Garapen jasangarriari eta GJH-Garapen Jasangarrirako Helburuei lotutako enpresentzako aukerak
SPRI-Enpresen Garapenerako Euskal Agentziak euskal enpresei zuzendutako onlineko topaketa bat antolatu du EAEko Klusterrak Dinamizatzeko Erakundeekin garatutako jardueraren barruan. Topaketan garapen jasangarriari lotutako aukerak azalduko dira eta aztergai hartuko da nola txertatu GJH-Garapen Jasangarriko Helburuak konpainien kudeaketan, eta nola eta zein jarraibideren arabera prestatu GJHen arloan lortutako aurrerapenei buruzko txostenak.
Datorren azaroaren 29an egingo den “Reportando los Avances en los ODS de la Agenda 2030: un Enfoque en el ODS 8- Trabajo y Crecimiento Económico, y el ODS 9 – Industria, Innovación e Infraestructura” jardunaldiak zabalik du izena emateko epea eta gehienbat bi helburu horietan zentratuko da, hau da, 8. Helburuan (Lan duina eta hazkunde ekonomikoa) eta 9. Helburuan (Industria, Berrikuntza eta Azpiegiturak), bi horiek izaki, Eusko Jaurlaritzak sustatutako eta klusterrek eginiko azterlan baten arabera, Euskadiko enpresen errealitatetik hurbilen dauden helburuak.
Jardunaldian parte hartuko dute Rubén Carricondo, Agenda 2030 eta Munduko Itunaren Espainiako Sareko Jasangarritasun Analisiko arduradunak, Cristina Sánchez, Nazio Batuen Munduko Itunaren Espainiako zuzendari exekutiboak, Iker Atxa, Eusko Jaurlaritzako Berrikuntza Sozialeko zuzendari eta Agenda 2030en arduradunak, eta Aitor Cobanera, SPRIko Enpresa Garapenerako zuzendariak.
SPRIk sustatutako eta UN Global Compact–Munduko Itunaren Espainiako Sarearekin eta klusterren lankidetzarekin antolatutako topaketa honek plataforma bat du GJHetan Trebatzeko eta beste bat GJHak Kudeatzeko. Plataforma horiek, EAEko klusterretako enpresen eskura egongo direnak 2022ko urrira arte, euskarri pertsonalizatu bat eskaintzen dute zalantzak argitzeko. Sarbidea doan izango da esteka honen bidez erregistratu ondoren: Kudeatzeko eta Trebatzeko
Lotutako albisteak
Optimus3Dk neurrira egindako gailu medikoak landuko ditu Gregorio Marañón ospitalearekin batera
Arabako enpresak bidalitako Lorena Cros doktoreak 3D modelaketan, inplanteen diseinuan eta irudi medikoen segmentazioan lagunduko du.
Ekisolarrek bere negozioa deskarbonizaziorantz hedatu nahi du
Gasteizen kokatuta dagoen enpresak SPRI Taldearen BDIH Konexio programaren laguntza jaso du eta estalki industrialetan energia fotovoltaikoa eskaintzen du.
Euskadi agenda 2030 sariak 60 erakunde aintzatetsi ditu, garapen jasangarriaren helburuekin duten konpromisoagatik
SPRIk eta Euskadiko Parke Teknologikoak konpromiso-diploma lortu dute
E&M Combustion-ek Chileko meatzaritza deskarbonizatzen laguntzen du hidrogenoa erabiliz, Sprilur-en Bildosola Poligonotik
Euskal ingeniaritzak hidrogenoaren errekuntzako I+G proiektu pilotu hau garatu du Chileko Gobernuarentzat.
Agua Embrujadak infusioen sektorea gama handiko alternatiba jasangarriekin irauli du
Arabako enpresak osagai naturalen eta prozesu iraunkorren aldeko apustua egin du, kalitate handiko teak eta infusioak eskaintzeko.