia garbiak emateko egiten ari diren ahaleginaren barruan kokatzen da
Arantxa Tapia Ekonomiaren Garapen, Jasangarritasun eta Ingurumeneko sailburuak, Xabier Basañez BECeko zuzendari nagusiak eta Iñigo Ansola EEEko zuzendari nagusiak gaur aurkeztu dute erakustoki-zentroaren estalkian dagoen planta fotovoltaikoa handitzeko proiektua.
BEC Solar proiektua duela 22 urte jarri zen martxan, eta gaur egun 88.5 kWh. ekoizten ditu. Handitzearekin batera, azken belaunaldiko panelak erabiliko dira, eta sortutako energia-kopurua MWh (1.025 kWh) baino gehiagokoa izango da, hau da, 345 etxetako kontsumoaren baliokidea. Sortutako energia guztia BECen bertan kontsumituko da, eta zentroko guztizko kontsumoaren % 10 baino pixka bat gehiago izango da.
Trantsizio energetiko-klimatikoaren erronkaren aurrean, eta larrialdi energetikoko egoeran, Eusko Jaurlaritzak Trantsizio Energetikorako eta Klima Aldaketarako 2021-2024 Plana onartu zuen, emisioak murrizteko eta energia berriztagarriak indartzeko helburuak lortzeko eta lurraldea klima-aldaketaren inpaktuetara egokitzeko. Zehazki, Planaren helburua da berotegi-efektuko gasen emisioa % 30 murriztea eta energia berriztagarrien kuota 2024rako energiaren azken kontsumoaren % 20 izatea. Proiektu hori, beraz, erakundeak Euskadiri zero kilometroko energia garbiak emateko egiten ari diren ahaleginaren barruan kokatzen da.
BEC Solar, gainera, elektrizitate berriztagarria sortzeko proiektu nagusietako bat da, Eusko Jaurlaritzak egindako Kontingentzia Energetikoaren Planean jasotakoa. Plan hori epe laburrean abiaraztea espero da, eta sustatzaileen artean Energiaren Euskal Erakundea dago.
Lotutako albisteak
Pradales Lehendakaria: “Gure Plan Industriala europar jarraibideekin lerrokatzen ari gara”
"Euskadi eragile garrantzitsua izan daitekeelako eta izan behar duelako prozesu horretan”
Euskadik bere automobilgintza sektoreko industria indartuko du errepideko garraioaren deskarbonizazio adimendunerako laguntza-programa berri batekin
Eusko Jaurlaritzak "Emisio Txikiagoko Ibilgailuak" laguntza-programa aurkeztu du Industriaren Defentsarako Taldearen baitan, euskal automobilgintzaren sektoreak egungo muga-zergen gerraren testuinguru globalean dituen erronkei erantzuteko
Euskadik bere aurrerapena sendotu du ingurumenaren babesean, airearen kalitatean eta isurketen murrizketan hobekuntza nabarmenak eginez, Ingurumen-koiunturari buruzko 2024ko txostenaren arabera
Euskadiko airearen kalitatea nabarmen hobetu da, zeren 2023ko egunen ia % 91k kalitate "ona" edo "oso ona" izan baitute
TECH friendly-k plangintza estrategikoa eta hiri-inguruneen eraldaketa digitala eta fisikoa uztartzen ditu
Bizkaiko enpresa hiriaren garapenean eta tokiko administrazio publikorako aholkularitza teknologikoan aritzen da.
Lansolar Ingenieros, bi hamarkada inguru abangoardiako irtenbideak eskaintzen trantsizio jasangarriagoa bultzatzeko
Bizkaiko enpresak hidrogenoarekin lan egiten hastea du helburu datozen hilabeteetan, energia fotovoltaikoa biltegiratzeko sistema gisa.