Landfeed proiektuak ongarri jasangarriak garatzea du helburu nekazaritzako elikagaien hondakinak erabiliz
Gaur egun, ongarri mineralak dira ohikoenak Europako nekazaritzan. Elementu horiek, nagusiki, nitrogenoz, fosforoz eta potasioz osatuta daude, eta horiek ekoizteak eragin handia du ingurumenean, karbono-aztarna handia sortzen baitute. Alternatiba jasangarriagoak bilatzeko hainbat ekimen daude, eta horietako baten buru Neiker zentro teknologikoa da.
Landfeed proiektua Europako partzuergo bat da, 7 estatutako 21 bazkidek osatua, eta nekazaritzako elikagaien hondakinak erabilita ongarri jasangarriak ekoiztea du helburu. Zentro teknologikoaz gain, Azti, Kollvik Recycling edo Zabala Innovation bezalako euskal erakunde eta enpresek parte hartzen dute. Proiektuak 6,6 milioi euroko aurrekontua du eta 4 urteko iraupena izango du.
Denbora horretan, erakunde kolaboratzaileek nekazaritzako elikagaien hondakinak bio-ongarri bihurtuko dituzte, eta, iraunkorragoak izateaz gain, lurzoruaren egitura hobetzea eta higadura murriztea ahalbidetuko dute. “Gure helburua da ongarriak sortzea, jasangarriagoak izango direnak eta, gainera, lurzoruaren osasuna eta biodibertsitatea hobetzeko aukera emango dutenak, ingurumen-inpaktua murriztuz ”, azaldu du Miriam Pintok, Neikerreko hondakinen errebalorizazioko ikertzaile eta proiektuaren koordinatzaileak
Zehazki, zentro teknologikoak algetan oinarritutako estaldura biodegradagarriak garatuko ditu ongarri horietarako, mantenugaien isurketa hobetzeko eta berotegi-gasen emisioak murrizteko. “Estaldura horiei esker, elikagaiak modu kontrolatuagoan aska daitezke, landareak modu eraginkorragoan haz daitezen ahalbidetuz”, adierazi du proiektuaren arduradunak.
Gainera, ekimen honen helburua da landa-eremuak bio-ekonomiaren bidez bultzatzea. Proiektuak 150 lanpostu sortuko ditu Estatuko Teruel eta Jaén eskualdeetan, baita Frantziako eta Italiako beste eremu batzuetan ere. Karbono-aztarna ere gutxituko da, ongarri konbentzionalen ekoizpenera bideratzen den ur- eta energia-kontsumoa murriztuz.
SPRI Taldea RIS 3 Euskadi estrategia abian jartzen duen eragileetako bat da, energiaren, fabrikazio aurreratuaren, bio-osasunaren eta nanozientziaren arloetan espezializazio adimenduna bultzatzeko.
Lotutako albisteak
Ekisolarrek bere negozioa deskarbonizaziorantz hedatu nahi du
Gasteizen kokatuta dagoen enpresak SPRI Taldearen BDIH Konexio programaren laguntza jaso du eta estalki industrialetan energia fotovoltaikoa eskaintzen du.
Euskadi agenda 2030 sariak 60 erakunde aintzatetsi ditu, garapen jasangarriaren helburuekin duten konpromisoagatik
SPRIk eta Euskadiko Parke Teknologikoak konpromiso-diploma lortu dute
E&M Combustion-ek Chileko meatzaritza deskarbonizatzen laguntzen du hidrogenoa erabiliz, Sprilur-en Bildosola Poligonotik
Euskal ingeniaritzak hidrogenoaren errekuntzako I+G proiektu pilotu hau garatu du Chileko Gobernuarentzat.
Agua Embrujadak infusioen sektorea gama handiko alternatiba jasangarriekin irauli du
Arabako enpresak osagai naturalen eta prozesu iraunkorren aldeko apustua egin du, kalitate handiko teak eta infusioak eskaintzeko.
Araniak hazkundea bizkortu du berrikuntzaren, iraunkortasunaren eta eraldaketa digitalaren bidez
Konpainiak Ipar Amerikan duen presentzia sendotu eta merkatu estrategikoetan lidergoa berretsi du