Gasteizek Hiri-eredu Jasangarrien Gailurra ostatatuko du hil honetan
Gasteizek Hiri-eredu Jasangarrien Gailurra ostatatuko du datorren irailaren 29an eta 30ean, Green Capital izan zeneko 10. urteurrena ospatzeko. Ekitaldia Europa Kongresu Jauregian egingo da eta egitarau bete-betea eskainiko du, aipagarriak direlarik hiri-eredu jasangarriei buruzko eztabaidak, mahai-inguruak, erakusketak eta azoka bat ekonomia berdearekin nahiz zirkularrarekin lotutako enpresentzat. Izena emateko epea zabalik dago jadanik.
Eztabaidak eta mahai-inguruak topagune bat izango dira bai adituentzat, bai lehen mailako hizlarientzat eta bai hiritarrentzat. Bertaratuek aukera izango dute hiri-eredu jasangarrien inguruko ideiak eta esperientziak ezagutu eta deskubritzeko eta hizlari eta espezialistekin partekatzeko. Eta parte hartu ahal izango dute baita ere puri-purian dauden gaiei buruzko mahai-inguruetan, besteak beste deskarbonizazioari eta trantsizio energetikoari edo elikadura-jasangarritasunari buruzkoetan.
SPRI Taldeak (Ekonomi Garapen, Jasangarritasun eta Ingurumen Sailaren menpeko enpresen garapenerako euskal agentzia) jardunaldietan parte hartuko du Teknologia, Berrikuntza eta Jasangarritasun zuzendari Cristina Oyónen bitartez, zeina moderatzaile arituko baita deskarbonizazioari eta trantsizio energetikoari buruzko mahai-inguruan.
Parte-hartzaileen artean izango dira Kristen Dunlop, Klimaren aldeko Berrikuntza eta Ezagutzaren Europako Komunitateko zuzendaria; Mercedes Maroto-Valer, Erresuma Batuko Deskarbonizazio Industrialerako Ikerketa eta Berrikuntza Zentroko zuzendaria; Indy Johar, Dark Matter Labs zentroko zuzendari exekutiboa; eta Carlos Moreno, Sorbonako Unibertsitateko zuzendari zientifikoa.
Bestalde, urteurrenaren omenezko erakusketa zabalik egongo da Europa Kongresu Jauregian asteburu osoan zehar.
Lotutako albisteak
Optimus3Dk neurrira egindako gailu medikoak landuko ditu Gregorio Marañón ospitalearekin batera
Arabako enpresak bidalitako Lorena Cros doktoreak 3D modelaketan, inplanteen diseinuan eta irudi medikoen segmentazioan lagunduko du.
Ekisolarrek bere negozioa deskarbonizaziorantz hedatu nahi du
Gasteizen kokatuta dagoen enpresak SPRI Taldearen BDIH Konexio programaren laguntza jaso du eta estalki industrialetan energia fotovoltaikoa eskaintzen du.
Euskadi agenda 2030 sariak 60 erakunde aintzatetsi ditu, garapen jasangarriaren helburuekin duten konpromisoagatik
SPRIk eta Euskadiko Parke Teknologikoak konpromiso-diploma lortu dute
E&M Combustion-ek Chileko meatzaritza deskarbonizatzen laguntzen du hidrogenoa erabiliz, Sprilur-en Bildosola Poligonotik
Euskal ingeniaritzak hidrogenoaren errekuntzako I+G proiektu pilotu hau garatu du Chileko Gobernuarentzat.
Agua Embrujadak infusioen sektorea gama handiko alternatiba jasangarriekin irauli du
Arabako enpresak osagai naturalen eta prozesu iraunkorren aldeko apustua egin du, kalitate handiko teak eta infusioak eskaintzeko.