Ekograsek erabilitako olioa biodiesela bihurtzen du
Ekogras 1998an sortu zen ostalaritzan erabilitako landare-olioa kudeatzeko, eta ekonomia zirkularraren alde egiteko ideia argiarekin. Gaur egun, taldeak mila edukiontzi baino gehiago kudeatzen ditu Euskadin, Nafarroan eta Aragoin, hainbat enpresa eta biltegiren bidez. Bere bi lan-eremu nagusiak ‘horeca’ sektorea (hotelak, jatetxeak eta catering-ak) eta administrazio publikoko eragileak dira.
Donostian egoitza duen enpresak erabilitako landare-olioaren birziklatze-prozesuan lan egiten du, eta hondakin horretatik abiatuta biodiesela egiteko teknologia Estatu Batuetatik inportatzen du. Ekograsek egiten duen lana olioa prozesatzean datza, hondakin-ura eta gainerako organikoa bereizteko. Gero, hondakin horiek biometanizazio-planta batera bidaltzen dira. “Biltzen dugun olioaren % 100a birziklatzen da. Izan ere, olioaren balorizazio eta birziklatze prozesuan lehenengo urratsa gara, gero biodiesel izateko”, nabarmendu du Horacio Goñik, Ekograseko kalitate-arduradunak.
Gainera, Ekograsek olioa biltzeko hainbat soluzio garatu ditu. Eko3-ren bidez egiten duen lana nabarmena da adibidez. Taldeko enpresa honek makina adimendun zerbitzu bat eskaintzen du elkartrukerako pote-sistema batekin. Herritarrek erabilitako olioa eramaten dute eta pote huts eta garbi bat lortzen dute olio horren truke. “Gaur egun, taldeak nazioartean presentzia gehien duen produktuetako bat da, Europar Batasuneko hainbat herrialdetan merkaturatzen baita: Portugalen, Alemanian edo Grezian. Gainera, Uruguain eta Kolonbian probak egin dira, baita Dubain ere”, azaldu du Horacio Goñik. Antzeko soluzioa da Ekograsen birziklatzeko etxea, bizilagunek hondakinak modu seguruan botatzen dituzten gune garbia. Behin barruan, hondakinak mota bakoitzeko edukiontzietan biltegiratzen dira, eta birziklatze-etxea kudeatzeaz arduratzen diren langileek soilik ireki ditzakete.
Beste soluzio bat Oil Reduction System da, iragazteko eta biltegiratzeko sistema bat, ostalariek olioa aurreztu eta olio erabiliak biltegietara modu seguruan eramateko aukera eskaintzen duena. Baina Gipuzkoako enpresak ez du olio erabilia bakarrik lantzen, Kafea enpresa ere badu. Ekograsen delegazio horrek kafe-kapsulak osatzen dituzten materialen % 100 berreskuratzen ditu, eta ekodiseinuko produktuetan bihurtzen ditu, hala nola loreontziak, edukiontziak, substratua edo paperontziak. Azken proiektu hori SPRI Taldearen Ekintzaile programari esker gauzatu da.
Etorkizunari begira, Ekograsek aurrera egiten jarraitu nahi du bere jarduera-ildoetan. Horacio Goñik ondorioztatu duenez, “lantzen ditugun ildo desberdinak finkatu behar ditugu, eta zalantzarik gabe, bide honetan aukera berriak agertuko dira, ideia berriak, eta horiei buruz ikertu beharko dugu”.
SPRI Taldea RIS 3 Euskadi estrategia abian jartzen duen eragileetako bat da, energiaren, fabrikazio aurreratuaren, bio-osasunaren eta nanozientziaren arloetan espezializazio adimenduna bultzatzeko.
Lotutako albisteak
Pradales Lehendakaria: “Gure Plan Industriala europar jarraibideekin lerrokatzen ari gara”
"Euskadi eragile garrantzitsua izan daitekeelako eta izan behar duelako prozesu horretan”
Euskadik bere automobilgintza sektoreko industria indartuko du errepideko garraioaren deskarbonizazio adimendunerako laguntza-programa berri batekin
Eusko Jaurlaritzak "Emisio Txikiagoko Ibilgailuak" laguntza-programa aurkeztu du Industriaren Defentsarako Taldearen baitan, euskal automobilgintzaren sektoreak egungo muga-zergen gerraren testuinguru globalean dituen erronkei erantzuteko
Euskadik bere aurrerapena sendotu du ingurumenaren babesean, airearen kalitatean eta isurketen murrizketan hobekuntza nabarmenak eginez, Ingurumen-koiunturari buruzko 2024ko txostenaren arabera
Euskadiko airearen kalitatea nabarmen hobetu da, zeren 2023ko egunen ia % 91k kalitate "ona" edo "oso ona" izan baitute
TECH friendly-k plangintza estrategikoa eta hiri-inguruneen eraldaketa digitala eta fisikoa uztartzen ditu
Bizkaiko enpresa hiriaren garapenean eta tokiko administrazio publikorako aholkularitza teknologikoan aritzen da.
Lansolar Ingenieros, bi hamarkada inguru abangoardiako irtenbideak eskaintzen trantsizio jasangarriagoa bultzatzeko
Bizkaiko enpresak hidrogenoarekin lan egiten hastea du helburu datozen hilabeteetan, energia fotovoltaikoa biltegiratzeko sistema gisa.
Euskadik Brasilgo itsas-sektore eolikoko erakunde nagusiak hartu ditu hango merkatuaren garapena bultzatzeko misioan
Flanders Investment & Trade eta Euskadiko Energia Klusterraren lankidetzaz antolatutakoa
Mikel Jauregi sailburuak eta PepsiCo-ko presidenteordeak enpresak Etxabarri-Ibiñako instalazioa “zero emisioko” munduko lehena izateko egin duen apustua aztertu dute
Elikagaien eta edarien multinazionalak Arabako Parke Teknologikoan instalatu du bere Hub Digital Globalaren zati bat, datuetan eta adimen artifizialean espezializatua.
Optimus3Dk neurrira egindako gailu medikoak landuko ditu Gregorio Marañón ospitalearekin batera
Arabako enpresak bidalitako Lorena Cros doktoreak 3D modelaketan, inplanteen diseinuan eta irudi medikoen segmentazioan lagunduko du.
Ekisolarrek bere negozioa deskarbonizaziorantz hedatu nahi du
Gasteizen kokatuta dagoen enpresak SPRI Taldearen BDIH Konexio programaren laguntza jaso du eta estalki industrialetan energia fotovoltaikoa eskaintzen du.
Euskadi agenda 2030 sariak 60 erakunde aintzatetsi ditu, garapen jasangarriaren helburuekin duten konpromisoagatik
SPRIk eta Euskadiko Parke Teknologikoak konpromiso-diploma lortu dute