Euskadik bat egin du Munduko Industria Aliantzarekin 2050ean 0 isuri neto lortzeko
- Euskadiko industriak, World Economic Forumek Glasgowko COP 26an gaur gonbidatu dituen lau eskualdeetako bat izanik, aurrerapauso eredugarria eman du eta Munduko Aliantzarekin bat egin du 2050. urtean emisio garbiak 0 lortzeko
- Ekonomiaren Garapen, Jasangarritasun eta Ingurumeneko sailburu Arantxa Tapiak historikotzat jo du Euskadiko gizarte- eta ekonomia-motor garrantzitsuena den industria-ehuna aitzindaria izatea klima-aldaketaren aurkako borrokaren konpromisoan
Industriak ekonomia-, gizarte- eta ingurumen-balioa sortu behar duela sinetsita Euskadin sortu zen «Basque Net Zero Industrial Super Cluster» delakoak bat egin du gaur, Glasgowko COP26an, 2050ean 0 emisio garbiak lortzeko Munduko Industria Aliantzarekin.
World Economic Forum, WEF, 1971tik arazoak identifikatu, konponbideak diseinatu eta klimaren alde jarduten duen nazioarteko erakunde independentea da. WEFek Euskadi aukeratu du gaur Accelerating the journey toward Net Zero Industrial Clusters forora gonbidatutako lau eskualdeetako bat izateko. Foro horretan sinatu da Tapia sailburuak “historikotzat” jo duen aliantza.
Euskadi aitzindaria izan zen Emergentzia Klimatikoa deklaratzen 2019an, eta, ordutik, garapen inklusibo eta jasangarriaren aldeko apustua argia izan da, eta orain nazioartean onartua industria-mugimendu global horren parte izateko.
Arantxa Tapiak Euskal Industriak gaur emandako pausoaren eredugarritasuna azpimarratu du, eta COP 26ko foro honetan emandako hitzaldian esan du “Nahiz eta Euskadi, batez ere industriala den herrialde txikia, askotan ez ulertua sentitu, denborak arrazoia eman digu egin dugun industriaren aldeko apustuagatik. Industria izan da eta da gure ekonomiaren motor nagusia, BPGaren % 24,3, ekonomia eta gizarte oparoa izatea ahalbidetzen diguna”. Sailburuak bere harrotasuna adierazi du “gaur egun klima-ekintzaren aurrean gure anbizioagatik aintzatetsitako eskualde gisa agertu ahal izateagatik”.
Horrela egiaztatzen du Climed Group Aliantzak, Euskadi anbizio klimatikoan liderrak diren munduko 18 eskualdeen artean kokatzen baitu. Tapiarentzat, “euskal industriak oso ondo daki bere ekoizpen-sistemak hobetu eta bideratu egin behar direla. Konpromiso hori betetzen ari dira, izan ere, 2005etik 2020ra, Euskadiko enpresa-sareak berotegi-efektuko gasen emisio-mailak ia % 50 murriztea lortu du”.
Eusko Jaurlaritzak ezagutzen du zenbateko lana dagoen egiteke industria-giharrak ekarpen handiagoa egin diezaion klima-helburu handiak lortzeari. Horregatik, gaur Glasgowko COP26an berretsi du 2050erako zero emisio garbiekiko Euskadiren konpromisoa.
Amaitzeko, Tapiak esan du “ezin dugula onartu industria mehatxutzat hartzea, baizik eta gure aliatu nagusitzat. Herriaren helburu horiek lortzeko modu bakarra industriaren eskutik egitea izango da.
“Basque Net Zero Industrial Super Cluster”ari buruzko informazio gehiago hemen
Lotutako albisteak
Tecoplasek plastiko teknikoen eraldaketan erreferentzia gisa sendotzea du helburu
Bizkaiko enpresak industria-sektorerako eta uren tratamenduko sektorerako lantzen du material hori, eta akuikultura- edo elikagaigintza-sektoreetan duen posizioa handitzea esploratzen ari da.
Haizelur, nazioartekotzearen aldeko apustua egiten duen doitasun-mekanizazioaren arloko Debako ETEa
Enpresaren esportazioek SPRI Taldearen zibersegurtasuneko programaren dirulaguntza jaso dute eta negozioaren % 35era iritsi dira dagoeneko
Pradales Lehendakaria: “Gure Plan Industriala europar jarraibideekin lerrokatzen ari gara”
"Euskadi eragile garrantzitsua izan daitekeelako eta izan behar duelako prozesu horretan”
Euskadik bere automobilgintza sektoreko industria indartuko du errepideko garraioaren deskarbonizazio adimendunerako laguntza-programa berri batekin
Eusko Jaurlaritzak "Emisio Txikiagoko Ibilgailuak" laguntza-programa aurkeztu du Industriaren Defentsarako Taldearen baitan, euskal automobilgintzaren sektoreak egungo muga-zergen gerraren testuinguru globalean dituen erronkei erantzuteko
Euskadik bere aurrerapena sendotu du ingurumenaren babesean, airearen kalitatean eta isurketen murrizketan hobekuntza nabarmenak eginez, Ingurumen-koiunturari buruzko 2024ko txostenaren arabera
Euskadiko airearen kalitatea nabarmen hobetu da, zeren 2023ko egunen ia % 91k kalitate "ona" edo "oso ona" izan baitute
TECH friendly-k plangintza estrategikoa eta hiri-inguruneen eraldaketa digitala eta fisikoa uztartzen ditu
Bizkaiko enpresa hiriaren garapenean eta tokiko administrazio publikorako aholkularitza teknologikoan aritzen da.
Lansolar Ingenieros, bi hamarkada inguru abangoardiako irtenbideak eskaintzen trantsizio jasangarriagoa bultzatzeko
Bizkaiko enpresak hidrogenoarekin lan egiten hastea du helburu datozen hilabeteetan, energia fotovoltaikoa biltegiratzeko sistema gisa.
Euskadik Brasilgo itsas-sektore eolikoko erakunde nagusiak hartu ditu hango merkatuaren garapena bultzatzeko misioan
Flanders Investment & Trade eta Euskadiko Energia Klusterraren lankidetzaz antolatutakoa
Europako Clean Industry Deal-ek Euskadirentzat dituen aukerak aztertu ditu Euskal Industria Deskarbonizatzeko Foroak
Foroa hainbat eragilek (hala nola industria-klusterrek eta Eusko Jaurlaritzak) deskarbonizaziorako irtenbide teknologikoei buruz eztabaidatzeko topaleku gisa finkatu da
Mikel Jauregi sailburuak eta PepsiCo-ko presidenteordeak enpresak Etxabarri-Ibiñako instalazioa “zero emisioko” munduko lehena izateko egin duen apustua aztertu dute
Elikagaien eta edarien multinazionalak Arabako Parke Teknologikoan instalatu du bere Hub Digital Globalaren zati bat, datuetan eta adimen artifizialean espezializatua.