“Echebastarren argi daukagu arrantza-sektorearen etorkizunak erantzukizuna eta berrikuntza eskatzen dituela”
“Argi daukagu baliabidearen eta arrantza-sektorearen etorkizuna erantzukizunetik eta berrikuntzatik datorrela”. 50 urte baino gehiagoko esperientziarekin, Echebastar kontserba enpresak anbizioz eta baikortasunez begiratzen dio etorkizunari. Jatorria eta egoitza Bermeon dituen familia-konpainia honek bere burua berrasmatzen jakin du bere negozio-lerroaren dibertsifikazioarekin eta berrikuntzaren aldeko apustu argiarekin, betiere ingurumen-jasangarritasuna eta gardentasuna bereizgarri direla.
“Beti aritu gara arrantzan eta gure hegalaburra kontserbagileei saltzen. Eta horretan jarraitzen dugu, baina gaur egun, urteetako lanaren ondoren, negozio-ildo berria garatzen ari gara, azken kontsumitzaileari hegalabur ultraizoztua, ketuak eta kontserbak helarazteko helburuarekin“, azaldu du Oskar Baraiazarrak, konpainiako Komunikazio eta Identitate Korporatiboko zuzendariak. Alakrana hegalaburra da, -60 gradutan ultraizoztutako produktua, Euskadiko elikagaien berrikuntzaren saria jaso duenak. “Konpainia nazional bakarra gara, eta oso gutxi dira nazioartekoak, kalitate handiko hegalabur ultraizoztua ekoizten dutenak atunontzi izozkailuetan, gatzunetan izozteko diseinatu izan direnak”, gehitu du.
Enpresak denbora eta ahalegina eskaini dion beste erronketako bat arrantza jasangarria da. “Nola egiten dugu? Ontziteria gaztea eta txikiagoa eraikiz, bide batez, Bizkaiko ontzioletatik ateratzen dena, prozesuak digitalizatuz, arrain bizi ez-objektiboa itsasora itzultzen duen zinta bikoitza bezalako sistema berritzaileak ezarriz, 24×7 ontzian begiraleak eramanez eta AZTI, MSC, ISSF… bezalako instituzio eta erakundeekin lan eginez”, zehazten du Baraiazarrak.
Jarduera horri esker, Echebastar MSC ziurtagiria lortu duen lehen inguratze arrantza konpainia izan da, bere modalitate guztietan. Ziurtagiri hori “arrantza-sektorearen inguruan indartsuena eta zorrotzena da”, zehaztu dute konpainiatik. “Baina ez ginen hor geratu eta MSC UP TO DATE merkaturatu genuen, jasangarritasunarekin dugun konpromisoaren estandarte nagusia, aurrekaririk gabeko gardentasun ariketa batekin”, gehitu du Baraiazarrak.
Gainera, berrikuntzaren aldeko apustua I+G proiektuak garatzean gauzatzen da, hala nola zenbait bazkiderekin batera sortu berri duen Saretu. Enpresa hHrren helburua arrantza-sareen balioa handitzea da, “ekonomia zirkularraren aldeko apustu estrategiko batean”. Eta erronka berri gisa, Echebastarrek jatetxeen sektorera jotzen du, urte amaieran, Bermeon, argitara emango duen proiektu batekin.
SPRI Taldea RIS 3 Euskadi estrategia abian jartzen duen eragileetako bat da, energiaren, fabrikazio aurreratuaren, bio-osasunaren eta nanozientziaren arloetan espezializazio adimenduna bultzatzeko.
Lotutako albisteak
Surphasek merkatuan parekorik ez duen teknologia garatzen du eta gatzgabetzeko planten eraginkortasuna handitzea lortzen du
Donostiako ETEak, Europako Batzordearen 2,5 milioiko dirulaguntza lortuta, iragazkien egoera aurreikusten du denbora errealean; hala, geldialdi teknikoen % 60 murrizten du
Lufe: “Bezeroaren esperientzia modu aktiboan entzutea da hobetzen laguntzen dizuna”
Enrique Arrillagak duela hamar urte sortu zuen % 100 Euskadiko lehengaiez diseinatu eta fabrikatutako altzarien enpresa, eta dagoeneko hainbat herrialdetara saltzen du, hala nola Frantzia, Italia eta Portugalera.
Saitec: “’Offshore’ energia eolikoa independentzia ekonomikorako aukera da Europarentzat”
Javier Urgoiti Bizkaiko ingeniaritza-enpresaren bazkide sortzaileak nabarmendu du Euskadiko industriak potentziala duela sektore estrategiko hori erakartzeko
ScrapAd: “Sektorea digitalizatu nahi dugu ekonomia zirkularra bizkortzeko eta metal birziklagarriak baztertzea saihesteko”
Enpresa gipuzkoarrak, Sara Montesek eta Samuel Ruiz de Lorenzok sortuak, end to end formula eskaintzen du 125 herrialde baino gehiagotan hondakin metalikoen salerosketarako: kontratuak, dokumentazioa eta logistika kudeatzeaz arduratzen da, saltzailearen instalazioetan materiala biltzea eta erosleari entregatzea ziurtatuz.
Fivemasa: “Isurien kontrola ingurumenerako onuragarria izateaz gain, lehiarako abantailak ere eskaintzen ditu”
Mende erdi baino gehiagoko historiarekin, enpresa bizkaitarra airearen kutsadura kontrolatzeko makinen diseinuan, ingeniaritzan, fabrikazioan eta muntaketan espezializatu da, eta hainbat kontinentetara iristen da, Europan gero eta garatuagoa den araudia ahaztu gabe.
CTA hidrogeno bidezko hegazkinaren fuselajearekin ari da lanean
Miñaoko Teknologia Aeronautikoen Zentroak Europako Faster H2 proiektuan hartzen du parte, 150 eta 250 bidaiari artean hartuko dituen egitura ultraefizientea diseinatzeko.
CRH, eraikuntzan soluzio jasangarriak eskaintzen dituen multinazionala
Elena Guede exekutibo arabarrak zuzentzen du Irlandako enpresaren jasangarritasuneko estrategia
PepsiCo-ren Arabako lantegia zero emisio garbi dituen lehenengoa izango da taldean
Proiektuak 5 milioi euroko inbertsioa izango du, eta 2019tik Etxeberri-Ibiñan berrikuntza- eta jasangarritasun-proiektuetan inbertitutako 27 milioiri gehitu behar zaio
Mikel Lasa (EIT InnoEnergy): “Startupak funtsezkoak dira mugikortasunaren sektorea eraldatzeko”
Europako erakundeak enpresak bizkortzen ditu eta energia jasangarriaren berrikuntza bultzatzen du, eta hiru arlo nagusitan espezializatuta dago: bateriak, azken miliako hiri-mugikortasuna eta pertsonen eta merkantzien distantzia luzeko desplazamendua.
Egoingo lau proiektutatik bat atzerritik iristen da dagoeneko
Egurraren arloko taldeak 25 milioi euro inbertitu ditu Legutioko fabrika moderno batean eta Europa hegoaldeko lidergoa finkatu du