Etxebizitza prefabrikatu jasangarriak, AK Modularren eskutik

Eraikuntza industrializatua etxebizitza baten funtsezko elementuak (forjatuak, hormak eta estalkia) fabrika batean egitea oinarritzen da. Ondoren muntaketa, lekualdatzea eta instalazioa etxea egongo den lursailean egiten da. Gaur egun, eraikuntza-sektore osoan, ehun eraikuntzatik bi prefabrikatuak dira jada, eta datozen urteetan ehunekoa igo egingo dela aurreikusten da. Gainera, entrega-epeak nabarmen laburtuko dira. 

Merkatu horren alde egiteko helburuarekin sortu zen duela 20 urte baino gehiago AK Modular enpresa. Gasteizen kokatuta dago, eta gaur egun 30 langile inguru ditu eta Estatu osoan zehar ordezkaritzak ditu, hala nola Bartzelonan, Zaragozan edo Alacanten. Gainera, hazkunde-prozesu bat hasi du Europako merkatuan, eta Asiako merkatua aztertzen ari da dagoeneko. “India izugarrizko potentziala duen herrialdea da. Hainbat azokatan parte hartu dugu, eta kontaktuak egiten ari gara tokiko enpresekin batera, ‘joint venture’ bat sortzeko xedearekin”, Txema Martín González, AK Modularreko CEOk adierazi duenez. 

AK Modular enpresaren arrakasta horma industrializatuen garapenean oinarritu da. AKABRICK modelo patentatua Europan zementuz egindako horma prefabrikatu bakarra da. Elementu honek 31 zentimetroko lodiera eta 20 zentimetroko isolamendua ditu. “Pertsona batzuek horrelako etxeen inguruan duten irudi zaharkitua baztertzen da horrela, bungalow baten antza dutela uste baitute”, dio enpresako CEOk. 

AK ModularreK fabrikatutako etxebizitzak ‘passivhaus’ kontzeptuan oinarrituta daude. Kontzeptu horrek eraginkortasun energetiko osoa eta ahalik eta jasangarriena izatea du helburu. Gainera, etxebizitzak instalazio batzuetan egiten direnez, sortutako hondakinak askoz txikiagoak dira, eta berriro aprobetxatu egin daitezke. 

Etorkizunari begira, enpresak bere merkatuak gero eta gehiago zabaltzea du helburu, eta era horretako eraikuntzen alde egingo duten pertsona gehiago lortzea. “Ikertzen eta eraikuntza-teknikak garatzen jarraitu behar dugu, gero eta eskuragarriagoak izateko. Industrializazioa soluzioa da”, Txema Martín Gonzálezek amaitu duenez. 

SPRI Taldea RIS 3 Euskadi estrategia abian jartzen duen eragileetako bat da, energiaren, fabrikazio aurreratuaren, bio-osasunaren eta nanozientziaren arloetan espezializazio adimenduna bultzatzeko.   

Lotutako albisteak

20 ekaina, 2024 Ingurumen-jasangarritasuna

ORHI+, iraunkortasuna eta zirkulartasuna indartzen jarraitzeko proiektua

Irakurri gehiago

14 ekaina, 2024 Digitalizazioa

Oreka Circular Economy aplikazio mugikor baten bidez elikagaien alferrik galtzea murrizten laguntzen du

Irakurri gehiago

3 ekaina, 2024 Ingurumen-jasangarritasuna

AAF: “Airearen kalitateak ere markatzen du edozein enpresaren produktibitatea”

Irakurri gehiago

28 maiatza, 2024 Ingurumen-jasangarritasuna

Sinnple, jasangarritasunaren aldeko apustua lehiakorrak izateko

Irakurri gehiago

28 maiatza, 2024 Ingurumen-jasangarritasuna

Inoxibarrek zartaginak birziklatzeko seigarren kanpaina abiatu du

Irakurri gehiago

Joan blog-era